ஐஐ◄◄تــجــمــع اللي ولادتــهم قيصــريــة >> يرجى الانتقال إلى ملف جديد

الحمد الله على السلامة يالاء..والف مبروك ماجاك ويتربى في عزكم..
والف سلامة عليك يالله حيها ويتربى يوسف في عزكم..
والله يهون على البقين ويقومهم بالسلامة..

شلونكم بنات؟؟

آلاء: الحمدالله عالسلامة و شكلج كويتية صح؟؟
لان كلامج جنا عن مستشفى الولادة...
اهم قيصرياتهم زينه بس ما تدرين من عنده تطيحين!! عشان جذي أنا أحب أروح للخاص مع دكتورتي

حمدالله على سلامتك

يالله حيها: شلونج حبيبتي؟؟
لا تخافين راح يتسنع شكله مع الوقت...ما راح يروح تماما هالزم اللي مسويه لج الدكتور :) لكن راح يخف كثير
حمدالله على سلامتك و مبروك ما جبتي

هارت: شلونج و شلون البنوته؟؟

فداء: حبيبتي شلونج؟ و ها؟ عرفتي شنو فيج؟؟ والا ما عرفتي؟ ان شاء الله وليد يا فداء.. أنا حاسه انه وليد ما أدري ليش :)

كندر: حبيبتي من بعد الاسبوع 37 ما يدخل الطفل الحضانه لانه مكتمل ما شاء الله.... وجوده بالرحم من الاسبوع 37 الى 40 لزيادة الوزن ليس الا

أنا ولدت بنتي الثانية على الاسبوع ال37 طبيعي..والحمدالله ما احتاجت حضانه ولا شي و كانت صحتها زينه ما شاء الله..توكلي على الله

:26:

ام فوفو وسارونة المزيونه ..

الله يسلمك ويبارك فيكم :)

حياك الله سارونة

لا والله ياقلبي ماعرفت لأن المستشفى مواعيدهم متباعدة وتعبانة تعرفين حالتي

ما أقدر اروح خاص أوفر الطلعات قالت بعد أسبوعين أشعة وإذا ما علموني رحت خاص .. الله يكون بالعون .. والي يجي من الله هدية منه سبحانه هو يختارها لنا .. الولد تفرحين فيه عشان زوجك والبنت حلوة وااااو على البنيات ..

إن جيتي للحق أمنيتي من الله أجيب ببطن واحد 4 بنتين وولدين هههههه

وحدة من اقاربنا ماشاء الله عندها ولد وثلاث بنات و حملت بعدهم باربعة الله يحفظهم ويحفظها لهم وسقطت وحدة منهم !!! بس شافت الويل بحملها بس نايمة على ظهرها ..وجابت بنت وولدين تقول زي الدجاج الصغير حجمهم !! سبحان الله

وفي العايلة ناس ما ينجبون .. يجلس الواحد يفكر بحكمة الله من هالأمر ابتلاء يختبرنا كيف نشكر؟؟؟ وكيف نتذمر؟؟؟ .. والله بس أفكر في هالشي .. سبحان من بيده ملكوت كل شيء ..