تعبت من فرق الطبقات بيني وبين زوجي ... صبرت بس لمتى؟؟

مكرر

مدري وش اقولك ياعيوني عندي كلام كثير بس مو مرتب بحاول اكتبه زي ماهو وان شاء الله
تفهمينه
اولا ............. اذا زوجك عنده استعداد للتطور (لاحظي) ماقلت للانسلاخ من تفكيره كشخص ملتزم
لان هذي صفه الكل يدور عليها
الي اقصده حاولي انتي تطورينه الي لاحظته في ناس كثير يكون متزمتين في بعض الامور لانهم
مايعرفون المعنى الحقيقي للتطور واول مايفهمون ان التطور مايتعارض ابدا مع الالتزام بالعكس
ممكن تجمع بين التطور والتزام وهذا ارقى مستويات التطور على فكره

ولاتغفلين اهم مميزاته كرجل ملتزم .. اضمني انه رجل يخاف ربه
مهما عمل ومهما قال تاكدي ان ضميره مارح يغفل معناها بيخاف يظلمك .. بيخاف يخونك .. ووو
وهنا اعرفي ان نفسيتك بتكون مرتاحه ولو بتشيكين على مشاكل القسم هنا والاسريه بتفهمين
قصدي اكثر

وبالنسبه لاهله ماعليك من مستواهم لو كان اقل منك خليك انتي المتميزه دائما في مجتمعهم
هذي نقطه لك مش ضدك
واهم شي احترمي عاداتهم وتقاليدهم ولاتحقرينها مهما كان هالنقطه بتكبرك في عيون زوجك
وبتعطي قيمه لزوجك اكثر عند اهله وهلشي من صالحك لاحقا

انا مثلا وزوجي لنا نفس المكانه الاجتماعيه والماديه المرتفعه الحمدلله لكن تميزنا عنهم بتطور اكبر
نظرا لظروف خاصه .. تخيلي ملابسنا كلها نجيبها معنا من برا قبل الناس تفهم ايش اوروبا !

و اذا رحت اهل زوجي اراعي عاداتنا وتقاليدنا ماالبس اي شي ينقدونه من بنطلون وغيره
ترا البس لهم تيورات فخمه محتشمه
حتى بنتي اراعي طبيعه ملابسها عندهم وولدي مره البسه ثوب ومره جينزات كله عشان
ينبسطون وهم عارفين هالشي انه ارضاء لهم ومقدرينه

وبالنسبه للسفر اذا يهمك مره وتستمتعين فيه مره على مره بالاقناع راح يوافق
وارضي ربك اولا وارضي زوجك بالحجاب الساتر

وترا نصيحتى كاخت لك ترا كل حياه زوجيه فيها تحمل وفيها مواجهات وتعب وزوجك صفاته
تستحق التعب والتضحيه
مابالك في بعض المشاكل هنا اقول ياربي وش تبي فيه تتحمله وتلاقينهم متحملين وصابرين
وهو مايستاهل اصلا !

واخر كلامي اهم شي التوافق الفكري بينكم اذا تحسينه متقارب حاولي بذكائك توصلينه
للكمال

الله يهديك ويوفقك ويكتب لك اللي فيه الخير والصالح

قلبووو انا...........ياقلبي انتي والله حاسه فيك
لاتزعلين ولاتاخذين ببالك .... انتي حاولي تاخذين الامور بعين العقل مو المشاعر
وحابه اذكر نقطه ماقالوها الاخوات وهي احيانا الوحده تتزوج من نفس طبقتها او حتي احسن ويكون بخيل وعقله متنح بعيد عنك
وفي اللي تاخذ اقل منها مستوي ويكون يحاول انه مايقصر عليها ويحاول انه مايحسسها بالفرق بين عيشتها ببيت اهلها وببيته
يعني انتي شنوع زوجك بخيل ؟
كيف افكاره متزمت ولا زي ماقالت لك وحده من الاخوات تقدرين انك تطورينه شوي شوي
وبالنسبه لااهله ماعليكي منهم وانا اشوف ان هالشي لصالحك علشان تكونين متميزه
وبالنسبه لعبايه الراس ولا الكتف والله اشوف علي حسب الوحده وطرقتها للبس العبايه
احيانا تكون الوحده لابسه الكتف وشكلها سوري علي الكلمه مشرشح
وانا بالنسبه لي اشوف اللي علي الراس استر واكشخ بس يمكن علشانك مو متعوده عليها
علي العموم انتي شوفي هالامور وانتي ادري بزوجك وطريقت تفكيره

جزاكم الله خير ماقصرتوا كلكم....
كفيتوا ووفيتوا والله ينولكم اللي في بالكم ويوفقكم