فيليه لحم العجل مع المشروم (مطبخ منال)

انا هذي جربتها اكثر من مره وزوجي دايم يطلبها

المقادير :
كيلو فيليه بفتيك
2/1 ملعقه ملح
4/1 = فلفل
1 = بهار مشكل
3-4 = زيت
1 بصل شرائح
1 فلفل بارد شرائح
مشروم
3 ثوم شرائح
2/1 1 كوب ماء
= = = كريمه
1 كوب جبن موزاريلا
2 ملعق طحين

الطريقه:
ارش على اللحم ملح وفلفل اسود والطحين
احط زيت في المقلاه ثم اضيف شرائح اللحم واقلبه لين يحمر قليلا
اقطع المشروم شرائح
ارفع اللحم من النار واحطه في بايركس وفي نفس المقلاه احط البصل مكان اللحم
والثوم والمشروم والفلفل الباردواقلبه ارش عليه بهار المشكله ثم اضيف الكريمه واتركه لين يذبل الفلفل و البصل واضيف شوي ماء
اخليه يغلي غلوه ثم اضيفه على اللحم في البايركس واحط فوقه الجبن المزاريلا ثم ادخله الفرن

وبالعافيه اعذروني بنقطع عنكم هالايام لان عندي امتحانات ومسافره بكره ان رجعت بالسلامه بكمل لكم
باقي اطباق منال

13 تعليق 2,856 مشاهدة

شاركي في النقاش

سجلي الدخول لإضافة تعليق.

التعليقات

12
  1. @miss_chef

    السلام عليكم

    جزاك الله الف خير المزروعية

    الله يوفقك في امتحاناتك ...ويرجعج بالسلامة
    اوصيج ليلة الامتحان صلى ركعتين لله وادعي ...ولا تنسي سورة يس ..في الليل وصباح الامتحان ..الله يوفقك

    من وين تشترين لحم الفيلية اذا انتى بوظبي ...لاني دايما لما اشترية يكون قاسي مب لين ...ومب مثل المطاعم
    ترى الاكلة دخلت مزاجي :24:

    سلالالالالالالالالام :26:
  2. @almzroaayh

    صاحبة الموضوع
    مشكوره اختي مس شيف

    على هالدعوه الحلوه والنصائح

    انا من بوظبي واحب اخذ اللحم من جمعيه اللي في الزعاب قولي له فيليه عجل العين رب اي لان طعمه

    وايد حلو ومب قاسي انا دايم اشتري من عندهم لحمهم زين

    وبالعافيه ان شاء الله
  3. @miss_chef

    شو معنى هالكلمة المزروعية (رب اي )

    شكرا ..على المعلومة ..واول ما اسير الجمعية اجرب الطبق وادعيلك :24: :26:
  4. هلا Miss Chef واسمحيلي على المداخلة :cook:

    أعتقد المزروعية تقصد rib eye

    وألف شكر على الوصفة يالمزروعية .. :26: :26: ترى زوجي بيعشقها .. :cook:

تابعي تجارب أخرى من هذا القسم.