ليش . متى . وشلوون . أم يوسف الاصليه تروي لكم قصتها . كانت 120 وأصبحت 75 ماشاء الله..

27 أبريل 2007

السلام عليكم
اشلونكم يا الغاليين
بقولكم حكايتي المثيره مع البدانه............

انا أول ما تزوجت كان وزني 70 وطولي 165
ولي يشوفني يعطيني بالستينات والحمد الله وزني عاجبني وقدرت احافظ عليه بالرياضه والاكل الصحي
ولمن حملت للاسف كانت شهيتي مفتوحه على الآخر وكنت آفه بمعنى الكلمه ..... خخخخخخخخ
ووصل وزني في آخر ايام حملي الي 120 صدمه هاااااااااااااه
في اول حمله وصل وزني 115 ونزلت وزني بعد الولاده الى ان وصل 86 وبعدها حملت ووصل وزني الي 120 ولحين راح اقولكم بالتفصيل اشلون قدرت اوصل الي 75 ............

*
*
*
*

بعد الولاده كان وزني 120 وبعد الاربعين وصلت الي 98 يعني نزلت من وزني 22 كيلو أشلون ؟

انا كانت ولادتي قيصريه فكان صعب علي اسوي رياضه بس كنت امشي
وطول فترة النفاس اشتركت في هيلث ووتشررز لمدة شهر ولاتسألوني كم نزلت بالضبط
لاني ما كنت اوزن علشان ما اكتئب وبعد هيلث ووتشررز عملت رجيم كيميائي لآخر فترة النفاس
يعني طلعت من الأربعين ووزني 98 .....

_________________

ووقفت الرجيم لاني رحت لزوجي وبديت آكل معاه وما قدرت أكمل رجيمي والحمد الله في هل الفتره مازاد وزني واااايد ........

وبعد ما خربطت بالرجيم رجعت باصرار وقلت ان الاكل موجود على طول بس عمري يروح وانا للحين سمينه اشلون اخدع زوجي اخذني من بيت أهلي رشيقه والحين برميل انا لازم اضعف عشان زوجي
والله يابنات اني ما كنت اطلع من البيت علشان ما اسمع كلمة " اشفيج متنتي واااايد حرراام "
" واااي جسمج قبل اجنن ليش خربتيه " ......... ألخ من الجمل الي تجيب الكئابه وفي نفس الوقت
تجيب الاراده ........ وقررت أعمل الرجيم الكيميائي سويته 3 اسابيع نزلت 11 كيلو يعني صار وزني
87

____________________

وبعد اجازت الوضع والاجازات الي اخذتها داومت وكان وزني 87 وطبعا الكل بالدوام استغرب اشلون
نزل وزني وااايد بعد 120 بس بالنسبه لهم ولي اناللحين سمينه مقارنه بوزني سابقا 70
ومع الدوام والحركه قدرت احافظ على وزني بس اصريت اني انزل وزني اكثر .......

_____________________

من 87 الي 75 أشلوووووووون ؟

يا بنات خلال هذي الفتره سويت الرجيمات الي راح اكتبهم لكم وانا ماخذتها هذا المنتدى
وهي معروفه للجميع بس والله ما أذكر كل رجيم اشكثر نزلني والمده الي سويته فيها
عشان لا تسألوني وتقولون ليش ما جاوبتينا أوكي ........

سويت رجيم العنب
ورجيم ام عوشى
ورجيم التمر واللبن
ورجيم الاناناس

وكنت في هذي الفتره امشي وارقص شرقي
واسوي مساجات للتخسيس واحط على بطني
جهاز السونا الحراري مع زيت بذرة الكتان

وكنت اشرب الوصفه الي ذكرتها في موضوعي

http://forum.hawaaworld.com/showthread.php?t=547370

وهذا الكريم الي استخدمته

http://forum.hawaaworld.com/showthread.php?t=806318

وأخذت ابر الميزوثربي

http://forum.hawaaworld.com/showthread.php?t=740373

ولحين فاضلي 5 كيلو احاول أتخلص منها بالتخفيف والرياضه عشان أرجع عروس ... هههههه وراح اقولكم عن النتيجه ... :)

___________________

وهذا مشواري مع السمنه واتمنى اني افدت الجميع
وانا حاضر لاي استفسارات
والله معاكم
:)

ليش . متى . وشلوون . أم يوسف الاصليه تروي لكم قصتها . كانت 120 وأصبحت 75 ماشاء الله..

التعليقات

لي شهرين اسوي دايت ورياضه مانقصت الا نص كيلو وش السبب😩😩

انتي ليش نحيفه

المشروب اللي جاب معي نتيجه في تخسيس بطني في ٣اسابيع

ليش بعض الاجسام تسمن بسرعه

ليس ترفا 🌿