شاركي في النقاش

سجلي الدخول لإضافة تعليق.

التعليقات

1,859
  1. ام تقى الدين
    السلام عليكم ورحمة الله وبركاته كيف حالكم كلكم ،،ان شاء الله تكونوا بخير ام محمد بارك الله فيك ،،الصور معاش عرفت --فى الاول سالت ام دانه ممكن نشترك باكثر من صنف --قالتلى اشتركى ،،نحساب المشرفه تختار ،،وتوة دزتلى قالتلى اختارى اما صنف نعر…
    المصباحى ----كيف حالك ،،ان شاء الله ربى ييسرلكم اموركم انت وزوجك ،، انا فى الاول استغربت ان زوجك ايدور فى عمل ،،قلت متغربن عشان العمل ،،الى ان عيونى سالاتك عالدكتور عرفت انه دكتور ،، ربى يسهله الخير واهو الطب سريبه عمره ما ينتهى ،، لكن خدمة انسانيه عظيمه للى يبى يخلص ويعطيها كل وقته ،،ان شاء الله نسمعوا عنكم كل خير
    جرين ستار ---كيف حالك ،،،وكيف حال اسرتك ،،الصورة اللى فى توقيعك زادت شعلت النار فى قلبى ،،ربى ايوصلنا لبلادنا على خير حال يااااااااااااارب
  2. @em_mohamed

    صاحبة الموضوع
    ام تقى الدين
    المصباحى ----كيف حالك ،،ان شاء الله ربى ييسرلكم اموركم انت وزوجك ،، انا فى الاول استغربت ان زوجك ايدور فى عمل ،،قلت متغربن عشان العمل ،،الى ان عيونى سالاتك عالدكتور عرفت انه دكتور ،، ربى يسهله الخير واهو الطب سريبه عمره ما ينتهى ،، لكن خدم…
    السلام عليكم ورحمة الله وبركاته
    شنو حالكن اليوم ؟

    ليبيا قلبى
    ما شاء الله تبارك الرحمن الله يحفظ أيدياتك ويحرمهن على النار
    أنا حشاك ما نعرفش خبر التزيين هذا وبصراحه ما عنديش بال
    عطينى الحاجات الكبيره انديرهن حتى فى ليبيا لما يكون فيه مناسبه معروفه تلقينى مع الصبايا الكبار فى وسط الطناجر يعنى تطيب منابات نقدر عليه (ديما متزرطه أنا وحماتى الكبيره فى العيله )
    حتى عمتى اتقول انتن عظم شقا (مراره ياحنا )
    ونلبس فى اردا لما انخش وسط الطناجر (شباب العيله ايقولوا لى يا حاجه ....)
    لكن الحاجات اللى يبن اتقمعيز وانتقريش مش شورى ولما نلقى وحده تخدم بالشويه نقعد نحمس فيها سقدى روحك شنو هالموت المرا لازم برمتها فيسع فيسع ههههههه
    البنات يتعقدن منى (جتكن ام محمد فيسع سقدن ارواحكن )
    يا حنا ابدويه ما ننفعش ألا فى الصايبه :icon28:

    ليبيه
    ربى ايكون فى عونك واهى ام تقى الدين قالت لك المختصر بارك الله فيها وفى اعويلتها
    وكلنا تعبنا لما اعيالنا صغار
    انا محمد ورويدا جوا على روس بعضهم كأنهم توم بينهم اقل من سنه (11 شهر)
    وتغربت على طول بيهم وخلونى انشوف نجوم القايله
    وخصوصا محمد بسلامته وهو صغير كان حرك وما يفهمش
    وكنت انشوف فى عيال الكنديين عاقلين ويفهموا لما هلهم يحكولهم
    كنت انقمعز حتى انا ونبكى وكيف ما قالت امواج قريب رميت روحى مع البلكونه غير كنا فى الدور الثانى يعنى لما حسبتها مش حيصير لى شيئ ...
    تعرفى من كثر شد الاعصاب مشيت للفاملى دكتور امتاعى وكتب لى حبوب مهدئه قعدت نأخذ فين لمدة 3 شهور
    بس الحمد لله كبروا وخيرهم جاء
    وتوا ما شاء الله عليهم عاقلين ونعتمد عليهم فى حاجات واجده
    حتى خوهم توا يسمع فى الكلام ويتبع فيهم وبنتى بالها واسع اتعامل فيه كأنه ولدها مش خوها
    لوكان اتشوفى كيف اتطبطب عليه وتشرح له ودير هذه وما اديرش هذه
    والعيل حتى فى المدرسه لما يدير كرت وألا حاجه ايجيبه لها هى هديه مش لى انا (انا ام شريره هههه)
    حتى انتِ بالشويه ووسعى بالك وتوا يكبروا ويفهموا ...
    وكيف ما ايقولوا العيل مشكاه ابكاه
    بالك عنده مغص وألا حاجه امقلقته مرات حتى البمبرز ايضايقه وما ايخليش ايبطل بكاء ...
    ربى يكون فى عونك وعون كل أم (حتى هى كلمة ماما مش ساهله وكله بأجره)

    امواج
    شنو حالك يا حنا
    وتسلمى على المعلومات
    محمد واقف بحذاى قلت له على دريم هيلر قال لى اسمها باد لاند لأن لقوا فيها اغلب حفريات الديناصورات زى التيراكس وانظر شنو قعد ايسمى فيهن ...
    يا حنا هنا كل القصص والرسوم على الديناصورات العيال قريب ينهبلوا وأكيد المدينه حتعجبهم ...

    ويا ستى نحن الاجازه يوم 25 يوليو ولمدة 10 ايام (هى اسبوه وبالويكندات تقعد 10)
    راجلى ماشى لبناف من قبل كان عندهم مؤتمر غادى
    وعارفه اغلب المعلومات اللى قلتى عليهن
    بس نحن مش حنقعدوا فى كالغرى
    انا قريت الافضل الواحد يسكن فى كوتج قريب من بانف
    وحنجوا بالطياره اختصاراً للوقت وحنأجروا سياره من غادى أن شاء الله
    طبعاً الحجوزات لازم من توا علشان المكانات حيزحمن بعدين وما انحصلوش ...
    وزوجى عابى عليا أنا فى جدول الرحله
    يعنى لازم انتكم الجدول من توا والحجوزات كلهن طيران وفنادق وكل شيئ
    علشان هكى نبى نعرف المكانات بالديتيل وانحط الخطه (خطة الهجوم قعدت)
    انخش على المواقع السياحيه وانحير وخصوصا عروض الشركات اتهبل وفيها التجديف والكامبنق (تخيلى انخيموا وايجينا دب ايجيب اجلنا)
    الرحله نبى انبرمجها تغطى البرتا كلها (بريتش كولومبيا تبى رحله ابروحها وعطله وحدها )
    وياستى ان شاء الله كان جينا انتِ وتهانى لازم انشوفوكن
    انا مازال ما قلت لها الموعد بس هم عارفين ان احنا نبوا انديروا جوله غادى
    يعنى نبى انبرمج كل يومين فى مدينه بس السكن الكوتج افضل لأنهن على البحيرات والمكان واسع وبصراحه الواحد محتاج يتمتع ويغير جو بعد حبسة 6 شهور فى الثلج ...
    وأن شاء الله خير
  3. @em_mohamed

    صاحبة الموضوع
    عيونى
    شنو حالك اليوم وشنو حال حمودى وعمورى
    يا حنا هانت الامتحان بكرا وربى يوفقهم ويريحونا من هالوجيج
    سبحان الله هالسريب ما يكمل
    توا راجلى امكمل بس لازم من سريب هالامتحانات الله يكون فى عونهم وعونا
    انا اليوم من الصبح طلع وقال ما نيش امروح الا عقاب الليل وخذا السياره
    اهو خلانا محبوسين فى الحوش
    بس مش مشكله المهم هالحمل ينزاح وان شاء بالنجاح
    أنا ندعى انه ينجح بيش ما ايقولش نبى انخش فى شهر 11 (مش حنتحمل التجربه ثانى هههه)

    امل
    شنو حالك وأن شاء الله ربى ايسخر لزوجك الخير ويتوفق فى الوظيفه ,,,

    يومتها قريت على توظيف خبراء فنيين فى الامارات (حوالى 80 مستخدم)ليبيى وقعوا عقود غادى
    والناس معترضين كيف تقبلوا ليبيين ؟
    رد عليهم رئيس الشركه قال لهم الليبيين مشهود لهم بالكفاءه والاخلاص فى العمل وعندهم الخبره الكافيه
    فلهذا استقدمناهم بدلاً عن الاجانب
    ما شاء الله صيتنا فى كل مكان طيب ..
    أمالا لو تشوفى سمعة الاطباء الليبيين فى كندا وأمريكا
    ما شاء الله لا قوة ألا بالله
    فيه جراح كبد كان فى نيويورك(د\ على ...) ليبيى دار عمليه امسجله بأسمه هو وجراح ثانى امريكى هم الوحيدين اللى داروها فى العالم (توا روح لليبيا ربى ان شاء الله يوفقه )
    ربى ايعلى صيتنا بالخير كمان وكمان
    وتعرفن يا بنات حتى هكى فخر لبلادنا لما ابناءنا يعطوا فكره كويسه على البلد

    ام تقى
    شنو حالك اليوم
    انا ما عنديش فكره على المسابقه بس ابعثى رساله لأم دانه المسئوله وهى توضحلك كيف طريقة المسابقه
    واظن الفضل اتحطى الطبق المميز والغريب لأنه المعجنات العاديه الكل حيديرها والمسابقه علشان الابداع ,,,,
    والحمد لله اليوم نفسيتى افضل من امس هلبه ,,
    سبحان امغير الاحوال ..
    وفعلا البنى أدم كل يوم شكل ,,
    ربى يثبت قلوبنا على دينه يارب ...

    غاده شنو حالك اليوم ان شاء الله احسن
    حياه شنو صار فى الكمبيوتر صلحتوه وألا مازال
    ادعولى حتى انا نفتك من الكمبيوتر الحجرى اللى عندى ونشرى واحد جديد وسريع
    هذا انحس فيه مليان فيروسات (زقرلوات على رأى راجلى ) من كثر ما هو بطيئ ويدره الكبد..
    فيه انتى فيروس بس يبى تجديد وانا مستخسره انجدد الاشتراك
    ان شاء الله كله فى الجديد ...

    تقربصتى شنو اخبارك؟ وشنو حالك زوجك توا ان شاء الله افضل
    عطينا اسماء الحلويات والطريقه
    الويكند الجايه عندى ضيوف خلى انفتلك من توا على المهل ...

    باقى البنات شنو حالكن ووينكن غاطسات
  4. @g_libya

    السلام عليكم

    كيف حالكم
    ان شاء الله تمام

    ليبية 100100
    كيف حالك ... وربي يكون في عونك

    ام تقي الدين
    كيف حالك .... اتمنى لك التوفيق في المسابقة

    ليبيا قلبي
    تسلم ايديك مع ان الصور مش طالعة عندي

    عيوني
    تسلمي يا غالية وصحيتي بارك الله فيك ... وان شاء الله ربي يوفق زوجك وينجحه

    حياه
    كيف حالك اليوم ...

    امواج
    باهي اللي طليتي علينا
    وربي يكون في عونك

    اريام ونجيمة
    كيف حالكم


    مرام وهناء ولوشا وذات الهمة وجميع الغايبات وينكم طمنونا عنكم


    انا اليوم رجعت للدكتور وعطاني دواء للكحة وبخاخة للانف وحبوب للحساسية
    قال لي الالتهاب نقص على قبل

    وامس مشيت للبر
    حصلنا جو حلو
    طبعا المكان اللي مشينا له مرتفات ومنخفضات
    فيه اعشاب جافة واعشاب شوكية وفيه شوية زرع وزيتون وسدر
    لقينا سلحفاة وقنفذ وعقارب وضفدعة (هههههههههه تشكيلة )
    صورتهم كلهم لكن مانزلتلكمش الصور بالك في حد مايحبش يشبحهم كان تبوا تشبحوهم انزلهم

    هذي الصورة منظر عام للمكان




    تحياتي لكم


    سلامات
  5. @tkrbsty

    G Libya
    السلام عليكم كيف حالكم يا بنات انا الحمد لله احوالي تمام لكن قاعدة مريضة والحرارة ليها ثلاث ايام ترتفع وتنخفض توا نحس في روحي بننحرق من الحرارة واليوم زايدة طالعة للبر دهواري من قبل الساعة 10 الصبح للخمسة ونص بعد العصر العموم انا…
    السلام عليكم ورحمه الله وبركاته الله يبارك فيكم ياوخيتي وريارب يتحق كل لي في بالكم وسامحوني والله منقدر نرد علي كل وحد وخده بردها وعندي مغص في بطني قريب يهبلني ومزكوم وصداع وتوا لي يومين مرقدتش بنتي صغير حراره في حويله وزجي تواالحمدالله هو بري وحني خدينها في جرتها شننوا بنديروا ان شاء الله كلها باجرها وخلاصليبيا قلبي خساره صوره مطلعوليش وياربي يعطيك صحتكوان شاء ازواجكم ربي يسهلهم في الامتحان ويجوكم فرحانين وراسهم متعلين ياربي ام محمد هادي طريقه صور ه الاولي سهلا علي اخر اسمها اصابع الكنافه كوب زبده جامدها يعني طلعيها بكري من الثلاجه**كوب نشاء**نص كوب سكر ناعم**2بيضات**ملعقه صغيره بكنبودر **ودقيق علي حسبه العجينه وتكون متماسكالطريقهتكون عندك كنافه مفتفت وتقليها في زيت وبعدها صفيها يعني تقلي الكنافه قبلها بليلا مش تتصفا كويس وبعها افردي العجينه مستطيل وحطي شويه كنافه وسكريه وبعدها انتي شكلها علي حسب الرغبه تبها دائير او اصابع اني درتها اصبع وبعدها حطيها في الكوشه وخليتها لن تولي دهبيه وبعدها تكون عندك شكلاطه بيضاء مدابها وغطسيها فيها وبعدها لفيها علي لوز مهروش وتقدم بالهناء والشفاء والله طعمتها رهيبه وخفيفهام لي في صوره تاني اسمها المشكلاطها كوب زبده سائح**كوب زيت** كوب عصير لوز** ملعقه صغير بيكنبودر **ودقيق علي حسب العجينهالطريقه تفرد العجينه وتقطع دوائر وتاخد دائير ونضع بيها حبة لوز اوفستق تم تلف علي شكله بيضوي شكله تم تدخل لي الكوشه وبعد اخرجها تغمش في شكلاطه نواتيلا وبعدها في جوز الهند بس لو كان حطيتي فستق من الدخل في الاخير بعد شكلاطه رشي عليها فستق والله خفيفه علي اخر وحد تشكر في حلوياتها بس والله هادي تعرفي قديما علي اخر بس اني نحبها علي اخر وكانت مرو خوي الله يحفطها كانت ديما دير فيها ياربي يسخرلها احوالهاودعواتكم لي والله نكتب وبطني تعسر فيا ويارتيها دوره لا دوره ولا شي مغس وخلاص سلامات لي احلي بنات التجمع

تابعي تجارب أخرى من هذا القسم.