الله يشفي امك ويقومها بالسلامه
عزيزتي هونيها تهون
توكلي على الله قبل كل شي ولا تفكري بالشغل والكرف قبل وقته
وعادي حتى لو مالقيتي شغاله
نضمي وقتك واستغلي وقت نومه بنتك لانها هي الاصغر وابدي بتنضيف الحمامات وانتي بكرامه
وحاولي وقت الفراغ تعملي حلا بارد ويكون مغلف وجاهز بالثلاجه تحسبا للزيارات الطارئه
ونفس الشي جهزي معجنات وفرزنيها واذا ماعندك وقت اشتريها وفرزنيها تنفع وقت الزنقات
الاكل اعتمدي عالاكل السريع او الصواني في الفرن او الكبسه لانها ماتحتاج وقفه كثير في المطبخ
والعشاء الله يخلي الفول والتميس والمطبق
الغسيل مو مشكله اغسلي في الليل والكل نايم ورسليه ثاني يوم المغسله للكوي
انا ماثق في غسيل المغاسل بصراحه اقرف
حاولي المجلس يكون نضيف باستمرار وقفليه لانها بعد ماتطلع بالسلامه حيهل عليكم الزوار
وعلى طول بعد طلوعهم تنضيف سريع ويتقفل لا تتركينه للصبح او حتى تفضي لانه حيتراكم عليك الشغل
اما بالنسبه للوالدة جهزيلها كم لبسه مرتبه وتكون مكويه وجاهزة
وطبعا جهزيلك انتي كمان كم لبسه للاستقبال وبس يطلع الضيوف اجري غيري ملابسك والبسي جلابيه بيت هههههههههههههههههههههههههههههههههههه
طبعا عشان الشغل
نجي الحين للاكل
اولا استشيري الدكتورة بالنسبه لنوعيه الاكل اللي يفضل تاكله والاكل اللي تتجنبه
وعلى العموم كثري من الشربات لانها راح تطلع زي النفاس مالها رغبه بالاكل عشان تاثير البنج
طبعا لازم تجلسي مع اخوانك واختك وتفهميهم انكم عائله وحدة ولابد من التعاون وقسمي عليهم بعض الاعمال البسيطه مثل ترتيب اسرتهم وترتيب الصاله وبصراحه في اوقات زي هذي نصيحه
اخفي جميع اللعب اللي تعمل كركبه مثل الكور والمكعبات والعرايس والسياكل يعني بصراحه كل اللعب
وكفايه عليهم التلفزيون والسوني واذا ماعندهم سوني اشتريلهم يريحونك من الجري التخريب طوال البيت
هذي بصراحه بعض الافكار اللي تحضرني الحين
وسلامه الوالدة مقدما وماتشوف شر
امي محتاجه لي وانا محتاجه لكم من بعد الله00
متابعة النقاش، صفحة 3