من حقي اعاتب وازعل من اهل زوجي على هالموضوع ولا لا؟

لاتعاتبينهم ولايعاتبونك وارتاحي

انا جدي توفى ورحت ثلاثه ايام لديرتنا ولا احد كلمني ولاشي ولاعزوني وقلت مالي شغل فيهم

المشكله ان زوجي يعاتبني احياناً ليش ماباركتي لاختي بكذا وامي بكذا ولما قلت له مابي اعاتب احد ولا احد يعاتبني وحتى اهم ماعزوني بوفاة جدي
قال لا اهم اتصلوا عليك وانتي مارديتي
بس ما اتصلوا ولا شي الجوال مايفارق يدي ومنيب صغيره ما افهم
وقلت له ما اتصلوا ولا شي وقال ابسألهم عزوك ولا لا
بس انا رفضت قلت لاتكبر السالفه ولاتسألهم انا ما اشرهه عليهم بس انا مابيهم يشرهون علي
كل واحد يتصرف براحتك


فأنتي ريحي راسك ولاتعاتبين احد الي بيقوم بالواجب الله يجزاه خير والي مايبي بسلامته

حبيبتي انا اشوف انك تطنشي احسن ولاتقولين لزوجك شي وحاولي تتناسين الموضوع
واذا تحسي نفسك متضايقة قولي لزوجك بس وبيني له انه هذامن غلاهم عندك لااكثر ولااقل

من رأيي انك تبادرين بالاتصال ...اتصلي عليهم وكلميهم عادي وكانك متشاغبه عليهم ...عسى ماشر ياخالتي يوم ملكلمتي تعزيني ...خفت ان فيكم شي ...مو من عادتك ؟؟؟وكذا تلمحين لهم بالتقصير ..ونفس الشي ماكنك تتشرهين ..و تعطينهم فرصه انهم يقولون لك ليه مااتصلوا ...ونفس الشي ان عليهم واجب ماادوه

الله يعطيك العافية قلتي اللي في خاطري

انا اقول طلعي زوجك من السالفه واذا شفتيهم اكيد بيعزونك وقولي والله توقعتكم اول من بيتصل لا تكتمينها بقلبك ابد واذا سكتوا ما عزوك فاغسلي يدينك منهم ولا تشرهين عليهم ابد ولا تتعبين نفسك في التفكير فيهم !!