شاركي في النقاش

سجلي الدخول لإضافة تعليق.

التعليقات

1,859

  1. انى اليوم انشفطت شفطة ...:icon33: لكن نقزت تنقيزة ..لين قريب وصلت للسقف زى الرسومات :42: ..لكن مش شفطة هى ..:06: فى صبعى اليمين ...اللى ديما معرض للخبط والقص والتفليق ...و..و...الخ
    حتى توا الكتيبة كايدتنى ...لما درته فى الفريز ..لين الجلدة لصقت فى الثلج :09: ..ولا قريب استشهدت ...كنت نغلى فى المية لبنتى ...كله من هالدكتورة وهالعصير اللى اندير فيه ..كرهت حاجة اسمها سفنارى ...وانى كل يوم لاصقة فى هالغاز وهالعصارة ...وحتى ايديا ولوا لونهم برتقالى من هالسفنارى ...ايديا كأنهم ايدين اعزوزة فى المية ...ههههههههههههههههه
    سلامات توا

  2. مشيمشة ....الحمد لله عالسلامة ..كيف حالك وشن اخبارك واخبار ليبيا نبوا حكايات طويلة راهو
    أمل ...شن اخبارك كيف حال زوجك ...وتسلمى ربى يخليك وعقبالك ماتجيبى بنوتة حلوة ...واخر اخبار بنتى انها تنوضلى الساعة 4 ومعاش تبى ترقد ...نخلى فيها ونرقد لانى معاش نقدر نقاوم النوم
    باقى البنات ..كيف حالكم ....تو نرجع بعد شوية
    تصبحوا على خير

  3. @osty

    السلام عليكم
    عدت والعود احمد(حاجة والله كبيرة) شكرا ليكم كلكم ياحبيبات علي الترحيب وان شاء معرفة خير ليكم وليا. الفقيرة الي الله مغتربة في كندا اونتاريوا من اربع سنوات وعندي طفل واحد عمره سنة وعشرة شهور, وكان نفسي من زمان انسجل لكن الظروف ماواتتش وكنت خايفة انسجل وبعدين اروح ليبيا وينقطع التواصل.
    وعلاش حددت الحبيبة ام محمد لاني نعرفها وكانت تسكن في مدينتا وماشاء الله عليها من خيرة الناس
    وان شاء الله نحاول نكون علي اتصال .
    وبارك الله فيكم كلكم

  4. @lyby100_100

    وسطية
    كيف حالكم يابنات ليبيا الحلوات. منتداكم الطيب والمواضيع الجميلة والمفيدة واللمة الليبية الحلوه دعتني للتسجيل فيه رغم أني أتابعه كقارئة منذ زمن طويل. هل من مرحب؟ :26:
    السلام عليكم

    مية اهلا وسهلا كيف حالك ان شاء الله بخير وكيف حال وليدك ربي يحفظه ان شاء الله...


    سلامااااااااااات

    :26:

  5. @aaml_hyaty

    وسطية
    السلام عليكم عدت والعود احمد(حاجة والله كبيرة) شكرا ليكم كلكم ياحبيبات علي الترحيب وان شاء معرفة خير ليكم وليا. الفقيرة الي الله مغتربة في كندا اونتاريوا من اربع سنوات وعندي طفل واحد عمره سنة وعشرة شهور, وكان نفسي من زمان انسجل لكن الظرو…
    :) السلام عليكم:)
    ماشاء الله المنتدى عامر ان شاء الله ديما ملمومين
    وسطية
    اهلا وسهلا بيك شرفتينا في لمتنا الحلوة
    :26: :26: :26:

تابعي تجارب أخرى من هذا القسم.