ஐஐ◄◄تــجــمــع اللي ولادتــهم قيصــريــة >> يرجى الانتقال إلى ملف جديد

كندر:
بطني قام يعورني :( والله و عظامي تصببت !!
الحمدالله عالسلامه و مبروك ما جبتي ......و يا رب ما تشوفين هالويل مرة ثانية طول عمرك و لا نشوفه يا رب
وتجعل ولادتنا سهلة و ميسرة و عمليتنا ماكو أسهل منها...
يا حبيبتي والله تعذبت كثير!! الله يجعله بموازين أعمالج

نجدية و الملامح هندية:
:) كلنا بالملف او الأغلبيه سوابق ....زين ما تجينا الشرطة بس
الله يكتب لنا ولج كل خير و سلامه

فداء:
شلونج؟؟ ضاق صدري بعد قصة كندر :( الله يسلمها و بنوتتها و الله يفرج هالضيقة و يرحمنا برحمته مالنا الا هو نلجأ له ...

باقي البنات سلام

أختي نجدية تشرفنا ...

أتذكر وحدة قالت لي .. انه ما جاها كحة ابد واستغربت يوم قلت لها يجيني كحة بعد البنج اعتقد مو الكل يجيهم انا بصراحة كل مرة يجيني كحة قوية ..الله يعظم الأجر ..

ممكن تسوين استفتاء بموضوع مستقل والله جد عادي هم يحطون استفتاءات على الأسماء هذا الزم ..

ساروووونة لااااااا وش الي يخوف مافيه شي يخوف عادي ابد والله ودي اصيح بس ماني خايفة ههههههه وسعي صدرك المكتوب حاصل .. لا تنهارين وهو خيرة لكندر إن شاء الله شر طلع منها والحمدلله على سلامتها مرة ثانية ..

لا ما أتوقع حسب البنج أتوقع حسب الصدر وحساسيته لأن فيه وحدة بنفس الغرفة تقولي أنتي معك ربو؟؟؟ قلت لها لا وكانت مسوية عملية وما سمعتها تكح والثانية بعد والله هيجتوا الذكريات علي اليوم برضوه الثانية ما كحت وكانوا يتكلمون عني أسمعهم راحميني .. الله يرحمنا برحمته وبس ..

نجدية:
والله أنا الحمدالله ما شاء الله ما جتني كحة المرة اللي فاتت بس بنت خالتي أذكر ذبحتها الكحة حتى كانت تخاف من الجرح لا ينفتح!! وكانو يعطونها ماي مغلي تستنشق بخاره يخفف البلغم..
أتوقع على البنج كميته و شطارة الدكتور لان الانبوب مال التنفس اللي يحطونه داخل بلاعيمنا هو اللي يسببها بس والله التساهيل من ربي وان شاء الله هالمرة ما تحوشنا هالكحة يا رب

فداء:
الله كريم :( (قل لن يصيبنا الا ما كتب الله لنا)

حبيباتي اسفه والله ماكان قصدي اخوفكم بس ماعندي غيركم افضفض له
الاخت نجديه انا دايما يجيني كحه بعد العمليه مع اختلا ف المستشفى لاني ثلاث عمليات عفوا اقصد اربعه الاولى كانت بالحمادي والثانيه التأمينات عند شاهده والاخيرتين الحمادي بس هذي المره قلت لهم عندي ربو واهتمو فيني كانو يحطون لي بخار يخفف الكحه ويوم ماخفت اعطوني دوا انا انصحكم تاخذون الدوا من اول شي حتى لو مو بالمستشفى اشتروة رهيب يوقف الكحه على طول
واللي تسأل عن الدكتوره شاهده انا مجربتها عمليتها مره زينه بس انها تستخدم الخيوط اللي تذوب من نفسها وهذي تترك اثر واضح للجرح
وسامحونيمره ثانيه اذا خوفتكم والله اني حاسه فيكم الله يتمم عليكم ويقومكم بالف سلامه
بالنسبه للنزيف اللي جاني تقول الدكتوره انه غريبه اول مره يجيك اللي يجيهيا يكون سبق كل ولاداتها جاها تقولي مو معقوله هذي اول مره