هلا
با الخوات الغاليات
اكتب لكم وانا دموعي علي خدي من القهر
باختصار شديد
انا متزوجه من سبع سنوات وعندي طفلتين
حياتي نوعا ما هادئ جداجدا
اكيد بتقولون اجل وش المشكله
انا اقولكم المشكله في ها الهدوء الزايد
انا زوجي ما يقصر معي في لبس اوطلبات للعيال
بس المشكله ان زوجي ما يعرف اي شي عن حياتي الخاصه
تخيلوا ادرس وارجع للبيت ما يسال وش صار اروح وزور اهلي ما يسال وش صار
طبعاانا ما اسكت
اقوم واسولف له بس وش تتوقعون رده
يا يسكت ولا يقول لا اي صح
وبس:44:
ليش انا اصغر عياله علشان يرد علي كذا بعمره ما قد تفاعل معي با موضوع كل مواضيعي يحس انها تافه0
تخيلوا انا اكون اسولف ومتحمسه وهويكون ساكت لما اخلص يروح وينام ولا يسحب الجريده وانا اتكلم:44:
ليش حرام والله انا اتفاعل معه با موضيعه واعطيها اهتمام
هو ليش كذا
لدرجه من فتره وانا صرت ما اساله ولا يسالني
بس والله طقيت ابغى زوجي يسمع لي ويدري بلي في خاطري
وكل ما افاتحه با الموضوع يقول كلا له وجه نظر خاص وبس
لحقوا علي زوجي غرقان بعمله وناسي انا وش محتاجه ( علماًبان زوجي صاحب دراسات عاليه جدا) والعلم ماثر عليه كثير وصاير جدي
انتظر ردودكم لا تقولون سوي حركات كل شي سويته ولا فايده
بس ممكن سؤال؟
هل العمر له دخل دئما اقول لو انه صغير كان صار مرح اكثر وراعي مزح وخفه
علما با عمره35 وانا 25 يعني فرق كثير:44:
شاركي في النقاش
سجلي الدخول لإضافة تعليق.
التعليقات
30- مراحب دلع
كان الله في عونك انا ادري ان اللي تعانين منه شي صعب بس لاتنسين المقارنه بغيره من الازواج اللي مسودين عيشة حريمهم .... وبكذا صدقيني راح تقتنعين وترضين بالامر الواقع .
وكل ماضاق صدرك من زوجك تذكري اللي قلت لك وبتنسين على طول .
وترى الرجال يختلفون فيه منهم المرح وفيه منهم الثرثار وقليل الكلام وخفيف الدم وثقيل الدم وانا اتوقع ان كلامه قليل ويحب يسمع فقط دون تعليق وشيلي من راسك انه يعتبر مواضيعك تافهه او مطنشك او مايعتبر لك وجود ومن هالحكي .... وحاولي تكذبي نفسك حتى لوكان صدق لانك والله راح تتعبي .
وانت تقولي انه مشغول في الدراسه وكمان في سن النضج يعني لازم تقدري ضروفه .
وانت كلميه باللي مضايقك يمكن يحاول بقدر الامكان يعدل من نفسه .
اختي ...... انا زوجي كلامه قلييييييييييييل في البدايه كنت اتضايق من سكوته الدائم ومايتكلم الا اذا تكلمت معه وبس . وناااااااادر يفتح موضوع . بس الحين تعودت
على الشي لان هذا طبعه والطبع لايمكن يتغير بين يوم وليله .
بس بأسلوبي وبطرقي الخاصه :27:اخليه يكلمني ويحاول بقدر الامكان يهذر .
واكيد انت بعد لك اساليب خاصه ومو محتاجه نصايح
وبالتوفيق .... - ومن سمعك انا نفس المشكله
من جد ابغى حل
اي مصارحه معه تنتهي بمشكله
زهقت من هالسلبيه بينا وملل شي مهو طبيعي
من جد انا لي ثمان سنين وانا على هالحال
لكن هاليومين حاسه اني تعبت
وشكرا - والله نفسي بالضبط زوووووووووووجي هادي جدا ومايتفاعل معاااااااااي ياخذني على قد عقلي:(
- اول ماتزوجة كانت مشكلتى الصمت الزوجى وكنت دايم ابجى على راسة انت ماتسولف معاى...وهو يقول: شسولف معاج فية؟؟وهل الموال كل يوم ..لحد ماقلت لنفسي:stop
لازم افكر في حل....ولقيتة زوجي يموت في ثنتين السياسة والكورة...واصير لة مذيعة اخبار ماتجى نشرة الا انا جايبتها....وماتجى مباراة الا انا الحكم...واقرالة فى كتب التاريخ واناقشة...وشوى شوى صار حبيبى اقربلى من الناس كلها....اقولة كل الى فى خاطرى ويسمعلى...اناقشة وياخذ ويعطى معاى...الله لايحرمنى منة...جربي طريقتي وانشالله تنفع.....وبالتوفيق :27: :27: - دلع 2004
انتبهي
اخيتي فأنت سعيده مع زوجك جزاه الله كل خير
لاتدعي وساوس ابليس تغلبك
قلت بلسانك
انا زوجي ما يقصر معي في لبس اوطلبات للعيال
اعتقد من يكون عمله كعمل زوجك ما يفضى حتى يقوم بواجباته المنزليه
فاحمدي الله
وبعدين اختي زوجك ليس كبيرا جدا وانت بعقلك الكبير ان شاء الله لست بصغيره
وفرق عشر سنين
يقال انه افضل سن
اختي الحبيبه
اما من ناحية صمته
فلايام كفيله بأن تغير ولو شيئا بسيطا
فانا مثلا متزوجه من اسره نادرا ما يتكلمون الا يمكن واحده من اخواته
وكنت اعصب احيانا على ابو عيالي
انا اللي اتكلم وانت تستمع بس
لكن انا تعودت على طبعه بفضل الله
وهو اكيد بتغير ولو شوي
دلع
اسعدي زوجك قد ما تقدرين
راعي ظروف عمله
لاتنتظرين منه ما لايطيقه
وان شاء الله انك اوعى من ذلك بكثير
مواضيع مشابهة
تابعي تجارب أخرى من هذا القسم.