شاركي في النقاش

سجلي الدخول لإضافة تعليق.

التعليقات

1,859
  1. aionisahara
    ام محمد كيف حالك و حال عيلتك بارك الله فيك علي جدول الحفظ و ان شاء الله في ميزان حسناتك و ان شاء الله نكونوا مواظبين كوكم كيف حالك و شن اخبارك سامحيني اني منعرفكش باهي انت في موريتانيا صح , عندك صغار بصراحة عرفيني عليك اكثر لان…
    السلام عليكم ورحمة الله وبركاته تحيه للاخوات جميعا اختكم ليبية مغتربة في استراليا
    والله ماتتصوروا فرحتي بهاللمة لقيتها صدفة واستانيست هلبة تصدقوا ليه قريب 4سنين ماهدرزت بلهجتنا الا مع اهلي تقبلوني بينكم وان شاالله نلتموا على الخير
  2. ليبووالتحنو
    السلام عليكم ورحمة الله وبركاته تحيه للاخوات جميعا اختكم ليبية مغتربة في استراليا والله ماتتصوروا فرحتي بهاللمة لقيتها صدفة واستانيست هلبة تصدقوا ليه قريب 4سنين ماهدرزت بلهجتنا الا مع اهلي تقبلوني بينكم وان شاالله نلتموا على الخير
    ياهلا بيك
    سلمها ربى وسلم عويلتها .
    كيف حالك انشاءللة باهية
    اضمنلك راح تنبسطين مع اخواتك الليبيات كلهم من اطيب ماشفت فى التعامل والاخلاق .
    وشهادتى بيهم مجروحة .
    دخلت الموضوع مكسدة وشفتك جديد قلت لازم نرحبوا بيك
    نيابة عن اخواتى الليبيات النائمات حاليا انشاءللة نوم العوافى .لاختلاف توقيت بعض الدول .
    انا سهرانة احرس الموضوع . اى حراسة شكلى استوليت علية .

    امواج البحار
    كيفك يالغالية
    حياة حلوة
    وين مغطسة
    ليبيا قلبى
    الف سلامة لاختك
    تقربصتى
    يسلمك نشادة
    عيونى سهار
    والة من زمان ماشفتك داخلة للتجمع وين هالغيبة
    مشيمشة
    كيف صحتك
    مرام
    اتمنى تكونى بخير
    gليبيا
    كيف الجو عندكم باليبيا

    ولكم منى خالص مودتى واحترامى .
  3. @osty

    السلام عليكم
    في الاول نرحبوا باختنا الجديدة (ليبو والتحنو) ،مرحبتين بيك في اللمة وان شاء الله معرفة خير وعلي فكرة اسمك فكرني بايام القراية وكتاب التاريخ .
    عيوني_ بارك الله فيك وان شاء الله لاباس عليك(طهور).
    اريام_ ان شاء الله تحرسك الملائكة زي ما حارسة موضوعنا(منورة موضوعنا لاعدمناك ياغالية).
    ام محمد_ وينك مغطسة ,وصار ضحكتك ان شاء الله ديما ضاحكة، هذا وامدايرة روحي نفهم في اللهجة الشرقاوية طلعت اي كلام.
    كيف حالكم وحال عائلاتكم كلا من:

    الاخوات_تقربصتي- امواج-كوكم-غادة-حياة-سلفية-مشيميشة-اطفالي حياتي-انا اعتزلت الغرام-مرام-ليبيا قلبي-ليبية 100100-امل-بهراء-ام تقي الدين-ام الاء- قرين ستار.ان شاء الله مانسيت حد.
  4. @mshymsh

    aionisahara
    وسطية كيف حالك و حال زوجك و وليدك ان شاء الله اموركم تمام بارك الله فيك علي الاحكام بارك الله فيك علي شرح الاحكام هيا الصورة وضحت لكن بصراحة انحس بس نفهمها اكثر لازم نسمع كيفية النطق عالعموم صحيتي و ان شاء الله في ميزان حسناتك
    السلام عليكم ورحمة الله وبركاته

    كيف حالكم يا غاليات كلكم ان شاء الله ما بيكمش انتم والصغيويرة
    والاهل كلهم طيبين

    :26: :26:

    ام محمد
    شن حالك او حال بو محمد والصغار ان شاء الله ما بيكمش
    ضحكتيني يومها لما رديتي عليا علي قصة النوم
    اني احرف منك املوحة وخلاص كنت ما شاء الله عليا
    او توا امدايرتها علي النويمة والفشل وخلاص وان شاء الله
    ربي ايكون في العون وايسهل علي الجميع :(

    :26:

    تقربصتي
    كيف حالكم يا حبيبة او حال شيمو او عيوش ان شاء الله ما بيكمش
    او سلمك نشادة يا غالية وان شاء الله ما نفقدك
    او ماتنسيش اتبوسيلي السنفورات ربي يحفظهم ان شاء الله

    :26:

    نجيمة
    كيف حالكم او حال بنيتك ان شاء الله بخير
    وان شاء الله اتكون اهدت وتغير نومها
    ان شاء الله ربي يحفظهالكم

    :26:

    ام تقي الدين :26: ليبية مية مية
    ان شاء الله ما بيكمش انتم والصغيويرة
    او ربي ايكون في عونكم مع التبضيع
    وان شاء الله ربي ايسهلكم اوتوصلوا بالسلامة لليبيا

    :26:

    مدام علي
    شن حالكم ان شاء الله ما بيكمش
    او شن جو بنغازي ان شاء الله امورها طيبة يا خية :42:

    :26:

    ليبيا قلبي
    كيف حالكم او شن اخباركم والحمد لله علي سلامة اختك
    وان شاء الله ربي ايسعل للبنوتة وتروح لحوشهم ويحفظها
    لامها او باتها
  5. @mshymsh

    مشيمشة
    السلام عليكم ورحمة الله وبركاته كيف حالكم يا غاليات كلكم ان شاء الله ما بيكمش انتم والصغيويرة والاهل كلهم طيبين :26: :26: ام محمد شن حالك او حال بو محمد والصغار ان شاء الله ما بيكمش ضحكتيني يومها لما رديتي عليا علي قصة النوم اني احرف م…
    اطفالي حياتي
    مرحبتين بيك او انستينا وان شاء الله معرفة خير يا حبيبة

    :26:

    غادة
    كيف حالك او حال اهلك كلهم ان شاء الله اتكونوا بخير

    :26:

    اريام
    كيف حالك يا حبيبة او حال الاولاد ان شاء الله بخير
    او بارك الله فيك علي السؤال وان شاء الله ما نفقدوك في اللمة


    :26:

    وسطية
    كيف حالكم ان شاء الله بخير , او يعطيهالك علي النكت :42:

    :26:

    امل المصباحي
    كيف حالك ان شاء الله طيبة , او سلم ايدياتك علي الحلو :23:

    :26:

    امويجة :26: حياة
    كيف حالكم يا غاليات او حال هويلتكم ان شاء الله بخير
    او وينكم غطستوا ان شاء الله خير , مش من عوايدكم
    ياريتكم اطمنونا عنكم , وان شاء الله ربي ايسمعنا عليكم كل خير


    :26:

    عيوني
    كيف حالك يا حبيبة او حال زوجك او حمودي او همر ان شاء الله
    ما بيكمش , وبعيد السو عليك , لاباس طهورا ان شاءالله


    :26:

    ليبو والتحنو
    مرحبتين بيك او انستي او شرفتي في اللمة وان شاء الله
    معرفة خير يا حبيبة

تابعي تجارب أخرى من هذا القسم.