فجاه حياتي تغيرت وصرت وحده ثانيه

السلام علي ورحمة الله وبركاته اردت ان اكتب قصتي لعل الله ان ينفع بها اخواتي انا حملت مرتين طبيعي وما كان عندي اي شي ولله الحمد حطيت اللولب بعد بنتي الثانية وبعد ثلاثه سنين شلته عشان احمل مرالشهر الاول والثاني وشهر ورى شهر وانا ما حملت طبعا كانت الدوره منتظمه الشهور الاولى وبعدين صارت ملخبطه بديت احس بقلق ورحت لدكتورة ما كانت فاهمه قالت كل شي طبيعي رحت بعدها لوحده فاهمه فكشفت علي وسوت اشعه وكانت المفاجئه <المبايض صغيرة جدا والتهابات شديدة وميلان بالرحم :icon33: وطلبت بعض الفحوصات وقالت راجعيني بعد النتيجه بس بنبدا علاج الالتهابات وسوت مزرعه وقالت تعالي بعد ثلاثه ايام راجعيني خرجت من عندها وانا مصدومه واحس اني في دوامه وما عاد اسمع الاصوات من حولي واحاول استوعب اللي قالته الدكتورة وما صدقت رحت لاستشاريه وما ابغى اسمع الا ان كل الكلام السابق ماهو حقيقي طبعا اكدت الدكتورة الثانيه كلام الاولى بس زادت عليه ان هرمون التبويض ضعيف جدا وهذا معناه اني ما احمل الا بالمنشطات وبديت رحله العلاج بالاول اخذت علاج الالتهابات شهرين عطتني مضادات لي ولزوجي ومرهم وغسول وتحاميل وبعده اخذت اول منشط في حياتي وكان ماهو كلوميد قلت لها ليش قالت هذا اقوى من الكلوميد لان ضعفك شديد وطبعا شفت البويضه وصار كل شي اوكي واخذت اتحلم بالحمل وشكل الجنين وما عاد اتحرك لانه راح يكون الحمل الغالي وما قدرت اصبر الى موعد الدوره وحللت لا تضحكون علي بعد االابره التفجيريه بخمس ايام وطلع موجب ويافرحتي طبعا وموعد الدوره تنزل صعقت اش ذا ورحت للدكتوره قالت حبيبتي هذا مو حمل هذا من الابره التفجيريه نسيت اقولك بعد 15 يوم تحللين :angry: بعد كذا صرت اخذ منشطات وما احمل وكانت النفسيه تزيد سوء يوما بعد يوم وكنت اقوم من النوم وافكر هو حلم ولا حقيقه وصرت حساسه جدا وما استقبل كلمه وفي ذيك الفتره ما اذكر احد الا زعلته : :angry2: عشان كانت اعصابي ما تستحمل شي وبعدها قاطعت الناس وزياراتي قليله وكل يومي افكر اش اسوي واكلم نفسي :06: وافكر في زوجي كيف اردعليه ووووووو لن اسوي مشهد كامل تصدقون انفع اسوي مسلسلات من كثرة المشاهد :3_3_103: وكنت كل شهر اقول خلاص بترك المنشطات بس ما اقدر وارجعلها وما اسمع بخلطه الا واجربها وزوجي يهاوش يقول حشى فار تجارب وانا ما رد عليه وكنت اكتم واذا جاء الليل ابكي عند زوجي وارتاح او وانا على السرير اشكي ضعفي وقلة حيلتي لله وادعي ان الله يريحني واحس ان دعائي كان صادق وروحي شفافه لاني في بلاء بعدها احس بانشراح عجيب راح اكمل بعدين