شو أفضل لعبة شريتيها لبنتك او ابنك ؟ .. حطولنا صور و خلونا نستفيد

هلا فيك أختي المتعففة
الكتاب شريته من محل في بريطانيا بس اكيد راح تلاقين مثله في بيبي شوب أو بيبيز ار اص أو ELC.
اسالي عن الـ سوفت بوك soft book

شكرا يا الغاليات على المشاركه
ما ادري ليش احس ان الاولاد الذكور في مجتمعنا من سن 8 سنوات و فوق ما تعرفين شو تاخذيله لعبه .. لان بعد الامتحانات الواحد يبغي ياخذ هدايا حق الطلبه الناجحين .. سألت وحده شو آخذ حق ولدها قالت اشرطه للبلاي ستيشن .. بس انا اصلا ما اشجع البلاي ستيشن
انا اتخيل ها الشي و الا هو فعلا صح ؟

هاي الطاوله يبيعونها في مركز التعليم المبكر .. بغيت اشتريها حق ولدي ، بس غاليه اكثر من 700 درهم ، خذت الكتالوج للنجار و سوالي اياها ب300 .. نفس الي في المحل و يمكن اقوى .. ممتاااااااااااااااازه ، مرات يلعب عليها بالسيارات و مرات بسكة القطار

موضوع رائع تشكرين صاحبة الموضوع

عندي ثلاثة اولاد الله يحفظهم ويصلحهم لنا يااااااااارب
احترت وش اجيب لهم كل مره اشتري لهم سيارات وكور وسياكل وبلاي ستيشن بصراحه ندمت اني شريت البلايستيشن احس انه ياخذ البصر والحين افكر وش اجيب لهم الله يهديهم لانهم شيبوا براسي
كل يوم يتضاربون مع بعض ويخربون علي البيت ولا يلعبون بالعابهم واخاف اشتري لهم هالالعاب الي انتم عارضينها يكسرونها في يومها لان من فتره جبت لهم تركيبات وفي يومها نثروها في كل البيت ولا اهتموا بها بس هوايتهم يعفسون علي البيت عطوني حل الله يعافيكم