انا بدمس الفول في البيت علشان مش بناكل اي حاجة معلبات طالما متوفر الطازج
لو عندك الدماسة بتاعة الفول نفسه يكون احسن لاني بدمسه فيها
اولا لازم يكون نوع الفول جيد واحسن نوع الفول المقمور وده بعد السوا بيكون قشرته ناعمة جدا وحباية الفول كبيرة
تحطي الفول في الفوالة وعليها ماء بارد وفصين ثوم وعدس اصفر ( كمية صغيرة ) يعني لو هتدمسي كوب ونصف فول عليهم ربع كوب عدس اصفر.
تتركيها على النار حتى الغليان وبعدين تهدي النار خالص (( شمعة )) وتتركيها على النار ممكن تاخد من 5 الى ست ساعات وتقلبيه كل فترة وتشوفي اذا كان محتاج ماء ولو محتاج ماء لازم انك تحطي مائ ساخن لدرجة الغليان
اوعي تحطي ماء بارد ( بيخرب )
طبعا بتعرفي اذا كان استوا ولا لاء انك تفتحي حباية وتشوفي من قلبها ,,,, لان ممكن يكون استوا من الخارج بس
وبعد التدميس تتركيه يبرد وبعدين تفضيه في علبة وتدخليه التلاجة كدة خام ولما تحبي تستعمليه خدي المقدار اللى انت عاوزاه
هو صحيح بياخد وقت بس مش صعب
تعالوا نتشارك في الاكلات(فطار و غدا و عشا)
متابعة النقاش، صفحة 15