أهلين بنات
زين رفعتو الموضوع!!
فداء:
ما لج شغل باللي ما عندهم سالفة و طايحين شماته بخلق الله.....هذيله ربي حسيبهم
لا نحاتيهم و نهتم لهم
لنا رب يرحمنا و ياخذ حقنا
متوكلة على ربي:
و انا أقول البنت وين راحت؟؟!!!
الله يسهل عليج الولادة و يبعد عنج مخاطرها و مضاعفتها و يفرحج بالنونو يا رب
وين بتولدين ان شاء الله؟
كندر:
شلونج حبيبتي؟؟ و شلون غيدونه؟؟
ترى انا زعلت لاني بهالملف أحس اني على راحتي و أحبه حيل لاننا كلنا مع بعض بنفس المركب يعني
فلما تهملونه و أحس اني بروحي يضيق صدري
هارت:
شلون شهودة؟؟ الله يخليها لج يا رب
لا تخاافين هالشد بيستمر معاج فترة !!! و تحسين بانه بصوب واحد بس
سبحان الله يكون الجلد مشدود من صوب واحد و راخي من الصوب الثاني
أتوقع المشد ماله علاقة بس يمكن هو ضايقج شوي
يعني عرقتي أو ضغط على المكان الشاد
لا تخافين :)
رورو و بس:
حمدالله عالسلامه
شوفي الكروشة مالها علاقة بقيصري او طبيعي
أعرف ناس والدة 3 و 4 مرات قيصري و بطونهم لازقة بظهرهم
و ناس والدة طبيعي مرة وحدة و بطنها جنها حامل بالخامس!!!
على عضلات بطنج وقوتها
و كوننا قيصري ما نقدر نسوي تمارين بطن بدري مثل الطبيعي فنهمل نفسنا
انتي سوي رجيم زين عشان يذوب الشحم
و لما تتمي ست شهور روحي النادي و سوي تمارين لبطنج و ان شاء الله يلزق بظهرج :)
باقي البنات شلونكم؟؟
ஐஐ◄◄تــجــمــع اللي ولادتــهم قيصــريــة >> يرجى الانتقال إلى ملف جديد
متابعة النقاش، صفحة 169