شاركي في النقاش

سجلي الدخول لإضافة تعليق.

التعليقات

1,859
  1. @hyah_hloh

    G Libya
    السلام عليكم كيف حالكم اليوم امواج ماشاء الله عليها بنتك ربي يخليها لك وتشوفيها عروسة ام محمد ماشاء الله على صغارك وربي يخليهم لك وتفرحي بيهم حياة كيف حالك اليوم الياهو اليوم عندي امسكّر راسه مايبيش ايسجل دخول جربت حتى الماسنجر…
    غاده
    اني الحمد الله كيف حالك انتي ياحلو
    اني الهوتميل مسجله تذكير كلمه مرور وشكله حنو امس حولته :icon33: واني مش حفظ كلمه سر من اصله ههههههههههه بعدلي اميلك هوت ميل علي خاص لو عطل ياهو الي غدوه توه نفتح هوتميل جديد المهم ابعدلي هوتميل علي خاص
    بمانه الياهو الوب مافتحش معاك اكيده عطل من اتصال
    سلام ياحلو
    سلامي للجميع بنات
  2. @mshymsh

    اطفالى حياتى
    السلام عليكم يا بنات ان شاء الله كلكم بالف خير
    السلام عليكم ورحمة الله وبركاته

    كيف حالكم يا بنات كلكم ان شاء الله ما بيكمش وبخير




    اهلين بوخيتنا تجويد انستينا يا حبيبة , كيف حالكم او حال الصغار
    ان شاء الله ما بيكمش , او وين كنت امغطسة المدة كلها
    راني قاعدة نتفكر فيك من تجمع اختنا دوليون الله ايسلمها
    او يلا خلينا نسمعوا اخبارك , اني مشيمشة كان قاعدة تتفكري فيا :)


    :26: :26:

    ام ءالاء
    كيف حالكم وشنو خباركم ان شاء الله ما بيكمش وبخير

    امواج
    كيف حالك يا حبيبة او حال الصغيويرة او بوهم ان شاء الله ما بيكمش
    او ما شاء الله عليك الحمد لله اللي حالك احسن ابدي او غير ردي بالك
    من حكاية البوطاس وانت حامل معش اتكثري منه هلبة
    او ما شاء الله علي زوبة ربي يحفظها وان شاء الله تشوفيها عروسة
    او خوتها عرسان او ربي ايقومك بالسلامة او راهو بنقولك كلمتك امس
    الساعة ثلاثة او ربع شكلك مهناش او ماعندكمش انسر ماشين او باذن الله
    انكلمك اليوم يا حبيبة


    عيوني
    كيف حالكم يا حبيبة او حال عمر او حمودي ان شاء الله ما بيكمش
    او صار الجماعة امسيطرين علي الكمبيوتر :( يلا بجوها , امتى ماتحصلي
    فرصة خشي هدرزي وان شاء الله اموفقة يارب

    تقربصتي
    كيف حالكم يا غالية او حال شيمو او عيوش ان شاء الله ما بيكمش
    وبعيد السوء عليك يا حبيبة , ان شاء الله لا باس عليك او طهورا
    وان شاء الله ايكون حالك احسن توا

    سلفية
    كيف حالكم او حال الصغار والاهل كلهم ان شاء الله ما بيكمش
    او ربي ايونسكم ببعض ان شاء الله

    ام تقي الدين
    وينك شكلك سافرتي , ان شاء الله تكونوا كلكم بخير والاهل حتى هما
    او رحلة سعيدة ان شاء الله

    غادة
    كيف حالك او حال اماليك كلهم ان شاء الله ما بيكمش
    او ربي ايكملك علي خير ان شاء الله

    نجيمة
    كيف حالكم او كيف حال البنوته ان شاء الله بخير
    او وينك اووين هدرزتك الحلوة , شكله بنيتك حرماتك حتى من النت
    والهدرزة , ربي يحفطهالكم ان شاء الله

    ام محمد
    كيف حالك او حال الصغار او بوهم ان شاء الله ما بيكمش
    او ما شاء الله علي رويدا كيف ولت صبية , تعرفوا يا بنات
    رويدا لما شفتها اول ما جتني في الحوش كان عمرها تقريبا سنتين
    او ياسين حتى هو ما شاء الله عليه , ان شاء الله تفرحي بيهم كلهم
    او ربي ايسهل عليك الحمل حتى انت وتولدي وتنوضي بالسلامة

    حياة
    كيف حالك او حال اماليك كلهم ان شاء الله بخير , او ربي ايوفق خوتك
    في امتحاناتهم , باهي ما شاء الله ايكملوا او تقعدوا اتوتوا في روحكم
    للمرواح , ان شاء الله ربي ايسهلكم ويجيبهالكم زينة وتستمتعوا بالمرواحة
    او صحيتي علي طريقة الخلطة وان شاء الله تو انجربها بالشوية لان حتى اني
    من النوع اللي بشرتي حساسة , واني في نص الرابع يا حبيبة وان شاء الله
    ولادتي حتكون علي 17 نوفمبر , والعقبالك انشوفوك ام في المستقبل :)

    مدام علي
    كيف حالكم توا ان شاء الله بخير , وان شاء الله ولدك حاله احسن توا
    او ربي ايطمنك علي بوك حتى هو او يشفيهم ويعافيهم

    مرام
    كيف حالكم ان شاء الله بخير و او ربي ايفرج عليك ان شاء الله
    او يبعد علي النكد والهم والغم , او معليشي كل ماتحشي روحك
    مضايقة تعالي هدرزي او فضفضي وخلاص او ربي ايكون
    في عونك ان شاء الله

    ليبيا قلبي
    كيف حالك او حال اهلك ان شاء الله تكونوا بخير او كيف خال
    وخيتك او بنوتتها ان شاء الله ايكونوا احسن توا , وان شاء الله
    ربي ايطمنها عليها ويحفظهالها

    اريام
    كيف حالكم وشنو اخباركم او كيف حال الاولاد ان شاء الله تكونوا بخير

    وسيطة
    كيف حالكم او حال وليدك ان شاء الله ما بيكمش

    كوكم
    كيف حالكم ان شاء الله بخير , او بالنسبة للغربة الحمد لله اللي محصلة
    ليبيين اهو عل الاقل تتلاقوا مع بعض او تطلعوا و خير من قعدتك بروحك
    وان شاء الله توا بالشوية بالشوية تنسجمي او تاخدي علي الجو لان ديما
    البداية صعبة , والحمد لله

    امل المصباحي
    كيف حالكم ان شاء الله ما بيكمش

    لوشا
    كيف حالكم او شن جو فرنسا , او خيرك خشيتي علي السريع
    او مهناك ما هدرزتي

    ليبيه 100%100
    ان شاء الله اموركم تمام او تمشوا او توصلوا بالسلامة لليبيا

    اطفالي حياتي
    كيف حالكم او حال الصغار ان شاء الله بخير او ما بيكمش

    ام دانيا
    اهلا وسهلا فيك وانستينه او ياريت اتعرفينا علي نقسك اكثر
    وان شاء الله معرفة خير

    :26:

    باقي البنات ان شاء الله تكونوا بخير او ما بيكمش



  3. @tgoyd

    مشيمشة
    السلام عليكم ورحمة الله وبركاته كيف حالكم يا بنات كلكم ان شاء الله ما بيكمش وبخير اهلين بوخيتنا تجويد انستينا يا حبيبة , كيف حالكم او حال الصغار ان شاء الله ما بيكمش , او وين كنت امغطسة المدة كلها راني قاعدة نتفكر فيك من تجمع اختنا دول…
    أهلاً بيك يامشيميشة طبعاً نتفكر فيك كيف في حد ينسى حبابه والله قاعدة نتفكر في هاديكا الايامات .
    الحمد لله الصغار حالهم باهي ويبوسوا ايديك .
    في هالدنيا في الاول امي جتني وقعدت عندي 4 شهور وبعدين مشيت معاها لليبيا وحشاك لقينا خالتي متوفية صغيرة الله يرحمها ويغفرلها ولما رجعت مانحكيلكش .
    ماشاءالله حامل يارب على خير وتنوضي بالسلامة وتجيبي مايزهي خاطرك يارب .
  4. السلام عليكم جميعا
    كيف حالكم كلكم ...والله ليكم وحشة ...وخاطرى بنهدرز هلبة قبل ما نروح ...لكن كنت فى الويك اند لاهية فى عزومة ...عازمة وحدة ليبية جت هنى توا ...يوم قبل العزومة نوتى فيه ...ويوم العزومة نفسه ...ويوم نضم فيه الحوسة ...وتعرفوا العزومات كيف حوستهم ...:09: وانى ايد وحدة ومعاى بنتى ...ومعاش لقيت وقت حتى للنوم ....هذا علاش توا ديما نرقد فى العشية ...عييت صار لى ارهاق
    وتوا سلامات ...ليا رجعة بعدين ...لأنه راجلى توا قاعد واكيد يبى يفتح الكورة ...غير متحشم منى مايبيش يقوللى نوضى ....:42: ...سلامات

تابعي تجارب أخرى من هذا القسم.