ايش رايكم بالناس الي كذا تخطب!!!؟؟؟

سمارا
حبيبتي عااااادي اذا احد سئل نقوله في كذا وكذا
يعني زي امي اول ماقالت لها جارتها ابي بنات عطتها بيت خالتي وبيت جيرانا بس مالت فشلتنا ولا خطبت:(
يعني لمى احد يسئلكم قولو ان عندكم بنات يمكن بناتكم من النوع الي مايطلعون للناس كثير
مثلي ترا انا واختي بال5سنوات نطلع للناس مره
ههههه والله حتى بالعروس نروح بس عزايم وغيره مانروح
يعني الكل يصير متحمس يشوفنا
عشان كذا يمكن الناس مو منتبهييين لبنات اختك! او يحسبونهم صغار على الزواج او او او
بس انتم مدحوهم
والله انا خالتي اذا قالو في بنت للزواج تقول اي بنتي!!
الي قلتلكم انها تشبهه لمياء طارق بس سبحان الله يردونها عشان السمنه

namire_ra
ياشين الي كذا تبي تسحب كلام منك ان البنت مو زينه تبي تفضحها اعوذو بالله !!
تقهههههههههههر زين انك تحملتيها!!
يسلمو على ردك

جحود
ليش حبيبتي اول شي مو كل البنات قليلات ادب
ثاني شي يعني بالله علييك بالعقل الحين مثلا اقولك لو اني ام طييب وجتني وحده وقامت تسئل هالاسئله الي ترفع الضغط
وش برد؟
خصوصا اذا قالت بنتك حلوه اكييييييييييد بقول اي بنتي بعد القرد بعين امه غزال هههههههههههه
لو سئلتني بنتك كذا كذا اكيد بمدح بنتي يعني ماراح اطلع عيوب بنتي
والولد عاد مشاءلله الي جاي يخطب حتى هو عيوب الدنيا كلها فيه!
مو شرط البنات
زي مره وحده تخيلي تقول لآمي ابي اخطب بنت فلانه بس مدري تتوقعين كملت شباب
خييييييييييييييييييييييييييييييير وين قاعدين سلامات !!!!!
ايش كلمت شباب عسا ماشر
يعني حتى نقول مثلا لو كلمت امي بتقول او امها بتقول لآمي والله بنتي تكلم شباب
ومشكوره على مرورك حبيبتي

من ناحية التجريح بالكلام هذا شي جدا يقهر

ومن ناحيه يسالون هي بيضاء وطويله ونحيفه ترى الاولاد هذي شروطهم
يعني تخيلي انتي ام وولدك قايل لك ماراح اخذ الا كذااااااااااا اكيد بتدورين له نفس شروطه
وغيرها من الشروط
يعني يقول ابي موظفه خلاص تدور له موظفه وهو وياها يتفاهمون

انا ماانكر ذا الشي يضايق وينرفز برضه بس الحمد لله مابعد مر علي
ذا الشي وجعله مايمر علي يارب ..

المشكله مب بالطلبات كثر ماهي بالاسلوب من الخاطبه اللي بتخطب لولدها او اخوها او ولد اختها ..

واللي تقول اقول بنات اختي ..
ايه قولي اختي عندها بنات مب عيب والله .. العيب انك تكونين ساكته وانتي وغيرك مايذكرهم للناس ومايتزوجون ...

مع اني انا مستحيــــــــــــــــل اذكر لحد اقول مااعرف
لان الزواج موضوع يخوووف اخاف اقحم نفسي فيه
اخاف مايتوفقون ويدعون علي .
اخاف تكون البنت مو كويسه ويكرهوني او يدعون علي

امشي بجنازه وماتمشيش بجوازه والله يوفقنا وياكم ..

حافيه
هههههههههههههههه اي منن جد شي يقهر
يعني مثلا تتوقع اننا بنقول لا والله بنتنا ماهي حلوه دور غيرها خخخخخخخخخخخ
ياكثر مايقولون تلبس على الراس؟!
تطلع مع السواق!
تروح الجامعه<<<<<<والحريم الكبار عندهم الي تروح الجامعه قليلة ادب تخيلوو!!

ولا تدرون وش اكثر شي رفعععععععععععع ضغطي
والله ولدي يبي يشوف البنت اذا عجبته ان شاءلله خيير
نعم يختي ليش فرجهه هو نستعرض البنت!!

تدرون مين كان كذا يسوي احم احم
خااااااااالي ذووقه كاااااان صعب مرره بشكل ماتتصورنه
تدرون اننا جلسنا ندور له اكثر من 5سنوات عروس!!
يبي بيضا
طويله
نحيفه
شعرها لنص ظهرها اسوووووووود ناااعم
عيونها كبار
مهتمه بنفسها ودايم تحط عطورات
وكان ميت يببي زي رولاء الي الحين مقدمه تجي ببرنامج قسمه ونصيب
كنت صغييره انا وكنت احسب كل الرجال كذا يعني
المهم كانو الناس عادي يعطونهم صور بناتهم يشوفنها! ويشوفها خالي!!
بس سبحان الله والله يابنات بعد العناااااااااااء الطويل والبحث
نصيبه بالجبيل صار ناس مانعرفهم ولا يعرفونا ابد
وتخيلو انها عكس كل المواصفات
تخيلو انها ماتحب ريحة العطور ماتحط خخخخخخخخخ
وقصيره ودبوبه بس الحين جننها خالي صارت دق العود مع ان عندها بنتين خخخخخخخخخ
بس حرام البنت طيبوووووبه مره وصديقتنا

يعني لاحظو ان الي يتشرط كثييير سبحان الله تجيه العكس
والي مايتشرط تجيبه ملكة جمال