قصتي والبليستيشن
قصتي تبدأ من مذ زمن فكانوا أولادي يلعبون الكرة في البليستيشن وعلى فكره يحبون الكره أكثر شي
وكانوا يصارخون ويضرب كل واحد الآخر كانوا يتزاعلون ويتراضون في بعض الأوقات
وفي يوم من الأيام بعد هواش دار بينهم زعل ابني حاتم ولم ينهي المبارة ورمى اليد وقال معاد بلعب معاك
يا غشاش .
وأما الثاني زعل وصاح ويالله من يقدر يسكته هلحين .
وعلشان يسكت قلتله أنا ألعب معاك ( وكانت هنا البادية )
فقال لي ولدي الصغير أنا أعلمك .
قلت كيف قال الأسهم تحركين اللاعب و الإكس يناول الكوره الدائرة تشوتين والمربع يشوت على أي إتجاه
والمثلث يمرر وعاد حركات كثيره أكثر من نصف ساعة وهو يشرح وانا ما فهمت منه شي غير
الاكس يناول الكوره لصاحبه .
ولعبت معاه طبعاً هزمني .
وصار كل ما يتزاعلون كنت ألعب مع الزعلان .. شوي شوي صار أدائي يتحسن في الكوره ودارة الأيام وصرت
أنا أهزمهم وصرت ألعب أحسن منهم وأسجل أهداف من بعيد وأشوت البلنتيات أقلكم صرت لاعبة كره محترفه
وصارت قصتي في الحارة منتشره أني ألعب كوره والسبه عيالي طبعاً فضحوني في الحاره والأولاد ماهم مصدقن
وكل واحد يقول والله لأهزمها وجيراني يتريقون علي ووحده من الجيران إتصلت وقالت ليش ما تلعبين كراش أحسنلك
من الكوره . أقلكم انفضحت
وفي يوم من الأيام على الغداء إلا واحد من الأولاد يقول لأبوه أمي تهزمنا في الكوره وصارت واستوت
ومحد قدها والله لو تشوف لعبها تقول هذه يلي أخترعت الكوره .
فضحك أبو حاتم وقالي تلعبين الكوره مع أولادك وتهزميهم والله لأهزمك وفي الليل لعبنا أنا وهوه .. والولاد يتفرجون ويشجعون
واهزم أبو حاتم فرحوا العيال يتريقون عليه وأبو حاتم وجهه صار أحمر وقال طيب تحرجيني قدام أولادك زعل
والحمد لله عدت الليله على خير .
والمصيبه صارت قصتي حتى في المدرسه وجاني حاتم يقول زميله من الحاره يلي ورانا بأنه أحسن لاعب في الكوره على البليستيشن
ويبي يجي علشان يلعب معايه .
قلولي ويش أسوي تبون الصراحة والله خايفه يهزمني
وهذولا العيال فضايح والله فضايح ونصيحتي ولا وحده تغلط غلطتي
خلوهم يتهاوشون ويتزاعلون وراح يتراضون بس لا تلعبون معاهم وإذا لعبتوا الله يعينكم.
شاركي في النقاش
سجلي الدخول لإضافة تعليق.
التعليقات
12- هههههههههههههههههههههههههههههههههههههه
والله خطيره انا اشوف الكوره من بعيد اقول هم شلون يلعبون اثاري العنصر النسائي خرب على الشباب
اهم شي شدي حيلك وتدربي كل شوي لا تفشلين عيالك
طيب وراء ماتلعبين بيبسي مااان روعه احسلك من الكوره ترا فيها اعصاب
خخخخخخخخخخخخخخخخخخخخخخخخ - الله يعطيك العافيه ويقويك وان شاء الله تهزمين
صاحب ولدك وزي ماقللتي الأولاد فضاااااااايح
لوبابيون - ههههههههههههههههههههههههههههههه
والله العظيم موتيني ضحك
اي حبيبتي انا بلعب كراش
عنجد حلوة بس ما حد يعرف
يلا ألعب و أهزمك
ههههههههههههه
-تحياتي- - ههههههههههههههههه ياحليلك
- الله يعطيك العافية على القصة الحللللللللوة موتيني من الضحك خليك على كراش تراها رهيبة إلا ما قلتي لنا من غلب الثاني انتي ولا ولد الحارة ؟؟
مواضيع مشابهة
تابعي تجارب أخرى من هذا القسم.