تجاربك المؤلمه والمحرجه ... تعالوا نفضفض

6 يونيو 2007

انا يابنات فيني طبع يارب تتمه علي احب انفع اللي حولي بللي أقدر عليه والسبب ان علاقاتي بالناس كويسه ولله الحمد
المهم بنات خالتي يحبوني واحبهم الله لايغير علينا ونعتبر بعض خوات المهم لاجت الوحدة تتزوج تبدا تسأل عن فساتين العرايس طبعا يسألوني لأني صديقاتي كلهم كشخة فيقولون لي اسئليهم وطبعا على طول مستحيل اردهم واروح معهم ناخذها منهم وكم مرة انحرج ان فيه بنات يرفضون وعادي اهم شي بنات خالتي
المهم طبعا هم مايقصرون يدعون لي ويشكروني بس مرة قالوا لي عقبال مانساعدك في زواجك بس صعبه نلقى فستان عروس كبرك :( وضحكو ا طبعا كليت هوا وضحكت غصب آآآآآآآه بس عاد مومن سمني لها الدرجة بس وش نسوي
موقف ثاني إلا الآن وانا اذكره وهو اني لي ولد عم كبير وكانوا الناس من عندهم يقولون بياخذ علامو وطبعا امي كانت تقول لاأن شاء الله ماتبي عيال عمي وسبحان الله تزوج وحدة ماشاءالله جسم وبياض ورقبه واناقة تبارك الله وغير كذا حبوبه حتى عمتي قالت ليش ماخذت علامو قال صغيرة وانا ابغى وحدة من سني انا كان عمري وقتها 21وهو 30واللي خذاها 27يعني مناسبه اكثر المهم إن امي اللي كانت ماتبيه انصدمت وهي اول تتعفف منه المهم انه مرة كنا نسولف وقالت لنا وحدة من قرايبنا انه كان يقول انه يبغى مواصفات لبنانيه بعدها بفتره كنت انا وامي واختي نسولف ,,,,,بنات احس اني بصيح المهم قالت امي مالومه ماخذاكم موصفاتكم موصفات ...........:icon33: المشكلة ان كل من شافني وقدام امي يقول اني حلوة وجسمي على سمنتي مناسب وجهي ومطلعني كيوووووت حتى بنت خالتي صغيرة تقولي انتي بالمكياج واللبس كيووووت حتى صديقتي في الكليه تقول انا استغرب الا الآن ماتزوجتي على هالملح ............والله ان هالكلام صدق مومدح لنفسي بس تخيلي امك تقول كذا ياالله وش شعورك
ومرة بنت خالتي صديقتي حيل تسولف معي وتقول ان اختها الكبيرة تقول اكيد علامو ماحد خطبها لانها دبه تخيلووووووووو:icon33:
بس الناس مايخلون شرهم في زواج كنت انا وبنات خالتي وكنت مسويه مكياج رووووووعة وفي ناس من بداية الزواج يسألون عني لأخر الزواج قامت امهم راقصتني من زود الإعجاب المهم بعد الزواج جت اختي الصغيرة وقالت انهم سالوني عن كل شي حتى بيتنا وينه ومن طيبتي علمت بنت خالتي وهي اصلا مملكه المهم لوتشوفونها وشلون تغير وجهها
وبعدها وهي تتقصد تبين اني سمينه
مرة خالتي تسولف على بناتها وتقول علامو لوتنحف ماشاء الله بتطلع شي
جت بنتها تخبرني بس بلمز وقالت تصدقين مااشوف من اللي تقول امي شيبعدها بفترة رحنا حفله معهم وثاني يوم تقابلنا بإستراحة واسألها الله يسامحها عن لبسي وصدق كان جديد المهم وش قالت....................تصدقين انك اسمن من في الحفلة المشكلة اختها سمينه وتقسيمها يارب لك الحمد بس شوفو
يالله فتحتو جروووح تصدقون بعد كلمة بنت خالتي اللي هي كانت توئم روحي واختي في نفس الوقت اقسم بالله اهتزت ثقتي بنفسي فترة ولاعاد رحت للمناسبات وقامت امي شكت بس ماقلت لها وقلت لخالتي الثانيه تصورو وش قالت :
تقول اصلا فلانه تغار منك طول عمرها ومسكينه فيها عقد الدنيا انصدمت وقمت اراجع مواقفها معي وصدق كلها دايم تبين انها جسمها حلو وهي صدق جسمها مانيكان بس وجهها اقلنا كلنا ولا عمري قلت انا وجهي وحتى شعري احلى من شعرها اقسم بالله ماكنت افكر بالشكل احبها لروحها وهي ماادري وش فيها علي المهم جتنا مناسبة واصرت امي اروح وبدون شعور رحت كلمت صديقتي في الكليه وقلتلها رغم اني ماعمري فتحت معها سيرة جسمي لانها صادقتني لشخصيتي لما درت وش سوت فيني انت ماعليك منها انت فيك وفيك روحي والله تهبلين والحمد الله رجعت ثقتي فيني بس صراحة موضوعكم ذكرني بذيك الفترة وانا اكتب لكم فيني مشاعر مختلطه بكاء فرح حزن الله أعلم
يوووووووووه وش نخلي وش نقول بس الله يرفع قدري فيمن عنده هذا هو المهم .

تجاربك المؤلمه والمحرجه ... تعالوا نفضفض

التعليقات

تجاربي المفيدة في زيادة الوزن والتكبيييييير😅

تجارب علاج فات لوس

تجارب رجيم مقاومة الأنسولين

تجاربكم مع خل التفاح العضوي لللتخسيس

تجاربكم بالنحف 💕