كيكة بدون طحين خفيفة ولذيذة .......... يم يم

هلا الغاليات
البارحة سويت كيكة لذيذة وهشة وخفيفة
المقادير متوفرة في كل بيت

3 بيضات
1/2 كوب سكر
1/2 كوب زيت
1/2 ملعقة فانيليا
1/2 ملعقة بيكنج باودر
1 قشطة

نخلط جميع المقادير في الخلاط وبعدها

انحمر 2 كوب حليب باودر ( انا استخدمت النيدو )
تحمير بسيط جدا
وبعدها انحطه على الخلطة ونحركه بالملعقة
ونصفه على قراطيس الكيك الصغيرة
واندخله بالفرن طبعا ما ياخذ وقت وايد يعني ما بين 15-20 دقيقة حسب النضج

وبعدها انسوي خلطة الكاكاو اللي راح انصبه فوقه
3 قطع جالكسي
1 زبدة ( 10 جم ) يعني الصغيرة
1 قشطة
نضع المقادير في حمام مائي
وبعدها نحطها فوق الكيك
ونحط الكيك بالثلاجة
وصحتين وعافية
واللي اتجربها وتعجبها يا ريت اتخبرنا

17 تعليق 15,256 مشاهدة

شاركي في النقاش

سجلي الدخول لإضافة تعليق.

التعليقات

16

تابعي تجارب أخرى من هذا القسم.