السلام عليكم..
بنات منتدى عالم حواء المثقفات منو تعرف تفسر الموضوع هذا:
الله يسلمكم انا مدرسة و عندنا طالبة متخرجة من الثانوية اسمها سلمى , قبل ست شهور تقريبا حلمت فيها فقلت اذا رحت اليوم المدرسة بسأل رفيجاتها عنها و عن اخبارها بس ما قدرت لانهم كانوا يختبرون فما قدرت بس حدي كنت متشوقة اسأل عنها هذاك اليوم..
المهم من باجر لما رحت المدرسة قالت لي ابلة معاي بالقسم انه امس لما كنتي بقاعة الاختبار في طالبة سألت عنج وما لقتج والطالبة اهيا نفسها اللي كنت حلمانة فيها..
طبعا حدي حدي استغربت لانه بنفس الوقت امس انا كنت حدي متشوقة اسأل عنها, بس للحين ما خلصت السالفة..
قبل شهر تقريبا شفت طالبة معانا بالثانوية انا ادرسها يعني دايما دايما اشوفها و ادري انها رفيجة سلمى بس ما صارت مناسبة اسألها عن سلمى بس بهذاك اليوم حسيت انه لازم اسأل عنها الحين , قلتلها فلانة شخبار سلمى قالتلي ابخير الحمدلله و اهي موجودة عند بوابة المدرسة بتاخذني!!!!!!
طبعا انا علامات التعجب كلها اطلعت على وجهي..
يعني يا بنات انا ليش ما سألت عنها كل هذي المدة و اجلت السؤال الى هذا اليوم؟؟
انا سمعت انه في شي اسمه تخاطر بس شنو معناته ما ادري؟؟
و للعلم انا ما درست هذي الطالبة بس كنت كل ما اشوفها احس كأني اعرفها..
و اتمنى ما اكون طولت عليكم و بانتظار ردودكم يا الطيبات:42:
شاركي في النقاش
سجلي الدخول لإضافة تعليق.
التعليقات
14- سبحان الله ,,
فعلا يمكن في شي يربطكم بالاحاسيس ..
ربما تكون قريبتك من بعيد انتي ماتعرفيها
او ماقد سمعتي عنها؟؟
او تكون اختك من الرضاعه ولكن ماتعرفيها ؟؟
او اخت احد من اخواتك ؟؟
ربما يكون نصيب يااما هى لاخيك او لقريبك اوانتي لاحد من اسرتها
اذا انتي ماانتي متزوجه ؟؟؟؟؟ الله اعلم
لاتستغربين من كلامي ..من جد وربي
لكن من جد تصيرهذه الامور ..وهذه يسمونها مشاعر مترابطه لاشعوريا
تشعرون ببعض من غير ماتحسون ببعض في نفس الوقت..
يعني مثل الاسلكي هههههههههههههههههه
من جد هذه احاسيس غامضه واحيانا تتعلق بالحاسه السادسه
وربما تكون محبه في الله وترابط حسي بينكم بكل شيء ,,
وان شاء الله خير ..
تحياتي ,,,,,:) - طيب حبيبتي بقووول لك موووقف صار لي امس ولحين وانا متنننننحة ,,
وخااااايفه ,,
تخيييلي .. عندي وحده من خالاتي كانت تحبنننننني بس تغيرت علي آآآخر سنتين
بسبب مشاكل المهم ..
امس دقت علي اعز وحده من صديقاااتي احنا ماشفنا بعض من 5 سنين
قالت لي حلمت فيك ..
وبعدين دقت علي صديقتي الثانيه وقالت لي حلمت فيك ,,
وبعدين دقت علي بنت خالتي هاذي اللي قلت لك عنهااا
وقالت لي انا اليوم حلمت فيك بعدين رحت اقوووول لماما اليوم حلمت بـ ....
قالت لي حتى انا حلمت فيها اني اضمها بقووووه وابكييييييييي ..
والله يابناااات اني خاااايفه من هالشي ومستغربه .. - مشرفاتنا الغاليات يا ليت ترفعون موضوعي لانه من صج محيرني و محتاجه له تفسير
- يابنات انا قريت مره والله اعلم ان كل لحظات حياتنا بتعرض علينا ونحن في بطون امهاتنا علشان كذابتشوفين موقف صارلك اوشخص وتحسين انك قابلتيه اوترتاحين له من اول مره
- للرفع
مواضيع مشابهة
تابعي تجارب أخرى من هذا القسم.