مشكلتي عمتي أم زوجي ممكن تساعدوني جزاكم الله خير

شوفي حبيبتي والله معاكي حق تزعلي من ام زوجك
وانا نفس الشئ صارلي بس الحمد لله الوضع صار احسن
تخيلي استحالة نطلع برا البيت وماتروح معانا اصلا كل شوية تلاقيها تدق على تليفون البيت اذا مااحد رد تدق على الجوال وتبدى تهزئ انتو طلعتو من غيري ليش ماتأخدوني
وطبعا السفر حدث ولا حرج مافي سفرة نسافرها الا ورجلنا على رجلها ولما كانت تحس اني مضايقة تقعد تقول خلاص اركبي انتي جنب زوجك كأن الموضوع كلو على كدا
حتى لما نكون في مدينة تانية طبعا نستأجر شقة وطبعا اخوات زوجي حرام يخافوا يناموا في غرفة جديدة غير غرفتهم فلازم يناموا معانا
انا سكت وسكت خلاص حسيت حالي بنفجر مانتهنى نطلع لوحدنا
طبعا ماكلمت زوجي صريح خفت مايفهمني بس كنت المح احيانا انو نفسي نعيد شهر العسل نروح وين مانبغى نسوي الي نبغاه بس الوضع كان زي ماهو
طبعا بعد فترة من زوجي طفش شاف اننا صرنا خلاص بس ازواج في غرفة النوم
عاد هو من نفسو صار يزبط الوضع
صرنا نسافر وقت الامتحانات عشان تقعد مع اولادها وماتقدر تجي معانا
او يسفرها قبلنا بكم يوم واول ماترجع نقوم احنا نسافر عشان مايمديها تجي معانا
او يقول عندي شغل برا المدينة ويأخدني من غير ماتعرف طبعا على اساس اني في بيت اهلي
يعني لاتضغطي على زوجك بعد فترة هو راح يطفش ويبدأ يصلح الامور

كلنا كذا كنا في البدايه لازم تتخذي موقف لانك ان سكتي راح تاخذ على كذا وتعتبره ش عادي بس انتي باسلوب فهميها وصارحيها على اي موقف يصير للك منها وبعدين قومي حبي على راسها وقوليلها لاتفهميني غلط لاتشيلين بقلبك ترا تتعبين اساليني انا ما ارتحت الا لما صرت ارد واواجه عاى كل موقف حتى سبحان الله تحس لك شخصيه وتحترمك

وزوجك صارحيه وقوليله انك مستحمله على شانه وقوليله انك ضايقك الموقف الي صار
ولا تخسرين زوجك الا اكسبيه بصفك
ووسعي صدرك لازم يصير مواقف زي كذا بس لازم تعرفين كيف تتعاملين معها بحكمه من غير ما تزعلين احد منك واكسبي ال كل بصفك

الله يصلح حالكم ويسخر لك زوجك

اتوقع انكم في بداية زواجكم

ولازم هالامور تحصل في البدايه يعني غيرة الام على ولدها

وصدقيني سحابة صيف وتعدي على خير عليك بالصبر واحتساب الاجر من الله

بصراحه يا أخواتي قرأت ردودكن وارتحت كثير جزاكن الله خير وجعله الله في ميزان حسناتكن وابعد عنكن منغصات الحياه و الله يرزق كل وحده منكن ما تتمنى ياااااااااااااا رب .

ممكن اتعلموني شلون اتعامل مع عمتي ؟
تراني ما عندي خبره انا صار لي متزوجه 3 سنوات ونصف وعندي ولد الله يخليه ويحفظه عمره سنه
انتظر نصائحكم

دمتن بود

الله يصلح حالكم ويسخر لك زوجك