انظمه غذااائيه للحامل او المرضعه او فى النفاااااس

حبيبتي تراه الحليب الطبيعي هو أصلا خفيف

وأنا صار لي أربعة أشهر والده و أرضع طبيعي كامل

لا تخافين رضعي طبيعي و اتركي الحليب الصناعي

و الرجيم تراه يقلل من الحليب الطبيعي عشان كذا أنا ما أسوي رجيم قاسي آكل من كل شي باعتدال و أنوع بالطعام

بإمكانك مشاركتي تجربتي على

http://forum.hawaaworld.com/showthread.php?t=912001

و للعلم نقص عن وزني بعد الولادة إلى الآن 5 كيلو و طبعاً ما بديت بالتخفيف إلا بعد النفاس لأنك في النفاس تحتاجين لطاقة عشان تتعافين و عشان ترضعين و تهتمين بطفلك

حائره في ذكرياتي..

بكم يوم خفيتي من وزنج..؟؟ وشو حسيتي الحليب ما خف..؟؟ او زاد..؟؟ ولا نفس ما كان..؟؟
وتسلميلي عالمرور..

نور الدجى..

والله ما قصرتي بالرد.. :).. بس الغاليه انا وزني 90 وضااايقه من هالوزن :( وابا العب رياضه.. بس مب قادره عشان القيصري.. وأول ولاده..
انا خلصت الأربعين من 18 يوم.. شو رايج برجيم السوائل..؟

وانا الحليييب كان زين قبل.. بس خف وااااااااايد.. لدرجه انه البيبي يرضع اول شي يطلعله حليب وعقب يوقف تمااما.. ويتم يصيييح ويرضع ومايطلع شي واضطر اعطيه صناعي عقب الرضعه :(

وينكم :(

ما عليه هالوزن كله بيروح بس يبيلك شوية صبر

أما عن رجيم السؤائل فأنا ما أعرفه و لا أقدر أفيدك

حبيبتي حتى لو حسيتي أن الحليب ما يطلع للبيبي خليه على صدرك و لا تعطينه صناعي لأنه بعد كم دقيقة بيرجع يطلع حليب و خليك مركزة على الرضاعة مو تنشغلين بالسوالف ولا بالتلفزيون و أقنعي نفسك أن حليبك يكفي يمكن سبب بكاء الطفل مو من الجوع

أنا بنتي الكبيرة ما رضعتها من صدري إلا بنفاس و لين الحين متندمة

أما ولدي رضعته لين ما كمل 10 شهور وما شاء الله كان يرضع لمدة 10 - 15 دقيقة و يظل عليها إلى الوجبة التالية اللي بعد 3 ساعات و كان يشبع وما شاء الله متين

و بنتي الحين اللي عمرها أربع شهور ما ترضع إلا 5 دقائق لكنها بعد ساعتين تبي ترضع مرة ثانية و مع ذلك وزنها مناسب لعمرها

فالأطفال يختلفون ، أنتي لا تخافين و استمري على الرضاعة الطبيعة ففوائدها عظيمة للأم و الطفل
و ما عليك من كلام الناس اللي يقولون أن حليبك مايكفي

آه تذكرت شي هل يوم كان حليبك زين كنتي مرتاحة نفسيا و جسديا ؟

لأن الحالة النفسية و التعب الجسدي ينشف الحليب

أنا من شهر سافرت و تدرين أيام السفر نصحى من الصبح و مشي بالأسواق و ما نرتاح خصوصا مع وجود 3 أطفال و عدم وجود خادمة فنشف صدري لكني استمريت على نفس الأوقات اللي أرضع فيها بنتي كل ساعتين أخليها ترضع حتى لو حسيت أن ما فيه حليب أخليها و ما أعطيتها صناعي و بعدين لما ارتحت رجع حليبي نفس ما كان