السلام عليكم ورحمة الله وبركاته
مرحبتين بأم عبد المعين وبرؤى الحسناء
انستونا
وأن شاء الله معرفة خير
انجيمه ان شاء الله ربى يوصلكم بالسلامه
وبالشويه على روحك ارتاحى
ما زال قدامك هلبه تعب لما اتروحى .
ليبيه مرحبتين يا حنا
وكيف ننسوك ؟
كان كل وحده اتغيب ننسوها بلاش منه التجمع ,,,
ربى يونسنا بيكن ويحفظكن كلكن وين ما كنتن
غاده
سلم نشاده يا حنا وسلمى لنا على حياة وامها
اطفالى حياتى
شنو حالك وشنو اخبار الصغار وبريطانيا امعاكم ؟
ان شاء الله حالكم باهى
ام ألاء شنو اخبارك وكيف حال الاء ؟
امشيمشه
شنو صحتك هاليومين
أنا لى كم يوم نايضه عليا المراره (عندك تجربه سابقه وافتكيتى منها)
ويا حنا الالم بعيد عنك ما نحكيلكش وخصوصا كان كليت حاجه دهنيه وانا مش قادره انقاوم الماكله
ويقعد جنبى انحس فيه بينفجر
اليوم الجراح قال لزوجى كان تبى انحوها لها ما فيش مشكله لكن لازم من فتح كامل مش منظار توا وكان تستنى بعد الولاده انديرولها منظار
لكن بجديات خلاص واصله حدى منها
مرات بدموعى نقعد نبكى
والحمد لله على عطائه ...
كل البنات كيف حالكن
على فكره امس طلعت نتيجة امتحان زوجى اللى داره الشهر اللى فات
والحمد لله نجح فيه
ما كانش متخيل روحه ينجح سبحان الله
لانه ما استعدش للامتحان وما قرالاش كويس
وامبارح خش على النت لما لقى النتيجه سمعته ايعيط من الفرحه نين انخلعت خيره الراجل شنو صار
قال كنت خاش مش متوقع النتيجه طالعه ولقيت روحى ناجح اللهم لك الحمد والشكر يارب
والحمد لله خلاص معش عنده امتحانات بكل كملهن كلهن ..
العقبه لصغاركن أن شاء الله ياخذوا اعلى الشهادات وتفرحوا بيهم دكاتره ومهندسين يرفعوا الراس
باقى البنات فى ليبيا وفى الغربه
ربى ايسمعنا عليكن الاخبار الطيبه
فى امان الله توا
~: : :OoO «-.¸¸,.-~*تجمع أحلى صحبه ,,,بنات ليبيا "التجمع الثانى" *~-.,¸¸.-..OoO: : :~
متابعة النقاش، صفحة 320