:(

بسم الله الرحمن الرحيم

بأحاول أحكي عفوي وبدون ما أعيد اللي كتبته وامسح وووو الخ حكاية كل مره لعلها توصل

بنات انا مؤمنة ان ربي حلال المشاكل ومالنا غيره فعلا مالنا غير الله

لكن احيانا تسمعين من ناس حكي يفتح عيونك وينورها على امور انتي غافله عنها
ينور قلبك على طرف خيط يكون هو بداية الحل سبحان الله

انا خجلانه اني احكي ولا ادري وش بسوي لو شفت عدد الزوار للموضوع يزيد :icon33: احس اني قاعده افضح

بنات انا بنت ببداية العشرين ولسى ادرس ، السالفة بدت من لما عرفت ان ابوي يشرب خمر من كم سنة 4 او 5 السالفة جزئين متداخلات ببعض انا وهو
هو يشرب اذا تأزمت نفسيته حيـل وتعب على طول يلجأ للشرب يتركه شهر شهرين لكن يرجع
مشاكله شغل ربع انصدم فيهم سرقات اختلاسات وكل اللي تبون يعني انصدم بناس كانوا قراب له حيل راح لطبيب نفسي لكن مافاد
الحكي يطول هنا لكن بحكي عن الجزء الثاني لاني انا اللي بشوفه وبقرا آرائكم
بنات انا متعلقه فيه حيل وبطبعي حساسة واحاتي ، طبعا اول ماعرفت انصدمت صدمة قوية وكنت بريئة على بالي الخمر اللي نشوفه بالمسلسلات لازم الواحد يصير يتررررنح ويقط حكي ماله معنى ما ادري ان الخمر له درجات وان لكل شخص ردة فعل وعلى حسب الكمية

صدمتي خلتني ما اثق بأحد أبد ودايم اقول اذا ابوي صار فيه كذا وش عاد البعاد ؟
مرت فترة تأزم فيها وضعه مرره طلع لقاني بالصالة جالسه وقعد يقول مواضيع قديمة واشياء سلبيه مأثره فيه وترى الكذب منتشر وانتبهي يا بنتي وانا احب عيالي وكلااام يقطع قلبـــــي
مرات اشوفه يرجع وانتو بكرامه
مرات اشوفه ما يقوى يوقف على رجوله وكنت امسكه
مرات خاصه بأول يوم يبطل يكون يرتجف ولا يبي أحد يشوفه خاصه عياله ولا يتحمل شي
ياما وياما رميت العلب قدامه

واجهته ووعدني يتركـه مرة ومرتين وثلاث لكن مارجع

صارت مواقف كثيرة شفتها بعيني قلبتني فـــــوق تحت وايام ازفت من الزفت علي وعلى امي واخواني

هو ما يشرب عشان نشوة او يروح عزايم شرب لااااا ، لكن اذا جت بباله ممكن يشرب ويجيبه بأي لحظه يبي - حسبي الله على اللي يشتغل هالشغلة - ولا يهمه احد يروح ويطلع ويجي ويكلم بالتلفون ويسوي اي شي ما يهتم انه شي فضيحه او عيب ساعتها ابد

مشكلتي اني صرت مااثق بنفسي خاصه لو قابلت بنات او اقارب عندي شك 5 بالميه انهم يدرون عن ابوي احس اني اتفشل ووجهي بالارض ، دايم اتخيل اذا احد واجهني او واجه امي قدامي عن ابوي ووضعه وش بيصير شي يسود الوجه ، مرة انخطبت والله اول شي جا ببالي ياترى هم يدرون عن ابوي ؟ ولو دروا وش بيصير صرت مااثق فيه هو احيانا !ماابي اكتب هالحكي والله لكن وش اسوي هذا واقــع والله العظيم اتقطع وانا اشوفه يحكي لي عن انجازاته وامور حلوة تصير معه مدري احس قلبي يعورني حيل انا مصدقته لكن مدري !
انا احبه حيل حيل حيل ولا اتخيل حياتي بدونه ابــــد شفته بلحظات والله العظيم خفت انه يموووووت وطبعا ما يحتاج النفسية وقتها
ماادري كيف اتجاوز الاهتزاز اللي فيني تجاه اي شي يخصه
انا اعرف انه مالي ذنب باللي يصير فليش اعاقب روحي او اتأثر بشكل سلبي يعني هي محنه وابتلاء من الله لكن غصب عني ماصرت واثقه واخاف من الفضايح حيل ولا ادري وش اسوي

بليييز ماابي تعاطف او شي يضيق خلقي زيااااااااااااده

قولوا لي كيف اتقوى ؟ والله نفسي اكون صلبه جبارة اتحكم بمشاعري ولا اصيح او اكتم بقلبي وتتخربط تصرفاتي وكلامي صح كل فترة تمر اتحسن واكون صلبه اكثر من قبل لكن ولو :icon33:

مدري وش اقول :(