شاركي في النقاش

سجلي الدخول لإضافة تعليق.

التعليقات

29
  1. @dmoaa_almsafrh

    صاحبة الموضوع
    حبيبة غريب الدار
    حبيبتي المفروض كل وحدة تحط خطوط حمراء لها ولزوجها من البداية وكل واحد منهم ما يتعدى هالخطوط فانا من رأي انك اول شي تحاولين انه يستغنى عن السهر مع أصحابه بس ليله وحدة وتكونين مسويه العجب في ذي الليله من تدليع ورقص وكلام حلو وانت عارفة الب…
    الله يجزاك الف خير اختي
    انا والله ما طلبت منه الا يوم واحد يعطيني فيه وجه
    بس الله يعين
    وبانسبه لليله الي تتكلمين عنها والتجهيز لها ما يحي هذي الحركات سويت له ويقول احب كل شي طبيعي
    وانا خايفه ارجع حق اهلي لانهم ما يرضون اني ارجع لهم
    واخاف من ابوي ابوي شديد

    ادعو لي اخواتي
    هو الحين مطنشني ولا عليه مني زعلان
    ولو تشفونه وشلون يكلمني
    والا كيف يكلم احد من ربعه يتضحك لهم وانا آآآآآآآآآآآه بس
    الله يعيني يارب
  2. سبحان الله والله نفس الحاله بس انا ريلي (زوجي) ما يتأسف أبدا
    يقول عادي بعده تو الناس
    ومثلج يوم اخليني عند اهلي عادي يخليني شهر
    بس انا الحينه ما اسويله سالفه ارقد من وقت
  3. تبين الحل
    قومي بالليل الاظلم وادعي ربك ادعي وادعي ولاتياسين الله يسخره لك ترى الدعاء يسوي العجب والله اني مجربه واقرئي سورة البقرة واكثري من الاستغفار وراح تشوفين نتائج تبهرك وراح تتذكرين كلامي هذا بس ادعيلي
  4. كلميه بهدوء فاجئيه يوم وقوليله عازمتك برا او احجزي فندق يعني كانك تخليه يقعد معاك غصب بس من غير ما تشعريه بهذا الشيء

تابعي تجارب أخرى من هذا القسم.