صبااااااااااااح الخير يا حوامل يا عسل شلونكم ؟؟
وحشتوني وايد
بصراحه امس المنتدى مو راضي يبطل معاي ما ادري ليش !!!
والا انا ودي اسولف معاكم
درر الكويت ،ام فارس ،al_noneey ، باستا ، وكل البنات الموجودين صبحكم الله بالخير :)
خل اقولكم امس شنو سويت
امس كان عندي موعد في المستشفى اول موعد لي بعد فتح الملف
رحت الساعه خمس العصر ودخلت على الدكتوره الساعه 8 وربع :(
والله عيزت من النطره لكن بالأخير دشيت الحمدالله وسوت لي دكتورتي سونار
وشفت نبض الياهل ماشاء الله وتطمن على البيبي وفرحت وايد يوم طمنتني الدكتوره وقالت لي ان كل شي اوكي والحمدالله وايد وضع البيبي يبشر بالخير وعطتني موعد شوي بعيد بشهر 8 بس قالت لاني تطمن عليج والحمدالله كل شي اوكي
عاد بعدها قمت أتدلل على زوجي وقلت له مشتهيه اتعشى في كبابجي العديليه
لوووووول وداني كبابجي وغذيت الجنين وشريت وجبات حق عيالي ورديت البيت :)
تجمع جديد لمواليد يناير وفبرايرومارس 2008.. >> يرجى الانتقال إلى ملف جديد
متابعة النقاش، صفحة 219