شاركي في النقاش

سجلي الدخول لإضافة تعليق.

التعليقات

1,242
  1. @am_aazyz_7

    صبااااااااااااح الخير يا حوامل يا عسل شلونكم ؟؟

    وحشتوني وايد

    بصراحه امس المنتدى مو راضي يبطل معاي ما ادري ليش !!!
    والا انا ودي اسولف معاكم

    درر الكويت ،ام فارس ،al_noneey ، باستا ، وكل البنات الموجودين صبحكم الله بالخير :)

    خل اقولكم امس شنو سويت
    امس كان عندي موعد في المستشفى اول موعد لي بعد فتح الملف
    رحت الساعه خمس العصر ودخلت على الدكتوره الساعه 8 وربع :(
    والله عيزت من النطره لكن بالأخير دشيت الحمدالله وسوت لي دكتورتي سونار
    وشفت نبض الياهل ماشاء الله وتطمن على البيبي وفرحت وايد يوم طمنتني الدكتوره وقالت لي ان كل شي اوكي والحمدالله وايد وضع البيبي يبشر بالخير وعطتني موعد شوي بعيد بشهر 8 بس قالت لاني تطمن عليج والحمدالله كل شي اوكي

    عاد بعدها قمت أتدلل على زوجي وقلت له مشتهيه اتعشى في كبابجي العديليه
    لوووووول وداني كبابجي وغذيت الجنين وشريت وجبات حق عيالي ورديت البيت :)
  2. @alotn_alhr

    صاحبة الموضوع
    هلا بنات شخباركم انا قررت اني ما اغيب عنكم لاني من اغيب شوي اتعاقب اني اقرء الصفحات الي طافتني
    شخباركم يا بنات وشلون صباحكم اليوم انا بديت بزوع الحمدالله لكن اطمنت لان البارحه نزل علي شوي دم

    والله وحشتونا

    درر الكويت شخبارك والله نفسي اسافر عندكم علشان اشتري من ثيابكم الحلوه

    دايموند: يا اختي التزمي الراحه مثل ما قالت لك الدكتورة انا نزل علي شوي وخفت ومنعت روحي من السفر والحين من اقعد بس وايد نزل شوي عشان جذي انصحك حبيبتي انك تلتزمي الراحه والله يسهل لك

    ام عزيز : الحمدالله انك طمنتي

    كل البنات: وينكم يالله شاركونا
  3. @am_aazyz_7

    هلا حبيبتي الوطن الحر

    يا بعد عمري واحنا بعد ما نقدر على غيابج
    حتى انا بس امس ما دخلت المنتدى لقيت طايفني 4 صفحات ماشاء الله لووول

    الله يهون عليج حبيبتي
    انا امس سألت دكتورتي ان نساتي غير هالمره صايره كسوله واحب النوم
    قالت مو شرط كل نسات تكون مثل الشي والنوم حلو

    اهو بيني وبينج النوم حلو بس لأني أداوم الصبح اخاف انسى روحي وأنام على المكتب لوووول
  4. صباح الخير ,,

    كيفكم كروشات؟؟

    شو الوحاام معاكم؟؟

    روعة الصمت احتسبي الأجر عند الله .. وعسى ان تكرهوا شيئا وهو خير لكم .. وانا مثلك ما كان الحمل في بالي .. وولدي صغير وأرضعه .. . وعندي سكر .. غير منتظم .. ولله الحمد ولا فكرت اني أجهض او أنزل البيبي لأنه رزق من ربي واللي من ربي خير.. والله يعلم ونحن لا نعلم ..

    وانا عندي مشكله مع الموانع وما تناسبني .. كلها .. وأحاول بس قدر الله وما شاء فعل ..
  5. @am_aazyz_7

    صباح الخير اختي راس المعزّة
    وعلى الوحم ما لنا غير الصبر وربج يفرجها ويهون علينا ويثبت حمالنا

    وكلامج صحيح بخصوص الأخت روعه الصمت

    انا كان عمر بنتي 5 شهور يوم حملت في ولدي وكنت استخدم العزل وتفاجات بئني حامل
    بس يا سبحان الله قدر الله وما شاء فعل ولكني ما زعلت ولا تضايقت لانه رزق من رب العالمين مع ان حمالي متعب ويصيبني أسيتون في البول (عزكم الله) ولازم انام بالمستشفى أقل شي يوم لكن تحملت وقلت الله كاتب هالشي والبنون زينه الحياة الدنيا ولله الحمد ربي رزقني بولد ربي يحفظه ويخليه هو واخته وفرحت فيهم وايد :)

    والحين عمر بنتي 5 سنين وولدي 4 سنين والحين اهم منتظرين النونو اليديد
    ربي يثبته ويهون علي وعليكم قولو آمين :)

تابعي تجارب أخرى من هذا القسم.