اخووووووووووي صدمني فيه ........

قدمو أستثنائي وشوفي كيف راح يزوجكم

أشكر كل من رد علي ويزاه الله كل خير ورزقه حسن الخاتمه والجنه امين

بنات اسمحوا لي ما اقدر ارد عليكم وحده وحده لكن والله يشهد على ما اقول اني اتمنى هالشي لكني مشغوله دايما ببيتي وعيالي
قريت ردودكم كلكم وتأثرت بقلوبكم الطيبه عسى الله يفرج هم كل وحده ويسعدها مع اهلها ويرزق كل محرومه بالزوج الصالح والذريه الصالحه امين يا رب العالمين

اللي سالوني انا اصغر منه نعم انا اصغر منه بسنوات ولكن متزوجه وعندي اطفال ولله الحمد

الاخت اشجان الزمن
عسى الله ان يفرج همكم عاجلا غير اجلا امين ويرزقكم بالازواج الصالحين قريبا باذن الله


خواتي اللي قالوا لي اكتبي له رساله وارسليها له
ان شاء الله بشوف هالشي وبحاول اسويه قريب واحتمال ربي يحنن قلبه على امايه ويفكر على الاقل تفكير بالزواج

واللي قالوا لي داومي على الدعاء
نحن ليل نهار ندعي له وانا متوكله على رب العالمين انه اكيد في يوم بيستجيب لدعواتناا وان شاء الله ربنا ما بيردنا خايبين باذن الله

واللي قالوا لي اخبره ان الزواج نص الدين وما ودك تشوف عيالك ومن هالكلام
تعبنا والله تعبنا من هالكلام ولكن هو كبير ومستحييييييل نقدر نأثر عليه بسهوله .. وكلما يبنا له هالطاري يغير الموضوع على طول يعني خلاص شبعت من هالكلام لا تعيدون فيه ولا تزيدون ..

ولما نحاول نحسسه بوضعه وبالفرق بينه وبين غيره عاااااااااااااادي عنده جدا
لكن تذكرت انه خلال محادثاته معاها كان كاتب لها انا امووت لما اكون قاعد مع ربيعي وزوجته تتصل فيه تساله شو تبغي عشا
قال لها انا احس اني ابغي اعيش هالحياه ولما هي قالت له اوكي تزوج قال لها لالا مابغي اتزوج انا يوم اتعب اروح مكه كم يوم وارتاح الحمدلله

يعني اكيد هو يحس ويبغي مثل غيره يتزوج لكن ما ادري ليش هو عنيد معانا في هالنقطه

واللي قالوا لي اخطبوا له
ممكن هالطريقه تمشي على غيره لكن عليه مستحييييييييييييييل

غير انه كبير وعاقل هو شخصيته قويه جدا جدا لانه عاش مستقل فتره كبيره من الزمن
يعني لو قلنا له خطبنا لك
عادي بيقول محد قال لكم اخطبوا واكيد بيزعل ولا حتى بيرجع لنا البلاد
يعني هو طيب لكن ما يحب ان احد يقلل من شخصيته وقراراته
صعبه جدا معاه
ونحن ما نحب هالطريقه لانه لو خطبنا له الدنيا كلها بتعرف وبتعرف من اللي خاطب وساعتها بنتوهق نحن معاه ونتفشل جدام الناس

واللي قالوا لي خليه يحب لانه متأثر في الغرب

هو متأثر في اشيا وبعيد عن اشيا
يعني متأثر من ناحيه انه يحب يسمعج ويفهم كلامج ويحترم قراراتج وما يعصب عليج لو شاف منج خطا بالعكس يفهمج باسلوب منطقي جدا
لكن تظل العادات وخاصه الدينيه عنده كبيره
يعني ماظنه يبغي يتعرف على بنت او يحبها ويسوي وياها قصه حب عشان يتزوجها
اصلا هالبنت حسب ما فهمت منه انها بالصدفه يت في طريقه يعني لا عن طريق شات لانه ما يحب هالسوالف ولا خرابيط ولعب عيال
وهو ما يدخل الماسنجر اصلا من الاساس ولا يحب يكلم بنت في التلفون
يعني حتى الحين بعد ما تزوجت ترك الماسنجر ولا يفكر فيه ابد

وبعدين انا بعد ما احب هالطريقه لانها مخالفه لديننا وحرام وانا مابغيه يبدا بالحرام
ويمكن عشان انه بدا معاها حرام الله ما كتبها له ويمكن هي ما رضت تتزوجه لانها عرفته من النت
محد يدري لكنها كانت عااااقله وانا متأكده انها فاهمه هالنقطه وعشان جذا يمكن ما بغت تتزوجه مع انها تحبه
انا اقول يمكن والله اعلم

يا بنات هو لا يسمع لا من صغير ولا من كبير
هو روماااانسي لابعد الحدود مع انه ما كان جذا في اول شبابه
سبحان من غير الاحوال
يمكن لانه انصدم في حياته صدمات كبيره اثرت عليه خاااصه انه طاح في البدايه بطريج مو حلوابد

حتى اني قلت له خبرني شو فيها وانا بخطب لك وحده مثلها بالضبط
قال لو تلفين الدنيا طول بعرض وتخطينها شبر شبر ما تلقين وحده تساوي شعره من شعرها هي باختصار احسن البنات من كل النواحي

نسيت اقو لكم يا بنات ان يعرف المنطقة اللي كانت ساكنه فيها قبل ما تتزوج لكن ما يعرف وين بيتهم
وتخيلوا اني شفت انه كاتب لها بشكل يومي تقريبا (( اليوم خذت لفه في فريجكم وياليتني ادل بيتكم ))
حتى صلاة اليمعه كان يقول لها بصلي في المسيد اللي عندكم
مع ان نحن ساكنين في اماره وهم في اماره ثانيه
يعني الدرب يبغي له ساعه او اكثر لحد ما يوصلهم
وما تتخليون كيف يحب هالاماره الحين
تخيلوا هالشي

حتى مره طاح في المستشفى اسبوع
والله واحلف لكم اني ما اجذب كان ماسك المغذي معاه وطالع من الغرفه يلف غرف الدكاتره والاداره غرفه غرفه يقول ابغي انترنت وماسنجر
لكنهم منعوه واخر شي بزور وقوة بس خلوه يرسل ايميل
نحن ما كنا نعرف انه يبغي يرسل لها ومشتاق لها

تخيلوا لقيتها في الماسنجر كاتبه له روح خذ العصير الفلاني من الكافيتريا اللي عند بيتهم
وهو لما كان في المستشفى تذكر وقال لولد اختي روح الكافيتريا الفلاني هات لي عصير (----)
وهالعصير اسمه على اسمها

حتى ولد اختي استغرب شمعنى يرسله لذيك الاماره وما ياخذ من اي كافيتريا في دبي

انا الحين حالته تعور قلبي اكثر لاني اعرف شو فيه
وكلكم ما قصرتوا وعطيتوني خبرتكم شوي
واللي عندها اكثر تخبرني ويزاها الله كل خير
تسلمون والله لا يحرمكم الجنه ولا من اهلكم وحبايبكم وعيالكم امين

الله يعينج على أخوج...

يارب تقدرين تقنعينه بالزواج وبعدين الله يوفقج يارب باختيار بنت الحلال اللي تقدر تسعده وتعوضه عن السنين اللي عاش فيها من غير زوجة.....

وقولي له:
تزوج ألحين أحسن لك...عشان نفرح فيك ونشوف عيالك....


اطلعي معاه لأي مكان، مطعم...على البحر...حتى لو لفة بالسيارة، اسإلي وقولي له:
قولي بس شو اللي مضايقنك....
لا تخاف ما راح أقول لحد...
والله خاطري أساعدك...

عادي لا تستحي قول لي........

والله يقدرك على إنج تقدرين تختارين له بنت الحلال ويتزوجون يارب...ويعيشون بسلام وأمان....

وانا افضل انج تقعدين معاه وتحاولين تفهمين احاسيسه وتفهمينه باللي انتوا تحسونه

الله يعينكم ويزقه بالزوجه الصالحه امين

شكرا على اهتمامكم خواتي
وبحاول اقعد معاه واشوف شو في خاطره وشو سالفته بالضبط واخفف عنه واقنعه

دعواتكم الطيبه عسى الله لا يحرم كل غالي من غاليه امين