بنات تكفون ابغى وحده حكيمة تحل مشكلتي مع زوجي

حبيبتي همسه رقيقه
اولا اشكرك على اهتمامك حبيبتي والله يكتب لك الاجر ويتقبل دعواتك
كلامك صحيح 100% حبيبتي
لكن.. اليس لي مشاعر واحاسيس ايضا كيف افعل ماذكرتيه وانا ما راح اقدر اسويه بسبب تقصيره في اللامبلاة بمشاعري
صدقيني زوجي ماخذ الامر ببرود وهذا اللي هلكني وهو طبيعته مو حريص على الاطفال واذا سألته في بداية زواجنا ما ودك باطفال قال عادي بس علشانك وابغى شيء يربطني فيك!

انا متأكده لو هو حريص عليهم او على مشاعري كان اجتهد في عمل الاسباب مثل الامور اللي يجتهد فيها ويهلك حياته حتى يحصل عليها وهذه ما يغيظني فيه
بداية حياتنا الزوجيه وهو مشغول بدراسته العليا وبالتجاره يعني مشغول وهو يبذل الغالي والنفيس في الامور اللي يحرص على الحصول عليها
اذا انتهى من ارتباطاته جلس على الكمبيوتر واذا جلست معاه يقول يالله نروح ننام ويطلب مني اني اذهب وهو راح يلحقني و انتظر الى الفجر وهو على الجهاز (وانا محسنه الظن فيه انه ليس على حرام ) ان شاء الله.. ثم يأتي لينام ويشعر ببكائي ويعطيني ظهره وينام علطول!
اليس هذا عدم مبالاة ؟!
اختي انا اللي محتاجته يعوضني عن اللي افتقدته
انا اللي تعبانه تعبانه وربي اني من مدة طويله ما انام الا ساعتين في اليوم من الهموم و التفكير والاستغراب من جفاء طبعه

يا اختي انا اعيش فراغ قاتل حتى الهموم صدتني عن استغلال وقتي بالمفيد، وطبيعتي ما احب الطلعات العائلية الكثيره
واصدقك القول من اسباب كرهي للطلعات ارى نظره الشفقه من بعض الاقارب والبعض خوفهم من عيني لاحسدهم في اولادهم..
صدقيني بعد هجرانه لي الغير معروف السبب أثر على نفسيتي اكثر، لانه لحظت انه بسهوله يستغني عني.. وانه ما فيه شيء يربطني فيه الا كمعزة اخوين و مسؤولية تنظيف البيت و تجهيز الوجبات
يعلم الله اني مو حريصة على العلاقة لاجل شهوة او .. ولكن يا اختي انت امرأة وتشعرين كيف صعب جفاء الرجل لزوجته وبسبب مجهول

ودائما اذكره هذا امر كلنا مشتركين فيه ويخص كلا الطرفين ولا يهتم يقول هذا امر يخصني ومقدره ربي ما غصبتك !
بالله مو رد يقهر! ليه يا اسكتي يا روحي لبيت اهلك علشان ما اظلمك
طيب فيه بذل اسباب!
ونظرة زوجي دائما اني مالي اي دخل في اي شيء يخصه لا تقولين وين رحت وين جيت ومن كلمت ..

ودائما يقول انك ودك تقيديني على كيفك!! ةتتصرفين فيني على كيفك!!

حتى اثناء النقاش دائما انا السبب والغلطانه مع اني اذا غلطت اقول اني غلطانه اما هو مستحيل يعترف

آأأه اتمنى ان لي قلب من حديد واني اطنش كل امر يخصه

دائما ينظر اني ما راح استغني عنه ولا دقيقة و حتى لو فيه ما فيه ماراح اتركه يمكن هذا اللي خلاه يتمادى في ترك حقوقي

الله يشغلني بطاعته وبس

أختي العزيزة.. يمكن زوجي صادق في كل كلمة يقولها فيني واني من مده وانا وراه وراه ماخليته في حاله مثل ما يقول.. والسبب في نظري اني ابسترجع دوري كزوجه او ابجعل لي قيمة في حياته وليس كتحفه في المنزل اعتاد عليها .. وللاسف لم اوفق في الطريقة الصحيحة
لان ليس بيننا شيء يربطنا الا العشره الماضيه

والله ثم والله اني راضية باللي كتبه ربي على واني واثقه ان الخير فيما اختاره الله لي في حياتي وبعد مماتي ولم اقنط من رحمة ربي وعايشة حياتي طبيعي لكن لما حسيت ان العمر يجري وشبابي يفني وحالنا للاسوء كتبت لاخواتي لعل دعوة او استشاره تزيل الغمة

أتمنى منك اختي او اي اخت تعطيني طريقه تساعدني حاليا في كيفية التصرف معه
الان انا في بيتي زعلانه اقوم بالتنظيف واعداد الطعام والسلام عليكم وعليكم السلام

ادعولي بالصبر والفرج والذريه الصالحه
ادعوا لي ان الله لا يجعل زوجي اكبر همي


ادعو لي اخواتي ان الله يرزقني الصبر والرضا و يبعد عني العصبية والشكوك اللي فعلا هلكتني


اختي

احتاج له يسمعني احتاج له يخرجني من اللي انا فيه يصارحني يحسسني اني شريكة حياته
ما احس اي شيء يربط بيننا

انا اعاني يا اختي معاناه ما يعلمها الا ربي
بتقولين اهو كمان يعاني ..
صدقيني طبيعة زوجي ما شاء الله عليه بارد ما يعطي الامور خاصة المتعلقة بحياتنا اهتمام
اذا صار بيننا مشكلة يطلع مع ربعه والا لشغله والا لاهله ويجي للبيت ناسي كل شيء ياكل وينام علطول
ويضحك علي ويقول ارحمك والله مسكينه تهلكين نفسك على امور تافهه و مكبرها شيطانك!

الله يسامحه

أسواء شيء انك تعايريه بشيء ليس بيده هو وانما بيد الكريم المنان ما حلك لو كان بك العيب وعايرك هو ؟
طالما انك وزوجك تحبوا بعض حافظي على هذه النعمة واذا عنده عجز يمكن افضل عشان ما ينظر لغيرك .
ايش رايك تحتضني طفل رضيع يتيم ترى فيه ايتام حلوين حلوين يدخلوا القلب بس تشوفيهم تقولي هذا ولدي او هذه بنتي ..رضيعيهم من قرايبكم وتصير محرم لك ولزوجك وتصيروا اسرة وحدة والبركة تدخل بيتكم وتصيروا من رفقاء الرسول في الجنة باذن الله .
احلى رسالة جوال وصلتني في حياتي من وحدة بعد طول انتظار ومحاولات احتضنت يتيم وما كانت عارفة من فين ترضعه مافي كام شهر الا وترسلي رسالة
ام فلان اخبارك
ابشرك الحمد لله انا حامل

ربنا رزقها خيري الدنيا والاخرة
استهدي بالله و فكري واستخيري

عزيزتي

هل تريدين من زوجك أن يمدح فيك الليل والنهار على تضحياتك

صدقيني محد جبرك إنك تعيشين معاه

وبعدين ياما ناس عاشوا من غير أطفال

بدل من العصبية .. وأنا مقدرة ضروفك

داومي على الإستغفار

وخلى زوجك ياخذ عسل سدر اصلي

واتمنى أشوفك رايقه

كلام الاخت همسة رقيقة صحيح 100%
ولو كنت بقول شي ما اعتقد اني بزيد عليها
فعلا انتو تحبون بعض ويقولك انه يحبك واعتقد هذا الاساس
تخيلي نفسك وانت عندك عيال بس زوجك ما يحس فيكي وما يحبك وانك شي عادي في حياته ...... أعتقد انه صعب جدا على الوحدة تعاشر واحد تحس بعدم حبه لها
وانت الحمد لله زوجك يحبك . والرجال طبيعتهم كذا ما يتكلمون وكتومين بدون سبب
فما بالك بزوجك وهو مسكين هذا وضعه؟؟؟؟؟
حرام تعيرينه والله لو كان العيب والعقم فيك ابصم لك بالعشرة ولا بيعيرك ولا بيتركك ولا بيتزوج ثانية .تدرين ليش؟؟؟؟؟؟؟؟؟؟ لانه يحبك ....... شو الافضل زوج محب بدون أطفال .... ولا زوج نكدي وأطفال
الزوج هو الاصل والاهم ..وعلك بالصبر وأخذي كلام خويتك همسة رقيقة الله يجزيها عنا كل خير كفت ووفت .. وحفظيه زيين ولا بعد أحسن لو تراجعينه كل يوم مرتين مرة الصبح ومرة باليل
والدنيا مليانة مشاكل فلا تجعلي بيتك مشكلة أكبر وتقولي زوجي هربان طبعا عنده اللي برع وما يدرون أهون(((((((((( ترى ما أباك تزعلي قلبي عورني على زوجك )))))))))))))))
خلي بيتك جنه ونسي العيال أدري انه صعب بس ما أعتقد انك تسخطين على قضاء الله وقدره والزمي الاستغفار والدعاء لزوجك في ظهرالغيب وتحري أوقات الاستجابة .
ولا تجبري زوجك على المعاشرة ولاتفتحين موضوع العيال معاه بل العكس اسكتي وأحس لو تقولينله
انه هو بحياتها أهم من العيال وهو الاساس وما تدرين وين الخير والله سبحانة قادر على كل شي

وزوجك قبل مرحلة العلاج لازم يح بالامان وهذا دورك خلي بيتك جنة
البخور والعود والعطور والنظافة والهدوء ( فرصة مدام مافي عيال..........ترى أمزح موتزعلين)
وتجملي والبسي وبدن ما تتكلمين وياه في أي شي وابتسميله ولا تنشغلين عنه باي شي اذا هو عندك ولا تحاولين تقهرينه وتغايضينه لالالالالالالالالالا ديري بالك الرجال ما يجون بالعناد
وادعي الله يسخرلك زوجك وهالله هالله فيه وهو ترى أمانه عندك حافظي عليها

واشغلو وقتكم بالسفر والطلعات الفنتك للمطاعم السينما المراكز الشاليهات المكتبات أو الدراسة اتعلمي السباحة اخذي دورات متنوعة وتعلمي اشغال يدوية ولغات

أكيد عندك هواية أو طموح ما قدرتي تسوينه وانت بيت اهلك والحين هذه فرصتك الذهبية أكيد الله سبحانه رايد لكم الخير أكيد والله ليس بظلام للعبيد أختي وسعي مداركك واشغلي نفسك بشي تقدرين عليه مو العيال (العيال مو كل شي في الدنيا ) والعيال مو بيدك ولابيد زوجك لانه رافض العلاج ومنحقه ليييين يحس بالامان وسوي الشي اللي بيدك تسوينه مو تحصرين تفكيرك في شي ما تقدرين تسويينه هذا
سبب قهرك وليس زوجك
حاولي انك تفكرين بطريقة ثانية

يعني أنا مثلا عندي عيال -كنت موظفة -عندي هوايات الاعمال اليدوية - الرسم - الخط - احب الزيارات
- احب الهدوء والرومانسية - احب السفر - هل تعتقدين اني قادرة استمتع بهذه الاشياء ابدا
ليش لاني كرست حياتي لبيتي وعيالي واسقلت من الشغل علشان اتابع تربيتهم بنفسي وبدون خدامة
وعالي شوفيني صحيح مالين حياتي بس ما اكذب عليك ما عندي وقت لنفسي
والحين فكري عدل وركزي أكثر وانظري للنصف الممتلئ ممن الكوب وليس النصف الفارغ

مدام مافي عيال أكيد في شي ثاني وهذا انت بتكتشفينه لو جلست مع نفسك وركزتي شوي...

الله يفرج همك