كيف تملكين نفسك !! فلا تضربين ولدك ؟؟

اختي بدر السماء اولا كان الله في عونك على هذه المشكله واذا كان ولدك لما تحذريه من شئ خطر انه يقوم بهذا الشئ فحاولي انك ما تنبهيه للاشياء الخطيره عشان ما يسويها وطبعا لابد في هذه الحاله من المراقبه خليك دائما معاه ما يغيب عن عينيك والله يكون في عونك

كويتيه كووووووووول العفو حبيبتي وامين الله يعينا ويعينهم


أم عبدالمجيد الله يعافيك حبيبتي

ام هوازن العفو اختي ومشكووووره على مشاركتك في الموضوع:26: :26:

اجوديه>> الله يجعل مثلك ملايين..
الله لاينزع الرحمة من قلوبنا..

بنات فعلا مشكورين كثير على هالموضوع احس فعلا محتاجة له لاني عصيبة حيل وعلى كل غلطة اضرب اولادي وبعدين اندم وبعض الاوقات ضربي لهم يكون خشن بس والله من دون قصد عندي ثلاث اطفال صغار اكبر وحده عمرها4سنوات واصغرهم شهرين ونص احسهم توائم ومطلعين عيني الله يهديهم ويصلح حالهم وحاولت كثير اوقف هذي العادة بس ما اقدر اوقف يوم او يومين وارجع لها بس لما قريت موضوعكم نزلت دمعتي ما قدرت امسك حالي مع اني في الدوام وخلاص من اليوم قررت اوقف هالعادة الله ايساعدني بس عندي اقتراح عشان انساعد بعض وعطوني رايكم فيه بعد كل نهاية يوم كل وحدة ماتضرب عيالها في هذا اليوم تدخل وتكتب انها ما ضربت عيالها في هاليوم وبعد كذا انجمع عدد الايام وانشوف منو اتفوز منها انساعد بعض ونتنافس على الاقل شي ايشجعنا وثاني شي انوقف هالعادة على الاقل كل وحدة لما تدخل واتشوف عدد الامهات اللي وقفوا هالعادة تتشجع اتفقنا

اختي ام نورة يعطيك العافية على هذا الموضوع الراائع ..

بس من جد تأثرت بـ : - ضعي نفسك مكان طفلك ، واستحضري ضعفه وعجزه عن الدفاع عن نفسه .
يا الله بغيت اصييييح خصوصا ان ولدي عمره شهرين ونص ومع ذلك احمق منه اذا صاح وما سكت وودي اطقه ..