أكيد كل وحدة منا لها مواقف مع زوجها محرجة
وبالذات في بداية المشوار لأنكم ما تعرفون بعض
فبقول لكم عن بعض المواقف إللي صادفتي
ذكريات حلوة بس على الخفيف والخفيف جدأً محرجة نوعاً ما :35:
مرة كنت طالعة مع زوجي فقبل لا نطلع من الشقة خذ كل واحد منا قطعة شوكلاتة وكلها وبما إنا ساكنين في الدور 21 يعني الدرب مطول وجايز أحد يشوف زوجي ويسلم عليه وهو في يده قرطاس الحلاوة وينحرج فخذ القرطاس وخشه في مخباه وخذ الحلاوة إللي في يدي عشان يوم نوصل تحت نرميه في الزباله
صادف نفس الموقف مرة ثانية بس كنا سايرين عزيمة وبو الشباب متسنع وكاشخ بالثوب
:arb: بس هذي المرة أنا إللي ماخذه الحلاوة وهو لا ، فيوم خلصت خليتها في مخباه بكل براءة وهدوء… على حد كلامه مب حلوة وأحد يشوفنا وفي يدنا شي مثل غرشة بيبسي أو قرطاس حلاوة
فقام يتطالعني ويقول وايد ماخذه راحتج ... قلت عيب أرمي قرطاس الحلاوة في الأصانصير ... فقال... وقلتي أخلي في مخبى الزبالة إللي عدالي
:angry2: ....
شاركي في النقاش
سجلي الدخول لإضافة تعليق.
التعليقات
47
أنا وحدة ما أعرف أطبخ... وفي يوم ممطر زارنا أخو بو الشباب لأول مره ونحن بالشقة والخدمة أمي ماخذتنها عشان تشرا لأنها بتسافر
فقلت له بما إن الحين شتى والجو بارد بسوي لكم كابتشينو مع العلم إني ما أحب الكابتشينو ولا أعرف طعمة .... قال أوكي
سويت الكابتشينو وطلعت هذاك الزعفران الطيب بعد عناء لأني ما أعرف مكانه ... وحطيته في الكابتشينو .... وعفست المطبخ مره ثانية وطلعت الهيل إللي يعدل المزاج وحطيته .... والفقير كل شوي يجيني جهز أقوله اصبر أبغي أسوي لكم كابتشينو معتبر مب أي كلام....
وناديته وقلت له تعال ذوق وقولي شو ناقصنه .... وأنا عيوني تتناقز منها نظرات الفخر وأنتظر المديح
:angry2:دلوعة & حبوبة أنا وحدة ما أعرف أطبخ... وفي يوم ممطر زارنا أخو بو الشباب لأول مره ونحن بالشقة والخدمة أمي ماخذتنها عشان تشرا لأنها بتسافر فقلت له بما إن الحين شتى والجو بارد بسوي لكم كابتشينو مع العلم إني ما أحب الكابتشينو ولا أعرف طعمة .... قال أوكي سوي…
أنا زوجي كان من النوع إللي يسرع في السواقة وأنا جبانة
فقلت له والله ما أركب معاك لين تعدل سواقتك وتسوق شوي شوي
إذا إنت بايعني فأهلي شاريني
المهم هو أصلاً كان على أبواب الامتحانات .... المهم خلص امتحاناته وقالي قومي خلينا نغير جو
وأنا ميته علشان أطلع معاه لكني أتغلى وأقول له ما أبغي أنا حالفه ما أركب لين تسوق شوي شوي ....
قال أوكي وأنا عدلت سواقتي وسويت بحلفتج
وبما إن في خاطري أطلع وياه لأن طول الفترة إللي طافت وأنا أطلع مع صديقتي فتجهزت وكشخت
:3_2_21v: وطلعت
وأنا إللي عمري مالبست كعب مب من طوي طبعاً ... بس القدم عندي فلات فوت لبست كعب طوله 15 سانتي تفصيل لأن أضن مافي كعب بهذا الإرتفاع في السوق.
المهم وأنا نازله معاه من الشقة أيام ما كنا ساكنين في الشقة عشان نستانس
وبما إن الدنيا ليل فالظلمة ماتخليني أشوف عدل جان أتخرطف بحصايه وطحت على وجهي
يعني يوم مب قد الكعب ليش رازة بوجهي و لابسه ما أدري :confused: ؟؟!!
وعوروني أصابع رجولي بشكل محد يتصوره
فقال لي تعورتي قلت لا عادي وأنا مييييييييييييييييته :08:
قال أوكي أي مطعم تبغين طبعاً اخترت مطعمي المفضل ووداني وركبت الدرج لأن الكباين في الطابق الثاني
وقمت أركب الدرج وأنا هلكااااااااااااانه وابتسم ( يعني أوني قويه ) :06:
وقالي شو رايج نتمشى على الكورنيش شوي قلت يالله نسير شو ورانا
وسرت وتممشيت وأنا ذابحني الألم بس أخاف أقوله فيرجعني البيت :06:
وسرت عقبها السينما وقمت أمشي وأنا خلاص روحي بتطلع بس مب هاين علي ارجع البيت
وحاطين فيلم كومدي والناس تضحك وأنا ساكته من الألم .... يقولي ليش ما تبتسمين إذا ما بتضحكين الناس منفجره ضحك وانت ساكته لا يكون ما عاجبنج الفيلم... قلت لا عادي بس ما في شي يضحكني شخصياً ما يدري إني منفجره ألم :06:
ورجعنا البيت وقمت أتقلب على الفراش وكأن وحده فيها الطلق
طبعاً كل هذا وأنا ساكته:D
ويوم أصبحنا الصبح قلت له ودني المستشفى :11retcher حاسه بألم خفيف في رجولي
وداني المسكين و يوم وصلت المستشفى جاب لي الممرض الكرسي المتحرك لأنه شافني أعري لأن وما في مجال للتمثيل أكثر
كابرت وقلت دام الله عاطني الصحة والله ما أجلس على كرسيكم
شافني الدكتور وشرحت له الوضع .... فسوالي أشعة وقال عندج شرخ في أصابع القدم ولازم جبس :11retcher
وطلعنا فسألني زوجي سؤال انحرجت كثير
قال أنا ماخذ حرمة والا طرزان ... رجولج من أمس فيها شرخ وانتي تكابرين .... كل هذا علشان الطلعة :angry2:؟؟؟
صج انحرجت
وأنتوا شو مواقف صادفتكم مع أزواجكم وما بتنسونها؟؟؟- ههههههههههههههههه ضحكتيني والله يهنيج يارب مو قفج مع الجوتي ذكرني اول ماعرست رايحه دبي انا وزوجي وخبرج عروس قالولي البسي جوتي رياضه قلت لا فشله شبيقول عنيي وكابرت ولابسه جواتي ونعل العاديه وبعضها جلدها قاسي جديد لاكن كل يوم استحمل الالم وماشالله عليه هو مشي ماتعب لاكن انا والله اموت وكل مشترواتي نعل اشتري وحده وثاني يوم احس انه ضيقه وارجع اشتري ثانيه مارجعنا الا والله رجولي تقولين رجول عامل مو بعروس كلها جروح ...............
عذبه الصوت ههههههههههههههههه ضحكتيني والله يهنيج يارب مو قفج مع الجوتي ذكرني اول ماعرست رايحه دبي انا وزوجي وخبرج عروس قالولي البسي جوتي رياضه قلت لا فشله شبيقول عنيي وكابرت ولابسه جواتي ونعل العاديه وبعضها جلدها قاسي جديد لاكن كل يوم استحمل الالم وم…
ههههههههههه صج ضحكتيني وأنا أتخيل كيف العروس رجلها نفس رجول العامل :42:
ذكرتيني
مرة كنت سايرة السعودية فسرت المدينة عشان أصلي في المسجد النبوي الشريف وأنا طالعة عزج الله ضاع نعالي فقلت مايجوز آخذ نعال أحد ثاني وأخليه في موقفي طبعاً .... و كنت سايره في شهر أغسطس يعني عز الحر
فقلت بمشي حافية على الرخام وماعندي خلفية كيف الرخام في أغسطس والظهر يكون
فمشيت شوي كان الوضع أوكي عشا الظل بس بعدين انتهى ظل مبنى المسجد وشدت الحرارة فقمت اركض تحرقني رجولي أقعد على الأرض وأحترق من الجلسه فأركض وعلى هذا الحال لين شفت زوجي
قمت ولزقت ركضت ووقفت على نعاله...
قال شو فيج صايرة تركضين وتجلسين ... قلت له ما أعرف وين نعالي وانا حافيه قال نزلي من على رجولي فضحتينا الناس تتطالع .... قلت خل يتطالعون ولا رجولي تحترق أكثر
وفصخ نعاله المسكين وعطاني ومشى هو حافي لين وصلنا الفندق وأول ما وصلنا إلا جلد رجولي ذاااااااااااااايب والجلد منفصل عن اللحم تخيلي.... موقف ولا في الأحلام- ههههههههههههههههههههههههههههههههههه حلوه طرررازن وموقف الكابتشينوو
والله انا عندي موواقف وايد بس مادري ليش انساااه صايره:(
انا الحين بطلع وان شاء الله ان تذكرت مواقف بقولها لج حبيبتى :)
مواضيع مشابهة
تابعي تجارب أخرى من هذا القسم.