ثاني يوم زواجي (( يعيني عليا يوم الصبحية)) :icon28: قمت على صلاة الظهر وأدور أبو الشباب ولا ماهو بالفندق يولي وين راح نسيت أنه اليوم جمعه إلا لمن سمعت الصلاة ( طبعا أحنا كنا ساكنين بالفنادق القريبه من الحرم )
وبعد ما جا من الصلاة طبعا أنا كاشخة ولابسة ومايمدين قعدنا شوي ولا الباب يندق بسم الله من يجينا هذا الوقت راح وفتح الباب ومن يطلع إثنين من أولاد أخواته ....... ( للمعلوميه إحنا عائلة مترابطة جدا وساكنين في بيوت بجنب بعضها يعني تحسي أننا متربين مع بعض بالذات أولاد أخواته وأخوانه إللي هم في سني كنا متربين سوا أكلنا واحد مشربنا واحد حتى العابنا وحده ولنا مع بعض ذكريات لاتنسى حتى بعد ما كبرنا وطبعا البنات صارو يتغطو عن الأولاد مازالت الأخوة بيننا من غير أي حساسيات والحمدلله لأننا تربينا على أننا أخوان وما في فرق بيننا ) الحاصل الشباب كانو كلهم متحلفيني بالمقالب وكان هذا أولها
يندق الباب ...مين أفتح أنا فلان ومعي فلان... يافلانه أدخلي جوا العيال جايين... وأدخل ياحرام الغرفة وأجلس أنتظر... طبعا إحنا كنا جيعانين على الآخر هو ماتعشى من الخريعه وأنا لي يومين ما أكلت شيء بس عصيرات.... طبعا الشباب جو ومعاهم غداء .... وأنا في الغرفة جالسة أشم الريحة لكن ما جاني شيء والعصافير في البطن ترقص وتهز..... الحين يدخلون لي أكل لا شوي لا أكيد الحين وما عندك أحد تخيلو جلست بالغرفة ساعتين وأنا ما شفت شيء .... وبعد وقت أسمع زوجي يقولهم مع السلامة الله لا يحيكم يا.......
يوم طلعت من الغرفة قال الحمير جايبن معهم فروج وعلبتين رز وببسي ( من الطازج)طبعا الكمية يادوب تكفيهم هم وجلسو وأكلو حتى ما قالولي تفضل لا وكمان طالبين من الفندق قهوة على حساب الغرفة ... وزيادة راحو وتركو قراطيسهم وراهم .... ونا والحبيب يعيني بنموت من الجوع......
تعبت أرجع لكم مرة ثانيه أنا مقالبي عاد لقيت موضوع يصلحلي لحسن أختكم معجم من المقالب والمواقف شيء يضحك وشيء يودي في داهية ...:42:
= مواقف في حياتي لم و لن أنساها =
متابعة النقاش، صفحة 6