موضوع مختار : مذكرة التغذية الواعية لنزول صحي..support group

وياك يارب

يعني تحبين التطريز؟؟

حمستيني
انا من صغري احب الشغلات اليدوية والفنية احب اشتغل بيدي
شكلي بروح ادور الاشكال واللي تطرزينه بس ماعرف...اذا حسيته سهل باخذ..واذا مو سهل بدور شيء فني اشغل يدي فيه........ياريت اعرف اخيط في موديلات براسي تجنن وكل ماروح الخياط مايعرف يطلع اللي بخاطري....بحاول ادور دورة خياطة..مرورك اسعدني وافادني جدااااااا
ربي يعطيك اللي ابالك
ويوفقك ويسهل امورك ويسخرها لك

هههههه تبين تذبحيني
أصلا جامعتي بعيده
و فيها سكن
يعني بقعد فيها 5 أيام في الإسبوع
كيف ما تبيني آكل ؟ :( :icon33:
شكلي بآخذ معاي شنطه فيها أكل من البيت
بدال أكل الجامعه الدسم:09:

و مشكوره على ردك الحلو والمشجع
و إن شاء نصير أحلى من عارضات الأزياء:icon28:

لا شكر على واجب ..انت اختنا الصغيرة ..ولازم نفتح عيونك عدل اي علشان ما تتعبين مثل ما تعبنا ولا تحسين باي احساس بالدونية والا بالنقص...ابي تشدين حيلك وتعدلين تغذيتك
الللللللله سكن جامعي؟؟ حلو والله ....احس تغير عن البيت
وشوية استقلالية
اكيد في حل .....حتى لو تودين اكلات معاك طبعا الشوربات النودلز يعني ماعرف انت شو تحبين ..بس لا تعتمدين كله على الفاست فود
وحتى الفاست فود مرات مش هو اللي يمتن.......طريقة اكلنا هي اللي تمرض
الهضم الممتاز والاكل البطيء الواعي...(عشرين دقيقة) تحسين نفسك شبعانه واكلتي عدل وعينك امتلت خلاص...احنا مو بطنا اللي يمتلي ...عينا ومخنا واحساسنا ..قعدي لعبي بالصحن ناظري وتفحصيه قد ماتقدرين صدقيني كل مرة اكلك بيقلك
في رجيم كنت اسويه .....تعرفين شو عشاي؟؟؟ هابي ميل.......:) اي ومرات قطعة بيتزا ومرات سندويش فلافل ..يعني مشكل بس بكمية معقولة ..مش مثل قبل ناكل الخضر واليابس :42:
في ناس كثير تاكل من برا بس بالمعقول

ان شاء الله ينولك اللي في بالك وفي بالنا
يااااااااااااارب ونفرح بتخرجك وانجازك الكبير

السلام عليكم ورحمة الله وبركاته

اخواتي الغاليات اتمنى انكم بالف خير واشكركم على المقالات الرائعه في عالم الصحه

نونو22 سعيده بتواجدك معانا ودائم اتذكرك وانا كلي امل اننا نصل للهدف خليك على تواصل
وكم ناويه تنزلين من وزنك ؟؟ وهل لازلتي تتمرني على الأوربتريك ؟؟

بالنسبه لي رغم اني مش ملتزمه برجيم معين محيوسه مررررره بس قلت شئ احسن من لاشئ
فسرت اشارك احيانا بموضوع العضوه (احداهن) واتدرب 20 دقيقه وزني خايفه يصك 80 ومنى عيني
اصل 70 مبدئيا ثم 65 انتظر اخبارك

لوليتا اشكرك على دعواتك ودعمك اللا محدود واسال الله ان يفرج همك ويحقق اهدافك
عاجل غير اجل انتي وجميع اخواتي بالموضوع

والحين استأذن عندي شويه شغل في امان الله ولي عوده للمتابعه وتقويه الأراده النائمه :(

صلوا على النبي (صلى الله عليه وسلم)

ان شاء الله..بتوصلين للحين معانا وقت حلو
انا اول ما اخلص الدودو...بحاول اتحرك غصب طيب...معاندة نفسي...وببدأ على قولة الدكتور ب15 دقيقة وبعدها ازيد ..واحس اني بديت اتحرك اكثر كل مافكر اطلب شي اقوم بنفسي
والله يابنات حبيتكم

ودعمكم هو اللي مساعدني ومساعد كل البنات ومشجعهم


ربي يوفقكم

احبكم في الله