وصفة مختارة: الهريس الكويتي ... من اطباقنا الرمضانيه






الهريس من الاطباق الكويتيه المشهوره عندنا وخاصتا في رمضان

وطريقته جدا سهله ... بس انه يطول اشوي بالطبخ

انا سويت كميه صغيره حتى اجرب طبخي فيه والحمدالله طلع روعه

وهريس المطاحن الكويتيه من اطيبها

قبل كنت اشتري الهريس الاماراتي لكن طلع الكويتي اطيب واسرع بالطبخ :)

نشوف المقادير :

نص كيلو لحم منظف من الشحم ومغسول جيدا

3 كاس حب الهريس يكون مغسول ومنقوع على الاقل ساعتين

وماء ... الماء يكون تقريبا 4 لتر او اكثر

وملح

الطريقه :

نحط الماء واللحم حتى يطبخ




وبعدها نضيف الهريس ... والملح ... ونخليه يطبخ على نار متوسطه لما تستوي حبة الهريس وتقريبا ياخذ ساعتين او اكثر وطبعا مع التحريك بين الوقت والاخر

وبعدها راح نشوفه صار مثل الشوربه اهني يجي دور الخلاط

ممكن تحطينه بخلاط العصير ... وممكن تحطينه في عجانة كينوووود .... وممكن تضربينه بالمضرابه الخاصه بالهريس حتى يتم دمج اللحم مع حبات الهريس.... او تضربينه بالمضرب اليدوي الكهربائي



وبعدها تخليه على النار مع التقليب المستمر حتى يثخن وتذوب الحبه تماما

وبعدها يسكب في الاواني ويدهن بالسمن ويرش بالدارسين (القرفه) والسكر البودر ويقدم










وبالعافيه على قلوبكم

153 تعليق 44,749 مشاهدة

شاركي في النقاش

سجلي الدخول لإضافة تعليق.

التعليقات

150
  1. @am_aazyzan

    صاحبة الموضوع
    وعلى فكره يا بنات

    ترى هذا المضرب روووووعه للهريس او الجريش

    انا كنت ماخذه منه قبل سنتين واخترب علي

    وتوني من يومين اخذته من مولينيكس







    :42:
  2. @ghost_r

    صبحتسسسسسس الله بالنوووووووووور
    تسلم يمينتسس ياليتس عندي كان لحست لتس القدرررررررر ماهووو الصحن بسسس
    الله يجزاتس الجنه ياام عزيزااان

تابعي تجارب أخرى من هذا القسم.