بنات راح اعمل عملية بعد العيد ان شاء الله ( لازم انحف 20 كيلو ان شاء الله ) - ساعدوني

CryinG_Blue_EyEs · 2007-09-06T04:40:31+03:00

السلام عليكم ورحمة الله وبركاتة بنات انا كنت عند الدكتور من كم يوم عشان راح اسوي عملية بأذن الله بس انصدمت يوم قالي الدكتور لازم يكون وزنك اقل من 100 كيلو :( عن جد جاني احباط و صرت ماشية ابكي ولا اتكلم مع احد انا وزني الان 117 كيلو :( يعني عايزة انحف 20 كيلو ان شاء الله و هوا اعطاني فرصة للعيد بأذن الله بليييز بنات ارجوكم انا عايزة انحف عن جد ياريت تقولولي انظمة اقدر انحف عليها احنا بدأنا الخميس و انا عايزة ابدأ الجمعة او السبت ان شاء الله فياريت تقولولي انظمة تنحفني و كمان اذا حد راح يخاويني عشان نتحدي بعض ارجو من المشرفة عدم اغلاق الموضوع لاني في امس الحاجة لنزول هالوزن عشان العملية انتظركم

سالفتي غير@salfty_ghyr

6 سبتمبر 2007

عزيزتي أنا ابغى أنصحك نصيحه لوجه الله

شوفي ياقلبي مافي شي يجي بسنوات يروح يأيام طيب

انا احب افهمك شي ..

العمليه هادي رح تسويها فائدتها : انك تشعري بالشبع بسرعه !! وإذا كنتي ممن تعاني من الاكل حتى وانتي شبعانه فممكن لاقدر الله تنفرط العمليه

أضرار العمليه كتيره بالرغم من نجاحها / اولا مافي شي زي الطبيعي ابدا .. ربنا خلق جسمنا كدا وربط المعده شي دخيل على الجسم صح ؟؟

انا انصحك انك تعطي نفسك مجرد وقت + صبر وأحتسبي أجر ذلك عند الله ..

اخلصي النيه لله وحطي فبالك انك رح تنحفي بإذن الله علشان تقدري تؤدي عبادتك بشكل ممتاز وبلا تعب ثم ان جسدك امانه في عنقك ويجب عليك الحفاظ عليه ... وغير كدا الرسول صلى الله عليه وسلم نصحنا بأن لا نأكل إلا إذا جعنا وإذا أكلنا لا نشبع أنفسنا ونتخم نفسنا وكمان وصانا بإننا نخلي تلت بطننا ماء وتلته هواء وتلته أكل ... انا حبيت أذكرك بها الأشياء وانا يقينه بإنك عارفتها ..

شوفي حبيبتي انا حاسه فيك وعارفه انك لمن تشوفي جسمك تقولي مستحيل انحف وتقولي مو معقول انحف من 117 إلى وزن طبيعي وأنزل ممكن أكتر من 50 كيلو ..

انا اقولك ياقلبي ممكن وربنا قادر على كــل شيء فقط خلي عندك إراده + صبر وقبل كدا نيتك الصادقه
وطبعا الشكل الرشيق حلو والله جميل يحب الجمال

عزيزتي : العمليه لو سويتيها لازم بعدها ريجيمات الين تنحفي لانك لاتتوقعي تخرجي من العمليه تلاقي نفسك مانيكان ( والله ماأتريق ) بس أبا اوصلك المعلومه

حبيبتي طالما هيا كدا او كدا فيها ريجيم فإنتي ابدئيها بريجيم من اولها وشوفي نصيحتي وأقطعي الشك باليقين

أول حاجه لازم تتأكدي انك تحتاجي (وقت) يعني 9 شهور وممكن اكتر <<< معليش حبيبتي لازم تستحملي

اوكي دحين روحي لأخصائية تغذيه وتابعي معاها رح تعطيكي نظام مناسب لسنك وحركتك وكل شي ..
وانا ابصملك لو ألتزمتي رح تنحفي يعني رح تنحفي ..

رح تجيكي فتره رح يثبت وزنك فيها .. وممكن يصير الشي دا بشكل متكرر يعني كل ماتنزلي 5-6 كيلو يثبت ونك فتره وممكن لا ممكن تزلي 20 كيلو ويثبت وزنك فتره ممكن توصل شهرين تلاته وهادا شي طبيعي حتى لو سويتي العمليه رح يثبت وزنك فتره .. لكن لو استمريتي بالريجيم رح ينزل وزنك بطريقه مذهله
ورح تنبسطي بالنتايج ..

ولازم تعرفي ان الريجيم مو مجرد فتره وخلاص ؟؟ لا ياقلبي لو تبغي تنحفي وتعيشي عمرك نحيفه أتأكدي إنو هادا نظام حيــــــــــــــــاة تغيير عادات خاطئه وممارسة العادات السليمه اللي تحافظ على جسمك

حبيبتي اتمنى ن كل قلبي انك تقتنعي بإنك ماتسوي العمليه .. ويارب يسهل عليكي يارب وطمنيني عنك

وأدعيلي ربنا يفرج همي ويبعد عني كل مين يريد بي شرا ويجعل شره في نفسه وأهله وينولني االلي ببالي ويسكني الجنه

بنات راح اعمل عملية بعد العيد ان شاء الله ( لازم انحف 20 كيلو ان شاء الله ) - ساعدوني

التعليقات

بنات هلموا شوي بكلمه راس

بنات محتاره للكرش بين (اوربت راك) ولا ( اب سيركل ) حطيت الصور

بنات ابغى انحف ضروري بأي طريقة حتى لو مضرة وربي راح ادعيلها اللي تساعدني طفشت/ قديم

بنات ابيكم بكلمة راس

بنات جدة مين راحت عند دكتور باسم شوقي في أبراج البدرية ؟!