انا بيتي بيخترب ساعدوني

:icon33::(السلام عليكم ورحمة الله وبركاته

ورمضان مبارك عليكم يارب اه ياخواتي اه ياخواتي انا تعبانه


انا بيتي بيخترب ساعدوني الله يوفقني مالي بعد الله غيركم ماعندي اخت كبيرة استشيرها انتو خواتي

طبعا مابدأ يأسي الا بعد زواجي ولي 4سنين وساكنة عند اهل زوجي مالي الا غرفتين في بيتهم وحمام الله يعزكم ولي ولد وحامل للأسف ومن حملت وانا بمأساة مع الوحم وحم شديد اطرش حتى الماي مايقعد في بطني وزوجي ابد مو متفهم حملي انا ماأعيش الأ على المغذيات وابد ماكان معي في حملي الأول اهلي هم الي يودوني المستشفى وهم الي يصرفون علي لأن مالنا مستشفى تصدقون وحمي الي التاسع وحالتي النفسية زفت لا زوج متفهم ولا فوق ذا كلة نفسة خايسة ومعقد وابوة حاط دوبة ودوبنا معروف عن ابوة مايحب احد


المشكلة
ماعندنا شغاله في رمضان راحت ولنا يمكن 9شهور بدون خدامة كل ذا مع تقاعد ابوة ابوة انسان عصبي الله يستر علية وفاضي وحاط دوبة ودوبنا وهو الي مقسم الشغل بيني وبين خالتي لان البيت كبير ومشبنا علية طبعا امرته ابد ماعندها شخصية عندة الله يستر عليها هو الآمر الناهي ومافية الا انا وهي وش اقولكم نتعب تعب ولا هو راضي ايجيب خدامة موت صدق تعب وانا حامل لي 5ونص واتعرفون النفسية زفت والزوج زفت وكرف وفوق ذا لاحمد ولاشكر جافين وفوق ذا طلعوافيني عيوب الدنيا وان الغلط راكبني من راسي لساسي انا واني مقصرة في البيت وانا اصلا قلت لخالتي انا مااقدر على الشغل ذا كلة وتفهمت هي الوضع مبدئي لكن ماخلاها زوجها تدخل بيني وبينها وقعد يحرشها علي لين جات وقامت اتهددني والله لعلم ولدي عشان يأدبك وسكت منها لكن مافي فايدة اقعدت اتقط علي الكلام الخايس وانا اقولها اللهم اني صايمة ماراح ارد عليك لأان كلامها خايس جدا وانا قاعدة اسوي الفطور بعدين ماقدرت رديت عليها وقلت لها اتهدديني بولدك روحي هذا هو عندك قوليله الي عندك ولا تنسين عندك بنت وبكرة بتزوج وراح يصير فيها الي تسوينه فيني خافي الله وقعدت تستهزء بي وسكت وراحت قالت لولدها وصارت مشاكل ورحت لأهلي والى الحين لي اسبوع ماجاني وكل يوم يرسل لي رساله انتي انتي قايله لامي كذا وكذا وكلة كذب من تأليفها وخربت ازيادة وش اسوي ولا ابد جا وخذا كلامي ابد مصدق امه ومكذبني


ردوا علي بسرعه وش اسوي

150 تعليق 11,348 مشاهدة

شاركي في النقاش

سجلي الدخول لإضافة تعليق.

التعليقات

150
  1. @dyoomh_1

    شوفي اختي انا من رايي تفهمين زوجك اهم شي انك بريئه من التهم اللي ام زوجك اتهمتك فيها بس بشرررررط انك تقولينها لزوجك بشرط ما تغلطين على امه ابدااا ترى والله الرجال اهم ماعليهم امهاتهم حتى لو انك ماغلطتي
    انتي وضحي له بااسلوب بسيط ومن غيررررر عصبيه وثاني شي ممكن تقولين له والله انا تشوفني تعبانه من الحمل ولا اقدر على شغل بيت اهلك وانا تشوفني قاعده احاول باقصى جهد لي وضاغطه على نفسي بس خالتي الله يهديها مااعجبها شغلي ومساعدتي ولو على كذا بس كان تحملت لكنها بصراحه تقول تقولي كلام يهينني صراحه ماارضاها على نفسي
    الله يكون بعووووووونك ويسخر لك زوجك وامه وابوه
  2. صاحبة الموضوع
    مشكورة راجية كرم ربها والله يرزقك الخير وين مارحتي

    ديوومة اختي انا قلت له وبررت قال لا امي ماتكذب وانتي كذا وكذا كسر من عزايمي والله ان حملي زفت ذا الله يستر على الجنين وفوق ذا كلة يبي يقهرني مايجلس عندي عند امه تحت ولا معطيني وجهة ابد انا اقولة لابد مادام حنا في بيت واحد لابد اتصير مشاكل وهو مسوي نفسة فاهم اية ادري طبعا قبل لاتصير المشاكل ذي لانة مستبعد ان تصير مشاكل بيني وبينها وهو دايما ذ\ا وقت ازماتي ماألقاه ابد واذا تفهم ذاك اليوم اوة يكون بذل جهد
  3. @emanampeman

    شوفي حبيبتي
    كلمي زوجك وخليه يجيك وتتفهمون
    مو في بيت اهلك..اطلعو برا ..في مطعم , في حديقة, حتى لو في بر
    واجلسو وتفاهمو مع بعض
    وخلي اسلوبك معه لين وهادي وبيني له انك تحبيتنه ولا تبين تخسرينه
    واذا تكلم او عصب او قط عليك كلام ماله داعي..اسكتي وخليه يخلص كل الي عنده
    وبعدين حاولو تتناقشون في كل شي , المصارحة ,وش يعجبكم في بعض وش الي ما يعجبكم
    حولي قد ما تقدرين تهادينه مثل الطفل..وشوي شوي ان شاء الله يهديه ربي لك

    حبيبتي..بعض الرجال يحبون الحرمه الصريحة والي ما تخبي شي عنه
    وضحي له حالتك بالحمل والتعب الي يصير لك وانه المفروض يوقف معك لنه افضل دعم يهون عليك تعب الحمل
    و وضحي له علاقتك مع اهلك .. بس لا تجرحين فيهم قدامه..قولي عنهم كل زين حتى لو ما فيهم زين..الرجال يحب الحرمة الي تمدح وتحب اهله (وعشان لو قالو فيك شي قدامه ما يصدقهم لنك ما قد قلتي فيهم شي عنده)

    الله يسخر لك ما تملكين وما لا تملكين
    اللهم اوقع في قلب زوج اخيتي حبها والرحمه بها وارضائها والبحث عن سعادتها
  4. لاحول ولا قوه الا بلله ليش جذي هالحريم مايخاافون ربهم بهالبنااات
    يارب الله يفرجهاا عليك ياقلبي ولاتضاايقين الله يخليك :(

تابعي تجارب أخرى من هذا القسم.