السكن المستقل أم السكن مع أهل الزوج!

السلام عليكم ورحمة الله تعالى وبركاته ..
اشلونكم خواتي ؟
طرا على بالي سؤال حيرني .. ياترى شنهو الافضل السكن المستقل ام السكن مع اهل الزوج ؟

ابغى اعرف راي اخواتي المتزوجات اللي ساكنين بروحهم مع ازواجهم يقولون لي شنهي مميزات وعيوب السكن المستقل ؟

طبعا البعض بيقول في ظروف حدتنا او احنا في منطقه بعيده عن اهله او ماعندهم مكان او او او ... طبعا الاسباب كثيره لكن مش هنا الموضوع .. ابغى اعرف المميزات والعيوب بغض النظر عن اي سبب شخصي او اقتصادي


ونفس الطلب لاخواتي المتزوجات واللي ساكنين في بيت اهل الزوج .. شنهي مميزات وعيوب السكن ... وبالذات للي ساكنين في ملحق خاص او في طابق خاص ..يعني مش غرفه داخل البيت مع باقي السكان ..
طبعا من غير ذكر الاسباب اللي حدتك تسكنين عند اهله .. مثل بيتهم كبير او هذا ولد عمي او امكانياته ماتسمح او او او ...ودي اخلي الموضوع محدد وفيه استفاده للجميع ولي ان شاءالله

وجزاكم الله كل خير :27:

31 تعليق 18,751 مشاهدة

شاركي في النقاش

سجلي الدخول لإضافة تعليق.

التعليقات

29
  1. @rmayh

    انا بقولج

    انا ساكنه مع اهل زوجي المهم ماعندي طابق خاص مثل ماقلتي لا بس عندي غرفه كبيره وايد وهي غرفة نومنا الاساسيه مع مرافقها

    وغرفتين متوسطات مع مرافقهم

    صج ان عندي 3 غرف لكن

    احيانا تقيدين بلبس معين وماتحسين براحتج
    واحيانا يفاجأونج الضيوف الي طبعا هم يصيرون حق ام الزوج وانتي فرضا لابسه علشان تطلعين فتظطرين تقعدين وياهم

    وبعدين زوجي يعطي امه اول كل شهر صرف البيت ويعطيني انا صرف لحتياجاتي الخاصه

    بس صرف البيت ام الزوج تشتري الاشياء الي تحب تأكلها هي وتحرمنا من الاشياء الي احنا نحبها علشان هي ماتحبها

    وانا الحمدلله مش من النوعيه الي تقصر على نفسه فتلقيني انا اشتري كل الاشياء الي يحبها زوجي واحبها انا والي

    يحبونها الخدامات بعد

    احيانا الحشريه الي تكون من ام الزوج ولو انها تكون احيانا بدون قصد علشانها يمكن تعودت علي

    شوفي هالعيوب من وجه نظري الي انا اعانيها الحين

    لكن المميزات

    ان احيانا ماتحسين بالملل على الاقل تلقين حد تسولفين وياه

    لو عيالي مرضوا تلقينها هي قامت فيهم وودتهم المستشفى وبصراحه جزاها الله الف خير وهي متعاونه وياي من

    هالناحيه لانها تعرف اني كنت معتمده على هلي في كل شي

    احيانا هي تحش في ولدها الي هو زوجي وانا احش فيه ونتفق عليه ههههههههه والله صج يعني يكون حار قلبنا

    بطيبته الزايد مع اصدقائه

    واشهد ان لو انا مرضت انها توديني الدكتور على طول حتى قبل لامي تدري

    بصراحه هو ميزه وعيب في نفس الوقت لان امي زوجي طيبه وايد لكن احيانا ماتحمل اقل ازعاج منها لاني ابي اعيش

    في بيت بروحي وتكون لي مملكتي الخاصه :27:
  2. @simplicity

    شوفي عيوني..
    السكن مع اهل الزوج مايعد مشكلة لكن الاريح لك ولهم انك تسكنين في بيت مستقل اذا كانت الظروف تسمح عشان لاتحرجينهم ولايحرجونك ولا واحد منكم يضحي براحته عشان الثاني..

    انا عن نفسي ساكنة في بيت مستقل والعيب الوحيد اني مرات امل خصوصا ان دوام زوجي من 8 الى 4 والمميزات انك تاخذين راحتك انتي وزوجك وتأخذين راحتك في شغل البيت

    ولاتنسين ان هالشي يعتمد على الاشخاص يعني فيه ناس ماتسلمين منهم وانتي عايشة بعيد عنهم وفيه ناس انتي وياهم في بيت واحد وعلاقتكم صافي يالبن..

    تحياتي
  3. @lhth_ofa

    صاحبة الموضوع
    رمايه
    جزاج الله خير اختي رمايه .. صراحه كفيتي ووفيتي بشرح الظروف بطريقه حلوه سواء كانت سلبيه او ايجابيه ..

    SIMPLICITY
    جزاج الله خير اختي SIMPLICITY وصحيح انه في ناس ماتسلمين منهم حتى وانتي بعيده عنهم .. ومع هذا يتدخلون في حياتج .. الله يهدي الجميع ..
  4. @lhth_alm

    انا كنت اسكن ويا اهل زوجي وكان عندي ملحق .. المهم كانت قعداتهم كله وياي يعني تقريبا يومهم كله عندي :( وما كنت ما خذه راحتي عندهم ابد وطبعا ما اقدر البس على كيف كيفي :06:

    اما الحين عندي بيت روحي والحمد الله مرتاحه والبس اللي ابيه بس مب دايما :11: ..

    واحسن شي للي تتزوج انها تسكن روحها :27:
  5. @skr_zyadh

    اختي لحظة وفا انا رايي ان اهل الزووووووووووج مايعجبهم العجب لابد يكون فيه مناوشات
    بصراحه انا مااايد السكن معهم لانك ببتنحرمين اقل حقووقك يعني مثلا ماراح تلبسين على راحتك , ماراح تنامين على راحتك , بتظطرين تقابلين اي زائر وباي وقت وياويلك لو تاخرتي , وانتي المسؤؤؤؤؤؤؤؤله عن الطبخ لاي احد يجيهم , لا عاد العجوز اذا جو بناتها لازم تكرفين ولا تشكين لانهم يشوفون اي شي تسوينه قليل وواجب عليك 0
    يعني باختصاررررررررر لاتتورطين0

تابعي تجارب أخرى من هذا القسم.