المقادير بالكيله وهي علبه سميد توجد صوره لها
كيلة طحين رقم 2
4 كيلة ماء
نصف كيله سكر
شوي هيل وشوي مثيبه ( اعتقد اسمه شمر )
ماء ورد وزعفران
3 الى اربع ملاعق دهن عربي ( دهن خنين) او زبده
الطريقه
نحمر الطحين لين يميل لونه للبني واثناء التحمير انا احط عود قرفه ( دارسين ) بس بعدين اشيله
انا صورت هذه الخطوه بس للأسف الصوره ضاعت .....وجود عود القرفه يعطي ريحه حلوه للطحين
بس لاتنسون ترمون الدارسين لانه مب من مقادير العصيده بس انا احطه اثناء تحمير الطحين فقط
نحط السكر في قدر ونحمره مع التحريك المستمر لين يتغير لونه انتبهوا لاتحمرونه كثير يصير طعمه مر
هنا وضعنا على السكر 2 كيله ماء ساخن ونحرك باستمرار نحط الهيل والمثيبه وملعقتين دهن او زبده
والزعفران وماء الورد
نخلط كيلة الطحين مع 2 كيلة ماء عادي مب حار نخلطهم بعيد عن النار وهذه الخطوه تخلي العصيده
صافيه وحلوه ومافيها كور عجين وطحين مب مخلوط
هنا نضع الطحين اللي خلطناه على السكر الموجود على النار مع التحريك المستمر
يتبع ,,,,
