مشكلتي مع زوجي (ساعدووني)أنا ضايعة

بسم الله الرحمن الرحيم
السلام علكم ورحمة الله وبركاته

كيفكم بنات حواء وشخباركم عساكم بخير .......مبروووك عليكم العشر الأواخر من رمضان


مادري كيف أبدأ معاكم ....مادري بأي احساس أجعل جرحي ينزف ع صفحات منتداكم ....مادري بأي لغة أعيش في هذا العالم ...وبأي شعور أجعل من حولي(زوجي) يعرف أني متضايقة وزعلانه .....أو أعتقد بأن زعلي لم يعد يهمه على الإطلاق ....مادام مايريده يأخذه مني ....
تلك الكتله من المشاعر الرومانسية التي تحوم علي...بدأت تموت من واقعيه زوجي...بدأت تتساقط مني وتستقبلها دوووع حساسيتي من ردة فعله معي ......أنا أريد أن أكووون في حاله حب دايم .... وأن يكون زوجي مثل الذي تخيلته تماما ...في أحلامي الصغيرة وتفاصيل مذكراتي ؟؟؟
أريد أن تجمعنا ذكريات حلوه وأن نقضي وقت حلووو أريد أن يجمعنا فنجان قهوة وكوب من العصير البارد ..لا أريد شئ لم أطلب الكثير ...أطلب فقط ووجوده معي ...أطلب منه أن يشاركني رومانسيتي ..حتى لو مجامله ....لكيلا ابكي من خدشه مشاعري كأنثى....
بنات حواء أنا من بعد تناولي السحور لم أنام ....تدخل الشمس غرفتي وأجلس ع سريري وحدي أتوقع وجوده لكنه لم يأتي ....؟؟؟
أنا متزوجه صار لي خمس شهور ....حملت وأجهضت قبل شهرين....لكن وقوف زوجي معي جعل الألم ووجوده ضعيف في حياتي ...لانه عندم قرر الزواج لم يقرر أن يبدأ حياته الزوجيه إلا معي...لكن أين هووو الأن يجعلني وحيده ولا يهتم لوجودي يجعل عمتي دائما تضايقني أمام بناتها وتكرر لاينام بالليل بل يأتي صباحا عندما أصحى...؟؟؟
بنات زوجي طيب كثير معايه بجد ....لكن وجوده بالبيت نادر ألقاه وأجلس معه ...أريد أحس بوجوده ولو دقايق ...أسلوبه كثير يخليني أتضايق من أتف الأسباب يجعلني كلما أجده أشكي له قله وجوده بالبيت ...ومعاناتي وحدي ...يقووول لي انا ماحب الجلوس بالبيت ولا القيود ...أنتي زوجتي وعليج الحق بالسكوت وتنفذين أوامري ....؟؟؟؟
أنا من تزوجت وأتجمل كأنه العيد له....غرفتي شزينها وحلاتها وحماماي من أروع مايكون كل شئ نظيغف عندي ..مايقدر ياخذ علي شئ قبيح ....بس وين السبب ...تصدقووون بأني ماقضيت شهر عسل ....لانوو زواج اخته كان بعد زواجي بإسبوع ...أنا عذرته ...بس قلت يمكن الأسبوع الثاني ...ولين هذا اليوم وأنا انتظر ...أقوووله مااخذتني شهر عسل يقووولي كبرنا عهالشئ...اقوووله شخليت حق الكبر....اذا هذا حكيك من ألحين ...؟؟؟
بنات انا واااايد احاول وياااااه مرة دزيت عليه مسج قلت له وين ناوي تاخذني اللية ...رد علي في شئ أحسن من البيت ...[صدق زعلت عليه ...وبعد في ليله قلت له قوم ودني مشني وخلنا نشرب كوفي ويا بعض نتمشى نتكلم أشوي ....قالي ماقدر...ليه ؟؟؟شسويت انا
أنا بصدق احسه يحبني كثير ....بس بنات انا استغرب منه لما يدخل عليه الغرفة أشووف ولهان يبني بس لما يدخل يقوول لي انا مابي ازعاج راسي يعورني وأبي أنام ...طيب وأنا ؟؟؟لي حق ؟؟؟هوا حقه يأخذه ؟؟وأنا ودي مره أشوووفه يفكر زين ؟؟؟
لأهم شئ فحياته أصدقائه ...يمووت عليهم مايجلس إلا معهم ....والي مكدرني بأنه أصدقائه مايصلووون وكله لعب في لعب ....وأنا عاد لما يجي البيت اجلس معاه أفهمه أنه لازم المومن يصلي ويتصدق وتكووون نيته سليمه لان الواحد مايعرف يومه ؟؟؟فيقوووووووولي اوهووو بدينا بالكلام الي يعور الراس.....؟؟؟اقوول نامي احسن
اه ياخواتي بجددد متضايقة جربت وياه كثير بس ماكو فايده اتصدقووون صارله ثلاث ايام ...ماصام ...اهوا صايم عن الأكل بس مايصلي ...أول يوم جامعني وماقام يتسبح ...ولا صلا بعدد البارح ماصلا التراويح ...شو هااااااااااااا كل ماأجي اكلمه انصحة يصد عني ....
صار لي سالفة وياااا اخر مرة اهوااااااا دايما يشاورني لما يطلع بس في مره قالي بطلع عناد قلت له لا فطلع
ولا جا قلت له يوم أطلع من البيت بدوون شورك لاتزعل وفعلا طلعت بيتي اهلي اسلم عليهم ولا شاورته ...فدز لي مسج قالي خذي راحتج في بيت اهلج احسن لج ....انا دقيت عليه ...وقعدت اسولف وياااااااااااه قلت له متى تجي تاخذني قالي ارجعي برووووووحك....فبعد ها كلام امبينا جا وخذني...بس احس انه مايحترمني وااااااجد مثل قبل ...؟؟

أنا أحس اني متضايقة منه مره ودي ارحل واخلي له البيت لانو ماينفع اعيش مع وااااااحدد مايهتم بالناس ولا بصلاته وقيامه ......وحاليا قاعد ه افكر بهالشئ ....أفهمه بأني زعلانه مع أنوووووووو يعرف اني زعلانه ومو هامه هالشئ عادي يعني ؟؟؟؟

اسمحولي من جد عالتطويل

13 تعليق 1,921 مشاهدة

شاركي في النقاش

سجلي الدخول لإضافة تعليق.

التعليقات

12
  1. @hdha_stayl

    واضح ان زوجك فيه حسنات وايد وانت ذكرتيها...يب ويحبك ولو بيلع يشاورك طلعت بلا شوره وزعل بس رجع ياخذك...

    انتبهي ان كثير رجال ما يبينون مشاعرهم....وتعبيره عن حبه لك بتصرفات انت انتبهي لها وعرفيها لانها تختلف منزوج لاخر...

    لكن خط احمر تحت العبادة...انت اللي ضايقك الصلاة..... وهذه هي المشكلة الحقيقية عندك..مو مشكلة اصحاب وطلعات وشهر عسل....لا

    كيف ترغبينه للصلاة؟؟؟هذه مشكلتك.... وبصراحه احس صعب على رجال كبير يحثونه على الصلاة...... ويمكن اراء البنات تفيدك....
    يمكن ما عطيتك حل ..بس حبيت انبهك ان مشكلتك بس اهمال الصلاة...هذه اللي تدورين لها حل..اما باقي يومياتك هذه تصير عند كل الحريم...
  2. صاحبة الموضوع
    مشكوووووووورات ياللي رديتواااااااااااا علي

    بس ماابغا انا اصلي واصووووووم وهواااااااااا لا

    ولا ابغاه يفكر يهمل عبادته


    تراااااااااااا الله ورا كل شئ ف حياتنا
  3. @rere_zeze

    اسمعي اختي الله يعينك ويوفقك لكل مافيه خير لك ولزوجك
    بس نصيحتي لك اختي كوني صاااااارمه وبدون انفعال او مشاكل
    يعني اقعدي معه يوم كذا على رواق وقولي اذا انتي حريص عليه ومتمسك فيه لازم تصلي انا مقدر اعيش معك وانت ما تصلي ذكريه ان اللي مايصلي كافر والمسلمه مايجوز تقعد مع الكافر ولا يوم
    بيني له اذا يحبك وخايف عليك وعلى اهله ونفسه وعلى التوفيق بينكم يتقي الله ويصلي ويصوم الواحد مايدري متى يومه
    ذكريه اللي يفطر في نهار رمضان عمدا بغير اذن شرعي هذا ما يكفيه صيام الدهر كلللللللللله ولو صامه كفاره
    وباين ان انتي طيبه كثير معه يعني اذا زعلتي وما راضاك او ما عطاك وجه ترجعين ترضين بسهوله وتنسين كل شئ
    هالمره قولي له قولي لا تحدني ازعل وهالمره لو زعلت ترى مو زي كل مره
    والله ان تتعب معي لان الشئ مو بيدي ولا هو في حق من حقوقي هذا حق ربي الصلااااااااااااه
    وهذي حدود ومقدر اقرب منها
    اتمنى لك التوفيق ولا تنسين تدعي له في كل صلاه وفي اخر الليل
    الله يجمعكم على خير
    انا متاكده لو غير اصحاب السوء انه بيصير زين كثيييييييييييير لانه باين انه طيب ماشاء الله بس هم ماثريين عليه
    بس لا تبينين له بشكل صريح او تقولين قاطعهم يمكن ياخذ المسأله عناد ويقول حتى اصحابي تبغاني اقطعهم

    الله يوفقك
    سلااااااااااااااااام

تابعي تجارب أخرى من هذا القسم.