شاركي في النقاش

سجلي الدخول لإضافة تعليق.

التعليقات

42
  1. @ice_princess_1

    صاحبة الموضوع
    هلا حلا
    هي نصحتها مديرة فرع من فروع البنك الي هي مقدمة عليه بالصرافة
    الله يكتب الي فيه الخيرة ..

    جزاك الله خيرع المشاركة

    لكن ياليت احد يشرح شغلة الصرافة كيف هي ؟
  2. ببنك البلاد ماعليه ضغط قوي فالصرافه اهم شي الدقة بالشغل وبمجرد ماتطلع العميله ينتهي شغله وفيه بدل زيادة على الراتب 1000 اما خدمة العملاء لا كلها اوراق مااينتهون ابد ابد
  3. @ice_princess_1

    صاحبة الموضوع
    شكرا الحلم القاتل جزاك الله خير

    لكن من عنده علم بشغلة الصرافه ولو بشكل مختصر
    والي اعرفه انه في آلة تحط فيها الفلوس وتحسب المبلغ ؟ صح او انا غلطانة
  4. @akhr_mr_1

    السلام عليكم..
    بصراحة ما انصح صديقتك انها تشتغل في بنك ابدااااا بدون ذكر اسماء البنوك سواء كانت ملتزمة او لا لأن شغل البنك هم حتى وهي نايمة بتحلم فيه..

    اما عن خدمة العملاء فهي تتضمن كل أنواع التذلل للعميل من اي جنسية تترجينه علشان ياخذ بطاقة والا قرض والا يزيد رصيده وهو يتعزز كأن الفلوس بتنزل في رصيدك ..

    غير المشاكل اللي تصير وغير الغباء اللي تلاقينه كل يوم اذا جات وحده تبي تغير لون بطاقتها مو عاجبها ايش تسوين معاها هذي والا اذا عطوك مبالغ تجيبيها هذي ادهى وامر واذا قلتي لهم مافي عملاء يجون والا يبون منتجات بيقولون لك طلعي سوقي للشركات .

    ورجالنا في الشركات الا من رحم ربي تعالي دوريهم اذا جاتهم بنت تسوق يذلون اهلها علشان بطاقة فيزا والا ماستر وفي الأخير ما ياخذون البطاقة والا يقولون لها بنفكر مرينا بعد اسبوع وزين اذا ما سألوها عن حالتها الاجتماعية ورقم جوالها او تحويلتها في العمل طبعا ما تقدر تنفخ عليه لأنه ممكن ياخذ القرض او البطاقة.. هذا عن خدمة العملاء

    اما عن الصرافات فهم اكثر ناس مهضوم حقهم في البنك واكثر ناس تشتغل بدون اي تقدير يذكر لأنهم ما يجيبون ولا يسوقون ولا يربحون البنك يؤدون شغلهم وبسسسس..

    صحيح انهم ياخذون بدل صرافة بس الفروقات اللي يدفعونها اكثر وهم اخر ناس يطلعون من البنك علشان التطبيقات والفروقات والغلطة عندهم بفلوس ..

    هذا غير الاجتماعات والتهزيء اللي يحصلونه كل كم يوم او حسب ما يشتهي المدير..

    من رأيي بنك الاستثمار افضل شي اذا لا بد من البنك بس مافي فرع نسائي بالشرقية وافضل لأن ما عندهم زحمة تذكر يأتي بعده بنك البلاد بعده الامريكي وساب بعدين باقي البنوك وما عليك من كلام ان البنك اسلامي اذا تبين اشرح لك بالتفصيل من وين يجيبون رواتبكم بقول لك بس ما ابي اطول على الناس..

    البنك باختصار الداخل فيه مفقود والخارج منه مولود ولك حرية الخيار ولا تستعجلين ابداااا.

    مع تحيات زوجة موظف بنك ..
    يحيا ساااااااااااااب :)
  5. @ice_princess_1

    صاحبة الموضوع
    والله يابنات قريت في هالكلام سب للبنوك ماعمري قريته

    كنت قبل اسمع مدح للصرافة وشغل البنك
    وبهذا الموضوع انقلب الحال

    مدري هل من احد يعطي المزايا والعيوب بموضوعية وواقعية

    يعني شغل الصرافة الحين بشكل واقعي هل تتكرر اخطاءه ؟
    بالذات ان طريقة حساب الفلوس فيه ماهي زي قبل باليد بل بالآلة ؟
    = > ليه مو راضي احد يجاوب لي على هالسؤال؟

    مع الشكر لك آخر مرة

تابعي تجارب أخرى من هذا القسم.