بلاوي المبتعثين والمبتعثات

الله يهديهم
يارب يفتحون التخصصات في بلادنا ونكمل هنا واخواتنا في ديارنا بدل بهذله الغربه وشرها

والله انا اشوف المحترمه محترمه في بلادها ولا في بلاد غيرها
الا الله يعافي اللي حط الابتعاث واطلب العلم ولو في الصين
يااختي لاتدعين عليهم قولي يارب يهديهم

الله يهديهم

:2thmup:

اولا الدين نصيحه

يعني احنا لو ناخذ المواضيع بعقل ارجح ونوقف الهجوووم كان الظاهر اكثر مشاكلنا انحلت لكن مشكلتنا الهجووم والعصبيه الي بتضر اكثر من تنفعنا

لو انتي يا اختي طلبتي بوقف الابتعاث وغيرك طلب بوقف الابتعاث بعد وناظرناها بنظرتك فمعنى هذا بنقف التطور وتطوير الذات لو بنشوف الابتعاث كله مسخره وقلة حيا وكل المبتعثين مستواهم الدراسي فاشل فا والله الوم مو عليهم على الناس الي تناظرهم بالنظره الدونيه هاذي

كل شي يبدا بصغير ويكبر يعني ممكن المشكله تنحل او تصير الى مستوى اسوء من موضوع ينكتب في مكان ويبدا النقاش فيه بس السؤال كيف ينكتب الموضوع هل باسلوب يوسع عقل القاري وتساعدينه ان يبحث حل للمشكله او بأسلوب تساعدينه انه يرد الهجوم بهجوم فا يصير الموضوع رد اعتبار اكثر من مناقشته

وبدل ما نقول ان الابتعاث فيه مساوء نبدا بمحاسن الابتعاث وبعدها نشووووف حل كيف نخفف من مساوئه

اختي انتي قلتي انك من زمان مسافره برا وتشوفين المبتعثين القداما؟؟؟؟

انا ما اقول انهم اسوء من الحين بس يا اختي فيهم نااااس سيئه لدرجه الواحد يتحسر عليهم
واذا قلتي ان الاعمار صغيره صح انا معك... بس ارجع واقولك ترا مع الاسف فيها رجال وهم رجال ومتزوجين شوفيهم برا وش يسووون بعد

وانتي حطيتي اللوم والغلط كله على البنات كأن الي بيدخل النار بس البنات عزيزتي الاثم مثل ما يجي على البنت يجي على الرجل يعني الغلط بتساوي راكب الجنسين


نقدر نحل الموضوه بشكل ارقى من الهجوم وبدل ما نطالب بتوقيف البعثات نحط ارائنا في الحل من وقف المشاكل

بس قبل ما ابدا ابي اذكرك عزيزتي ياليتك تناظرين بشكل اوسع الي يدور في البلد عندنا وقمة التحرر الي نشوفه هذا وهم عن اهاليهم وبديرتهم وفيه الف رابط يربطهم ومع هذا شوفي الي قاعد يصير

لا نحط اللوم على البعثات ... جزاها خير حكومتنا الي طلعت البعثات علشان يصير شعب متفهم ومثقف ترا مهما كان الخروج برا البلد بحد ذاته فايده لنا ما نبي نصير شعب متقوقع

والله ثم والله يا فيه ناس مبتعثين ان يبرد قلبك من تشوفينهم يكفي انهم باي مناسبه رافعين اسم السعوديه ويكفي اذا طلع اسم سعودي متفوق او مكتشف شي بتلفزيونهم
ويكفي انك تشوفينهم يتكلمون عن رمضان وعن الحج بكلاساتهم

مهما كان الشخص سيئ فيه بذرة خير وحتى لو صغيره تراها ممكن تسوي شي كبير

اما بالنسبه وش ممكن تكون الحلول

ممكن الي يجيه قبول في الابتعاث انه ما يسافر لى طول يقد ياخذ اللغه كلها في السعوديه يعني على الاقل يكون خلص فتره المراهقه

السنه او السنتين الي يدرس فيها لغه برا ياخذها في ديرته منها يروح وهم جاهز هذا غير انه اخف للمصاريف

وممكن الدوله تستاجر لهم عماره سكنيه تكون هي المراقبه لهم
يعني في كل المناطق الي يفتح فيها الابتعاث الدوله تشتري العماره ويستأجرونها الطلاب عادي كانهم يسـتاجرون باي عماره
بس تكون مراقبه من الملحق الثقافي السعودي يعني زي السكن الداخلي يكون لهم وقت للرجوع للبيت
مثلا ما يتعدا 12 بالليل وينرسل تقرير شهري او كل ثلاث شهور عن الطالب نفسه سواء الدراسي او السلوكي للاهل
وهذا السكن يكون اجباري لمدة سنتين من روحة المبتعث للخارج

اما سالفه لبس البنات او عدم الحجاب او اختلاط البنات بالاولاد في الجامعات هذا ماله دخل الابتعاث لاننا هنا نشوف اكثر من برا

اتمنى يا اختي تاخذين وجهة نظري بدون عصبيه او تعصب لاني انا مثلك فيني غيره على بناتنا وعلى المسلمين واعرف انك ما كتبتي الي كتبتيه الا من حرتك لكن لكل شخص اسلوب