شاركي في النقاش

سجلي الدخول لإضافة تعليق.

التعليقات

104
  1. صاحبة الموضوع
    السلام عليكم أخواتى فى الله
    ما لى لا أسمع صوت المشجعات منكن!!! إيه إنتو فين أكلتو الكحك وتعبتوا واللا إيه
    على العموم أنا مستمرة ,منتظرة ردودكم ... لعل المانع خير

    والآن مع ملفات حرف الثاء
  2. @am_maaath_o_ghad

    كوسةوبط
    إلى الأخت أم معاذ وجهاد: شكرا لك أختى على إقتراحاتك وأسعدتنى مشاركتك.. لكن حبيبتى إنت فهمتينى غلط أنا عصبية فعلا لكن مش بأضرب ... أنا بس بأزعق كتير لولادى ده اللى كان قصدى لكن طبعا ولاد المدرسة كش بأقدر أزعق فيهم علشان ميكرهوش الحصة والدي…
    الحمد لله يا أختي دي نعمة من عند ربنا وسكينة بينزلها عليك لأن عملك مهما تقاضيتي عليه من أجر مادي ففيه جزء لله ..


    يااااا ريييت أكون زيك والولاد يحبوا ييجو الحصة عندى ولد على طووووووول زهقان وآخر مرة مرضيش يكتب معانا ولا يشتغل خالص فى الحصة بصراحة زهقنى :)

    شوفي أنا بحب أشجع المحبطين فلما تلاقيه محبط قولي له أنا متأكدة إنك تقدر تعمل الحرف ده أو الورقة دي ... وفي طريقة حلوة شفت المدرسات بيعملوها مع أولادي في الحضانة واقتبستها منهم هي أنهم بيصطادوا أي حرف معمول كويس ويحطوا جنبه نجمة صغيرة والطريقة دي سلكتها مع أولادي في البيت ومع تلاميذي في المدرسة لاقيتها مش بس بتبسطهم لا دي بتوجه تركيزهم للحرف السليم ده ... والولد الزهقان ده شغليه شوية يعني اديله الأوراق يوزعها على التلاميذ في الصف وقولي له خلص بسرعة علشان تجمع لي الأوراق ...
    وممكن اللي يخلص الأول تكتبي له رقم واحد ملون والثاني بلون ثاني اثنين وحاولي تعملي لها ابتسامات !! وممكن مرة لما يعمل واجبه بسرعة وبشكل جيد ترسمي له وجه مبتسم ...

    مدرسة بنتي الحالية لقيت المدرسة كل واجب لازم تعملها عليه نجمة وتكتب لها فيه مرة جيد ومرة ممتاذ ومرة جيد جدا حسب انجازوها للواجب !! ودي طريقة تانية حلوة وجديدة أن أي حاجة تدي عليها حافز ...
    والله يعيننا !!


    وفيه ولاد مش بيعملوا الواجب ... المرة اللى فاتت إديت اللى عمل الواجب ستيكرز حلوة واللى معملش مأخدش وكنت حاسة إنهم متضايقين علشان مأخدوش من الإستيكرز دى خفت يكرهوا الحصة مش عارفة ده تصرف سليم واللا لأ أتمنى إنك تردى على .... وخليكى متابعانا شكلنا هنحتاجك كتير يا قمر... جزاك الله خيرا

    تصرفك سليم وكده ح يفهموا إنهم لما يعملوا الواجب ح ياحصلوا على استيكر ... لكن ممكن تخليهم يعملوا الواجب في الحصة وتديهم نجة صغيرة أو نجمة حزينة ... ولما يسألوك ليهحزينة قولي لهم لأنها جات متأخرة علشان عملتوا الواجب متأخر ...
    واعذريني على التأخير معلش انشغلت في الجامعة البيت والعيال وطول رمضان وأنا مريضة ... دعواتك ...
  3. صاحبة الموضوع
    إلى الأخت العزيزة m600600

    أخبارك إيه؟ إنتظرت إنك تقولى لنا وتشاركينا تجربتك وتقولى لنا عملتى إيه مع الولد أتمنى إن الأمور تكون مشيت بسلام

    على العموم أنا عملت لك الفايلز التانية بتاعة حرف الباء... يا ريت تردى على وتقولى لى أخبارك والملفات مساعداكى يعنى أستمر واللا لأ

تابعي تجارب أخرى من هذا القسم.