أنا أحكيلكم حكايتي
أنا ولدت في أمريكا ومامعي أحد من أهلي ..لكن عندي إحدى قريباتي زوجها برضه بيدرس في نفس المدينة معانا
بدا معي الطلق على خفيف وأنا نايمة وحاسة نفسي مو مرتاحة ..لكن ماكنت عارفة إيش المشكلة ولماقمت أتذكرت آلام الدورة وأتنغصت ...ماكنت عارفة أنه هادي قد تكون ولادة ..وبدا الألم يزيد ..لكن على خفيف ..وكان زوجي في الجامعة عنده اختبار وكان مواصل داك اليوم ..
اتصلت على قريبتي وقلتلها إنه بيجيني ألم خفيف زي ألم الدورة كل ربع ساعة ..فخوفتني صراحة قالتلي هذي ولادة مادام الأم منتظم ..وخفت مرة إني أولد في البيت (مني عارفة إنه الولادة صعبة ويبغالها دفع ومجهود..على بالي البيبي يخرج بنفسه) قالتلي لا تخافي وجابتلي عسل وعصير الله يجزاها الخير
ولما جا زوجي على طول على المستشفى
ولما شافتني الدكتورة قالتلي يبغالك كم يوم ورجعوني البيت
ورجعت وأقول لزوجي روح نام خايفة لا أولد ..ومو راضي ينام ..ولا فوقها خرج يبغ يجيب حفايض وفلاين للبيبي
وأنا زاد الألم وزاد وزاد لدرجة أبغ أصلي مني قادرة أركع وأسجد وأتصل عليه ويرن الجوال عندي وأنقهرت مرة
وبعدين دخلت الحمام اكرمكم الله وشفت خيط دم (يسموه أظن سدادة ) وهي من علامات الولادة
وزوجي كان جا وكلم الدكتورة قالت لا خليها تسنتنى
ورحنا ننام أنا وزوجي
وبدأت أتلوى من الألم وجبت الساعة عندي وصرت أحسب وصار الألم كل خمس دقائق
وزوجي حس بي
قام كلم الدكتورة فقالت تعالو
وهنا تبدا حكاية المستشفى وإيش صار معاي
أكمل بعدين
قصص ولادة المغتربات..تجربة وإفادة
متابعة النقاش، صفحة 4