شاركي في النقاش

سجلي الدخول لإضافة تعليق.

التعليقات

165
  1. @dh_ahmd_1

    كنت سأكتب شيء لكن الاخت حرة على كف صقار كفت ووفت..

    بالفعل تصرف الامهات من هذا النوع غاية في الاستفزاز لكن الحل ليس في ترك الاطفال في المنزل الحل في ان تحسن التربية أولا تنجب أطفال من الأساس..
  2. @am_alrkny

    يا سلام يا مهاوي على هالكلام وتسلم هاليدين اللي كتب هالموضوع ...

    تصدقين حفظته وبطبعه على الحريم اللي تنطبق عليهم هالمواصفات ..
  3. جزاك الله كل خير
    والله يعطيك العافية عالكلام والمواقف اللي فعلا فعلا موجودة في واقع حياتنا ونعايشها ونراها أمامنا

    من جد الأعراس والأسواق والمساجد أيضا وحفلات التجمعات النسائية ليست للأطفال الا اذا كانت الأم

    فعلا تستطيع الضبط والسيطرة على أطفالها فأهلا ومرحبا بها وبأطفالها

    في أكثر من مكان ترفيهي منتشره في بلادنا نقدر ناخذهم لها ونرفه عنهم وبالعكس أنا أعتبره من النظام وتنظيم الحياة والاتكيت اللي المفروض نتعلمه ونعلمه

    بوركت يمينك ويمين كل من أثرت الموضوع .
  4. @frooooha

    الله يوفقك ويجزاك خير عندي جاره كرهتني في الجيران من تربية عيالها والله عيالها الي مربينها مو هي الي مربيتهم
    كل ماتقول عيب زاد الولد ثم قالت الا هالولد ماقدر عليه يضحكني واحبه
    يااختي حبي مو مشكله بس ربيه لاني مو مجبوره احب ولدك بالذات مع التصرفات الي تغث

    تصدقين جاتني فكره
    اني اطبع موضوعك واقراه مع الجيران عادي يمكن يفهمون بالذات هالنوعيه
  5. تصدقين انا مرة كانت عندي عزيمة بس حريم لحمولتي وجاء معهم عيالهم الصغار وانا ياصاحبة البينت كنت مرسلة عيالي مع شغالتهم لأمي والكبار مع ابوهم
    وتعالي شوفي الحوسة
    المرة الثانية لما غيرت بيتي وحطيت كنب المجلس لونه ميال للبيج وعزمتهم قلت لهم لايجون الصغار كثير منهم زعل ولاجاء

    بس فعلآ اللي ماتقدر تطلع الا مع عيالها تعتذر احسن او اذا كانت مناسبة ملزمة انها تروحها افضل تحط عيالها عند اختها لفترة
    بس اللي تقهرك اللي عندها اكثر من شغالة وتطلع بعيالها بحجة انها تخاف عليهم من الشغالة

تابعي تجارب أخرى من هذا القسم.