طلعت من النفاس وليتني ما طلعت
ابيكم يا بنات تساعدوني بس اول اقرؤا قصتي لما كمل ولدي خمس سنوات حملت صار حملي متعب لازم ارتاح ولا ابذل مجهود لما كملت ثلاث شهور رحت عند اهلي لاني ساكنه عند حمولتي وجناحي فوق ولا عندي مطبخ ولا اقدر اعزم اهلي او اي شخص ابيه المهم قلت لزوجي اني بكمل باقي فترة الحمل عند اهلي اهو لا ناقشني ولا قال الا سوي اللي تبين اول الايام كان يزورني ايام الاسبوع والخميس والجمعه ما يجي لان البيت يكون زحمه وهو يقول ما ابي ازعجكم بعد فتره انقطع ماعاد يجي الاعلشان ياخذ ولده او يوديني لمواعيد المستشفي ولما سالته مره وقلتله ليش ما تزورني قال انا مشغول ما قدر اجي حتي التلفون ما يكلم في الاسبوع الامره اومرتين او اذا يبي يسال عن شي وانا كنت اكلمه دايم وارسله مسجات لما شفته كذا قلت يمكن انه مشتاق لي بس ما يبي يعبر فرجعت البيت لقيت الرجال نفسه في طرف خشمه ووده اني ما جيت بس انه ما قالها انا حسيت من طريقة معاملته قعدت عنده اسبوعين وبعدين رجعت لبيت اهلي واستمر الوضع كما هو حتي اني تعبت ورحت المستشفي ودوني اهلي وهو ما كلف خاطره انه يزورني من بكره بس كلم يطمن علي حتي اهله ما كلموني ولا قلتله ما ابي ازعله المهم قبل ما اولد كنت شايله عليه بس بعد ما ولدت قلت خليك احسن منه والله حتي اغراض ولده حليب وغيارات انا اشتريها من هدايا النفاس ما اطلب منه شي قبل ما اطلع اقول لخواتي فيني ضيقه ماودي اروح لبيتي كل ما قرب موعد طلعتي اشيل الهم اكثر وجاء اليوم الموعود وقلت بس يابنت زوجك وحبيبك راح يعوضك عن الاشياء اللي سواهابس لقيت العكس احس انه في وادي وانا في وادي تصدقون لي الحين اسبوعين من رجعت لا عزمني علي مطعم ولا علي مشوار الا اللهم مره وكنت اتغلي ابيه يحايلني بس كنه ما صدق اني اقول لا حتي قلتله خلنا نروح الشرقيه نغير جو صار يتعذر ويقول انا اتعب من الطريق وشوله الخساير مع انه موهوب بخيل المشكله اني لما اتناقش معه واقول انك كنت مقصر معي لما كنت عند اهلي يقول هذاانا اوديك لمواعيدك واجيبك ما عنده شعور انه ظالمني يعتقد انه ملبي جميع احتياجتي مع انه اذا صارت ماديياته زينه ما يقصر معي ماديا بس المراه تبي اشياء ثانيه من الرجل وهو الله يهديه ما قدر اني مضحيه براحتي وحريتي وساكنه مع اهله لي سبع سنوات دلوني وش اسوي والله اني حاسه اني ضايعه