موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

احبه
حياك الله
ونشاطك والتزامك بالريجيم واليوميات بخليك وحده مننا
ويارب توصلين هدفك

مشكوره قلبي بس كم ينزل هالنظام في الاسبوع

وانا نفسيتي تعباااانه يابنات من الطفش والقعده في البيت احس نفسي اروح اكل بي كذا بدون جوع يعني من الطفش اكل ومو قادره امسك نفسي عن الشوكولاته والحلا
ساااااااااااااااعدوني :(

مرحبااا بنااات ، اعذروني انقطعت عنكم شوي ، كان عندي امتحان حق دورة الساعة 7 باللي ومارديت البيت الى 9 وتعشيت وقعدت مع الأهل شوي وضاع الوقت ومادخلت المنتدى.

تعشيت :شابورة الرشاقة + حليب أبوقوس قليل الدسم مع شاي

===
عذوق قصدي اجودية هههه موتيني ضحك قلت شالسالفة هالبنت مطيحة سوالف معاي ، وعرفت بسرعة انها انت بس قلت ليش ماعلمتينا انج غيرتي عضويتج هههه ، بالنسبة لجسمي أنا كمثرى يعني متني مو بطني ، يتركز على الأفخاذ وشوي عند الخصر والظهر ، والحمدلله اني مو قصيرة فالمتن والشحم متوزع على باقي الجسم . بس لما سويت تمارين ماشاء الله بسرعة شدت معاي المناطق اللي كنت أتمرن فيها وبوقت قصير ، أحسه بالنسبة لي اسرع وفعال أكثر من المشي . حاليا أبي تمارين للظهر ، رشيقة قالت لي عن الأثقال بس عندي أثقال خفيفة تصلح لتمارين الذراعين ، بروح أشتري ثقل ب 5 غرام .
====

هي دادا هههه أنا قلت أكيد ما انتبهتي لردي ، لأنج مارفعتي العصاية هههه ، وبالعافية أكلج وماتدرين يمكن تخبيصة اليوم هي اللي تنزلج مثل ماقالت رشيقة ، يعني تخدعين جسمج .
=====

رشيقة هههه اي شفتي أنا طلعت قد الثقة وماخبصت اليوم ، ملتزمة عدل والحمدلله ، وعلى فكرة أنا عندي يوم مفتوح هالاسبوع الغداء آكل فيه اللي أبيه حتى لو وجبة ، بس بعتبره اليوم اللي أكلت فيه فطيرة الزعتر عشان أسوي توازن .( بحاول اتجنب أي طلعات مستقبلا :44: )

وان شاء الله ياارب ننحف قبل العرس وانفاجيء الكل لدرجة مايعرفون احنا منو ههه ، بس انت عرس أخوج مو شهر 7 بالميلادي ؟ ، أنا عرس أخوي ان شاء الله شهر 6 ميلادي ( يونيو).

وبالنسبة للسناك ، الحمدلله صرت ألتزم فيها ، قبل لا بس الوجبات الرئيسية، بس بعد ماقريت كلام جورج كروز عن الاكل كل 3 ساعات ، وهي دادا بعد أكدت لي انها كانت تاكل سناك ، صرت آكل سناك حتى لو شبعانة .

وأخيرااا يم يم يارشيقة ، شهيتيني والله شكله لذييييييييييذ ( على فكرة هذا هو ميزان الأكل ، وأنا كل شوي أقول ياربي شلون يعرفون كم جرام بهالأكل ، وأخيرا تعرفت على شكل هذا الجهاز العجيب ،ثانكيو فاري ماتش 42: )

===
أحبه حياج الله ويانا ، ونظام هي دادا هو الطريقة الصح بالأكل ، يعني نظام حياة مو ريجيم ، واذا مليتي ماشاء الله عليها الشيف رشيقة تسوي لج أطباق لذيذة بأقل السعرات الحرارية وماتاخذ منج وقت طويل بالتحضير ( سويت لج دعاية يا رشيقة ههههه بس هي صح ماتاخذ وقت والا ؟ هههه )

أحبة ، عادي ترى أنا مثلج قاعدة بالبيت لا شغلة ولا مشغلة ، لو تشوفيني الصبح ماعندي أحد كل بدوامه ، بس استغلي وقتج بالرياضة وأي شي ثاني فرغي فيه ضيقة خلقج الا الأكل ، أنا أشوف تلفزيون ، أقرا في المنتدى مني ومناك ، شريت كتاب تغذية وقاعدة أقرا فيه ، اذا جعتي اكلي شي صحي فواكه ، سلطة ولا تمر مايسمنون ، أو اشربي ماي كل ماضاق خلقج

السلام عليكم ورحمة الله وبركانه :
اختي الرشيقة انشاء الله ...لاني اعرفك واعرف قوة عزيمتك اذا صممتي على شي ,,,,انتظرك في الصيف بالوك الجديد والحمد لله من زمان ماحسيت انك متحمسه بالشكل هذا ,,,بظل اتابع يومياتك واتمنى انك توصلي للوزن الي تحبي في اسرع وقت ....