موضوع مختار :ريجيمي اللي نزلني بفضل الله من 86 الى 58/تجاوز الحد المسموح له من الردود

ماشاء الله يابنات بصراحه يومياتكم تشجع :) قريت لي كم صفحة واحس اني تحمست ان انضم لكم وخصوصا ان ام عبد الرحمن ماشاء الله عليها متابعه معكم .... وغير كذا نظامكم مثل نظامي

:


انا اتبع نظام حساب السعرات وفكرت اكتب يومياتي معكم عشان استمر ان شاء الله عليها الحين لي اليوم الحادي عشر والحمد لله مواظبه الا اليوم زودتها حبتين عشان ماشفت وزني ينقص من اربع ايام بسبب الدورة وانتوا بكرامة وقالوا لي البنات رح يثبت وزنك لين تخلص منك

وبصراحه احسه نظام حلو مريح يعني مااضطر اني اخربها لان مافيه حرمان اكل كل اللي ابي بس بحساب :)

وطبعا انا مسوية لي نماذج وجبات عشان ارجع لها واريح لي من الحسابات

اليوم رح اكتب لكم وش سويت وبكره ببدا مع رماد انثى في ريجيم اندومي بالشطة لاني وعدتها اني ابدا معها يوم الخميس ثم برجع لنظام السعرات

.....................

يومياتي

صحيت اليوم لقيت وزني 74 مثل ماهو من اربع ايام وضاق صدري وخربتها بس خربتها بأكل الدايت هههههههه :)
واكلت 3 حبات بسكويت مكفيتز بالنخالة + كافي لاتية مضاف له كافي مايت لايت ملعقة كبيرة
+ حبة توست نخالة + ملعقة جبن كاسات قليل الدسم + كاس عصير فراولة الجاهز
سلطة مكونة من ( طماطم + بصل اخضر + عصير ليمونة + شطة سومطرة والشطة العادية )

وخلصت اكل الساعة 7:18 تقريبا

بس ان شاء الله باقي اليوم رح انتبه زين :)

ريماس

هلا فيك والله

احب دخول البنات المتحمسات ماشاء الله

ولا تشيلين هم الدورة اهم شي لا تخبصين خلالها
بتلقين نفسك الايام الاخيره من الدوره الوزن مو ملحق نزول

وماشاء الله فطورك ملكي اليوم
خخخخخخخخخخخخ

فيه العافيه

وطولي بالك بالغدا والعشاء لا تحوسين زي الفطور

موفقه حبيبتي

اللهم انت ربي لا إله الا أنت خلقتني وأنا عبدك ، وأنا على عهدك ووعدك مااستطعت ، أعوذ بك من شر ماصنعت وأبوء لك بنعمتك علي ، وأبوء بذبي ، فاغفر لي فانه لا يغفر الذنوب الا أنت.

صباح الخير بنوتات ، كاني وصلت :42:
أمس كتبت لكم رد طوييل عن يومي كله وشنو أكلت وين رحت ومقاومتي العجيبة للأكل في السوق أول مرة ، بس المنتدي مادري شفيه ماقبل يقول الرد مليان صور مع انها صورتين فبقول لكم المختصر المفيد :
أمس سويت تمرينات الـ push up مية مرة الصبح الساعة 9 ( ماشاء الله )
وبعدين رحت السوق عشان أشتري أغراض من أجل العناية بصحة جسمي ، وطبعا أنا ماخبص الا اذا طلعت مع أمي ، وهي كالعادة عزمتني ! بس أنا مارضيت قلت لاااااااا بس عصير برتقال ! وأمي طلبت كرواسان ( غرامي المعجنات ) وعشان مااشتهي ولا أحس بالحرمان أكلت من كرواسان أمي قطعو صغيرة جدا :42: والله ارتحت اني ماخبصت واكتفيت بقطعو صغيرة ، واهم شيء ماحرمت نفسي منها.

وبعدين ياحلوات رحت بودي شوب عشان أشتري زبدةالكاكاو مثل ماقالو البنات ، بس قالت لي اللي تبيع هناك ان الزبدة بس ترطب الجسم ماتوخر الخطوط البيضة ، وعطتني كريم يوخر الخطوط البيضة وقالت أستخدم هذا أحسن ، وشريته وبشوف ان شاء الله صج يوخر الخطوط.

وبعدين رحت شريت كرة التريض مالت جورج كروز + ثقل 5 كيلو حق تمارين الظهر مثل ماقالت المدرية .
وبعدين رحت دايسو الياباني وشريت منه علية بخاخ فاضية عشان أحط فيه خل التفاح + ماي الورد وأبخه على جسمي .
وبعدين رحت العطار : شريت بذور الكتان ( علشان رشيقة تستانس :42: ) + ماي ورد + زيت اللوز + كريم جلسرين + شبة + صابونة البابايا ( سوالف خلطات للبشرة ) ، كنت بشتري جنين القمح بس مالقيته عندهم .

غداي : كان رز + لبن قليل الدسم + سلطة + خس
عشاي : مااشتهيت العشاء بس شربت شاي أخضر

هذه صورة الكريم



ونسيت أقول لكم اني بعد رحت الصيدلية وقلت له أبي شاي رويال كلوب ، ماعنده وشكله أول مرة يسمع فيه ، عطامي شاي ثاني يساعد على الهضم ، ودواء ثاني عبارة عن بودر ألياف برتقال تعالج الامساك
هذه صورتهم


شربت مال البرتقال مافادني بشي ، وللحين أعاني من الامساك ومتضايقة ، بحاول اليوم أكثر من الفواكه والسلطة وبشوف يعالجون ولا لأ؟ اذا ماصارت بجرب الشاي ويمكن أشتري أدوية ثانية مع اني ماحب أعتمد على الادوية !

واجودية أنا مثلج اذا أكلت شيء خارج الريجيم تظل بطني تعورني طول اليوم . ذيك المرة لما أكلت فطيرة زعتر بس شوفي اشصار فيني :( الحمدلله على كل حال

يسلموووووووووووووووووووووووو