نبغى بطونا تلصق في ظهورنا بعد الولاده شاركونا بخبراتكم

كل اللى ذكروه الاخوات صحيح نبغى تفاعل اكثر والله استفدنا شويه

السلام عليكم..
حبيت أفيدكم وأتمنى منكم حسن الدعاء..
عن تجربتي المواضعة فإن رجوع البطن كما كان عليه يرجع لعدة عوامل..
وما يتم في يوم وليلة.. ياخذ وقت.. تقريبا 3 - 6 شهور..فكوني صبورة والنتائج ان شاء الله مرضية..
وذلك بخمس أمور حاولي اتباعها..وأنا على استعداد لأي اسئلة لاحقا..

أولا..
في فترة النفاس ممكن تربطين البطن بشماغ او مشد على راحتج.. الفكرة في الربط منع الترهل في أول فترة.. لكن حاولي تربطين بطنج بعد عشرة أيام على الأقل من الولادة.. حتى يكون الرحم رجع لحجمه الأصلي..أولا اربطيه بشماغ بشكل خفيف لمدة عشرة أيام وفي العشرين الأخيرة ممكن مشد بس عشان ما يأثر على وضع الرحم أو حجمه..

ثانيا..
تجنبي المشروبات الغازية فترة النفاس وما بعده..وأكثري من المشروبات طاردة للغازات..

ثالثا..
بعد النفاس امشي.. امشي يوميا او كثر ما تقدرين، العبرة في المشي تحريك الدورة الدموية وتحريك العضلات في منطقة البطن..ممكن ربط البطن أو لبس الشورت الحراري..

رابعا..
وهذا تقريبا أهم شي.. عمل تمارين البطن بعد المشي.. لمدة 10 دقائق على الأقل..

خامسا..
استخدام كريم تنحيف ومعالج للتشققات على منطقة البطن لتقليل الترهل والتشققات..ويستخدم على منطقة الأفخاذ أيضا للتنحيف..



ولكم مني أحلى التحيات..

يعطيييكم الف عااافيه

مشكورين بنات وماقصرتوا موضوع مفيد :26:

عن تجربة ياحلوين
اثناء النفاس والدوره
قشر القهوة + نونخة + زنجبيل + مسمار هذي قهوتك المغرب والصبح
أما فترة العصر
مانصح شرب شاهي الاخضر فترة الرضاعه لانه نشف لي صدري خليه لحد ماتفطمين البيبي
بس اشربي الكمون + الميرميه من دون شاهي الاخضر

المشي المشي المشي هو الي يشيل الكرش ويشد الجسم بصراحة كنت ادهن بطني وفخوذي بجل التنحيف من منتجات البحر الميت ررررررررررهيب وبعدين امشي على السير نص ساعه على حسب طاقتي بصراحة شال الكرش عندي


الاشياء الي قبل كنت اسويها من دون ربط البطن لاني كنت قيصري ومتخوفه من الربط وراح الكرش ورجع جسمي زي ماكان بس بعد 5 شهوربس ارجع احرصكم على قشر القهوة وعدتها والله رهيبه

الحين عشاني عايشة على الكولا والشكولاته كنا الكرش بدا يرجع الله يخلف وشكلي ابرجع لقهوتي عشان اقضي عليه قبل لاتكبر :)

ادعولي انا ربي يرزقني بالحمل القادم ولد حسن الخلق والخلقه :)