شاركي في النقاش

سجلي الدخول لإضافة تعليق.

التعليقات

66
  1. @am_alaaz_3

    بالانتظار بس لاتطولين مرة وبعدين يزعلن العضوات والا انا هين احب عنصر التشويق مانيب زعله <<<< بالحيل
  2. @bnt_mthl_alhlm

    صاحبة الموضوع
    اسفه حبايبي ما اقدر اكتب القصه متواصل انا مو كل يوم اقدر ادخل عالعموم باحاول انشالله انجز باسرع وقت تستاهلون حبايبي اللي حبيت اعلق عليه ليه تملون منه اعتبروه نفس احداث مسلسل هدا احنا نظل 30 يوم نتابع بشهر رمضان احداث مسلسل وما نمل لا نشفه صباح ومساء

    عالعموم نكمل القصة
    ام نورة/الله يا ام فهد ان كنتي تبين رايي انتو ناس اجاويد وفهد معروفين اهله ناسه وماراح نلقى احسن منكم لكن يا اوخيتي تدرين ببنات هالوقت لازم ناخد راي البنت واشوف راي ابوها وانشالله خير

    ام فهد/انشالله بس ابي رد بسرعه ردي علي انتظر منش الرد يالله اخليج يا ام نورة وسلمي على بو نورة

    ام نورة حياش يالله يا ام فهد هلا والله


    رن رن رن رن
    رؤى / الو هلا يما هلا والله
    ام فهد / يو كنتي نايمه جنب التلفون
    رؤى/ لا والله يما كنت انتظر منك هالمكالمه ها يما بشري
    ام فهد/ والله يابنيتي انا كلمت اهل ابنت
    رؤى بعجله / ها وشقالت
    ام فهد/ قالت تب تشاور البنت وتاخد راي ابوها وانشالله خير
    رؤى /انشالله خير يما الله ياني بفرح لو صار نصيب الا متى قالت بترد عليش يما
    ام فهد/يما مادري بس قلت لها ترد باسرع وقت عشانا مستعجلين
    رؤى/ انشالله خيريما
    ام فهد/يالله يمابروح اسوي اشغالي
    رؤى / اوكي يما في امان الله

    طق طق طق طق
    ام نورة/ هاه يما ادخل
    نورة / هلا يما ادخلي حياش
    ام نورة/ هاه يما متى تروحين الجامعه اليوم نورة/لا يما اليوم ما عندي دوام بالجامعه
    ام نورة/ خوش يابنيتي ابيش في موضوع
    نورة / خير يما
    ام نورة/ يما تذكرين بيت ام فهد جيرانه الاولين
    نورة / اي يما اذكرهم
    ام نوره / وشرايش فيهم
    نوره/ والله ما شاء الله عليهم يما والله حتى رؤى بنتهم ماشء الله عليها وعلى كتاكيتهايما يهبلون الله يحفظهم لها
    ام نورة/ وفهد؟
    نورة /فهد؟!نورة بخجل شتقصدين يما
    ام نوره/ اي يا يما دقت علي ام فهد واطلبت يدك لولدها فهد وشرايك يا بنيتي
    نورةبكل خجل/ يما الشور شوركم والراي رايكم
    ام نورة/ ابي رايش يما ترا هدا زواج ماهو لعب
    نورة/ يما بيت ام فهد ناس طيبين و......فهد انسان سوي وهادي و....... و.........
    ام نوره / اي يا بنيتي الله يقدم اللي فيه الخير


    طبعا الم بعد ما خبرت الوالد ويوم جا وقت الغدا
    ام نورة / تدكر يا بو نرة جيرانه بيت ابو فهد الاولين
    ابو نورة/ لابالله ما انساهم ناس طيبين الا وشجاب طاريهم
    نورة تنسحب بكل خجل وحياء
    ام نورة / هذا اليوم ام فهد دقت علي تطلب يد نورة بنتي لولدها فهد
    ابو نورة/ الله يبشرش بالخير يا ام نوره والله بنتي تستاهل كل الخير وفهد رجال ينشد به الظهر

    ام نورة/ يابو فهد الجماعه مستعجلين ويبون الرد باسرع وقت
    ابو نورة / اشوف البنت انسحبت يوم جبتي طاريهم الا اقول انتي كلمتي نورة وشرايها في الموضوع ترا الحين شور البنت صار اهم من شورنا يا ام نورة
    ام نورة/ افا عليك اي يابو نورة عطيتها خبر والبنت وكلت الامر لنا لكن باين انها موافقه
    ابو نورة / اجل على خير انشالله اتصلي باهل الرجال وعطيهم موعد خل يتقدمون رسمي عاد والله باصير مغفل لو اطير هالرجال من يدي



    ولازال
    فهد في دوامه ماهو عارف شيسوي وطبعا بم ان زيد المعرس الجديد صديقه اول واحد فكر يتصل عليه وبحكم انو قاعد يمر ويعاصر هالتجربه بس فهد حس بالاحراج وقال اهو معرس جديد اكيد لاهي بالعرس ماني مثقل دمي .
    بس انا ابي ارتاح ابي ارتاح.

    المهم جا في باله صديقه ماهر طبعا لا تسالني عن ماهر هذا ماهر انسان يحب الفكاهه ودايما ماخذ الدنيا هزل لكن فهد وش يسوي يبينفجر اذا ما فضفض لحد المهم دق عليه
    فهد/ هلا ماهر وينك يارجال
    ماهر/ خير ابو الشباب تعرف يعني البزنس وانا رجال ماني عادي يا اخي الا انت يا حضرة المهندس ينك مالك اثر من يوم عرس زيد ما شفناك ها تاثرت خوينا؟!
    فهد/ ماهر بلا استهتار انا محتاج لك بالحيل
    ماهر/ فلوس ما عندي..... افا عليك يا فهد قول لا يردك الا اللي بين اسنانك
    فهد/ ماهر ابي اشوفك انت وينك فيه الحين
    ماهر/ بكل تواضع في البيت خير فهد قلقتني عليك
    فهد/ انا جايك الحين مسافة الطريق
    ماهر /طيب ثواني وانا جاهز

    فهد/يطلع من شغله متوجه لماهر
    ماهر/ هلا بو الشباب وشفيه وشصاير قلقتني يا اخي
    فهد/ ماهر انا بتزوج
    ماهر/ خير بو الشباب بتزوج و من قالك اني خطابة وافتر بعباتي

    فهد/ ماني ناقصك يا ماهر
    انزل خل ندخل في هالقهوة واقولك عالسالفه
    ماهر/هاه خير وشفيك وانا اخوك
    فهد/ اااااااااه يا ماهر مدري شفيني كنت اتمنى هاللحظه لحظة القالي العروس السنعه وكنت ابي من زمان لكن كنت متخجل اقول لاهلي الحين اهلي يبون يزوجوني
    ماهر/ مبروك ا شيخنا من قدك يا عمي بلغت المنى
    فهد/ بس يا ماهر يوم صار الموضوع جد حسيت بالخوف حسيت ني مو مستعد لهالشي
    ماهر/ اقول بو الشباب في لبس في الموضوع انت العريس والا العروسه ........افا عليك يا فهد خلك رجال لا عاد الرجوله في هالمواقف مطلوبه اسال خويك عقال وشماغ ياليت يرحموني بعد ويزوجوني اقل بو الشباب تبادل
    فهد/ بس يا ماهر
    ماهر/ وانا عند ربي صاج اجل وش خليت لبنت الناس
    ياخوي لا تخا ف هذا قلق من وضع جديد لا اكثر ولا اقل وكل شي بيصير تمام وحط يده على كتف فهد
    فهد حس بالراحه شوي عقب ما نفس الكلام اللي عنده وارتاح نوعا ما من كلام ماهر اللي كان ماخذ الامور ببساطه ووعده انه راح يساعده


    رن رن رن رن رن
    ام فهد / الو
    ام نورة/ هلا ام فهد شخباركم وشخبار ابو فهد رؤى وشخبار معرسنا
    ام فهد/ كلنا بخير عاد المعرس ما بتم فرحته الا لين ياخذ موافقتكم
    ام نره / تقدرينيا ام فهد تجون تزورونا بالبيت
    ام فهد/ يعني افهم من كلامش اانكم وافقتوا
    ام نورة/ وين بنلقى احسن منكم







    وللقصة بقيه

تابعي تجارب أخرى من هذا القسم.